من عدد رمل الصحاري و من المطر أكثر وأكثر كيف نخفي حبنا والشوق فاضح... وفي ملامحنـا من اللهفـة ملامـح عاشقين و نبضنا طفل حنون لوتزاعلـنا يسـامـح
يا أعضاء المجلس المبجلين .. أي واحد يقنعني ويجيب الدليل القاطع إن صاحب الكلمات الرقيقة والمرهفة هو حقيقة أسير الشوق الأمير / نواف بن فيصل بدل ضحيته يوم العيد يضحي فيني أنا.. ويخلي بزارينه يتعلمون القصب والصلخ فيني .. وبعد ما يخلص يحولني لقسم المقلقل والحميسة في المطبخ ... لا تقنعوني .. الشعر يبي معاناة وألم .. بزر يوم عمره بالطعش يقول الكلمات .. بأي نافوخ تخش ذي ..؟!! هذي الكلمات مايقولها إلا واحد عانا وشاف غرابيل بقعاء .. مو واحد من يوم هو رضيع وهو يمص رضاعة بنكهة العسل .. ولو يبي آيس كريم من الهاردوز في لندن كان أشتلوا أقرب طيارة .. !! بالله .. كد وقف في طابور ساعتين للحصول على رغيف خبز في أحد ضواحي مصر وإلا راح للمطار مالقى حجز .. وإلا طاحت رجله يدور واسطة ليضمن مقعد في أحد الجامعات وإلا في يوم ناظر في جيبه مالقى إلا ريال يعاني الوحدة ..؟!! أسيرنا .. هالمعاناة يسمع فيها ويعتقد انها أساطير تتناقلها الشعوب وكلها كلك بكلك .. بالله وينه وين الحرمان ... نواف .. واللي يرحم أم جابتك خلك من.. ليك الواوا.. بوس الواوا.. خلي الواوا يصح.. أما أختلفنا واسمحيلي يالغرام تبي من يقوله قلبه تقل منخل متخرم من اللوعة والعذاب والآهات والحسرة.. أجل طفل حنون .. !! المهم .. يابوطفل حنون لا تزعل علي ترى اللي بقلبي بلسانــي ... * لا أحد ينسى يجيب الدليل .. وضحيته جاهزة .. قال إيش قال .. كيف نخفي حبنا والشوق فاضح .. حل عني أولاه ..!!
كيف نخفـــــي حبنا والشــوق فاضــــــــــح ...؟!!
ويخلي بزارينه يتعلمون القصب والصلخ فيني ..
وبعد ما يخلص
وإلا طاحت رجله يدور واسطة ليضمن مقعد في أحد الجامعات
العرض الشجري