حريق في كليه الاداب والعلوم ببريده.. صور حصريا

[ملح الأرض]

ياحبيلنا مابنا الا العافيه :>

<< عندي تطبيق اليوم مادريت الا قبل شوي

[الياسمينه]

الحمدلله على السلامة

[ارتواء]

[align=right]بصراحة اللي صار فوضى . وأنا من الصبح للآن مو مستوعبة دخول كمية الرجال هذول علينا بالشكل الهمجي هذا . لا أحد يقول لي مصلحتنا و في حال الخطر ما يتم الاستئذان من أحد ، كان
المفروض يستنوا برا و يدخل واحد مع حارسات الأمن يشيك ع منطقة الخطر . دامها بس صوت صفارة انذار ليه يدخلوا رجال المطافي ؟ يستنوا و يجوا للموقع ، بس مو يكشفوننا كذا !
لا والمشكلة احنا كنا في محاضراتنا و عباياتنا برا . و نطلع و كل شويه رجال مقابلنا ! اي فوضى أكبر من كذا ؟
الموضوع بتقييمي ماكان يستحق دخول الرجال ، لاحظوا اني أقول دخولهم جوا مو وصولهم للموقع . لو كانت النار مولعة والا والله الموضوع يستحق ان شاء الله يكسروا السور و يدخلوا الجيران ، بس اللي صار اليوم مهزلة ! واللهِ مهزلة ! بأي حق يتكشفوننا و احنا جوا المباني ؟
باي حق يدخلوا علينا قاعاتنا ع أساس يعملوا اخلاء للموقع ؟
محتاجين ناس كفو تكون مسؤولة عن خطط اخلاء وناس قراراتها منطقية وصائبة . وتعرف تحدد رد الفعل المناسب لكل فعل .

كلامي هذا ما يعني تقليل من جهد الدفاع المدني أو الشرطة أو الهيئة أو البواب ، أشكرهم من هالمكان وأقول الله يديمكم ذخر لنا تحمونا و تحفظونا .
ان شاء الله البنات اللي انفجعوا تكون خفّت عندهم الآثار ، و روقوا .. و مايشوفون شر ان شاء الله .
والله يحفظنا بحفظه .[/align]

[توته الدلوعه]

اقتباس:  المشاركة الأصلية كتبت بواسطة ارتواء     [align=right]بصراحة اللي صار فوضى . وأنا من الصبح للآن مو مستوعبة دخول كمية الرجال هذول علينا بالشكل الهمجي هذا . لا أحد يقول لي مصلحتنا و في حال الخطر ما يتم الاستئذان من أحد ، كان المفروض يستنوا برا و يدخل واحد مع حارسات الأمن يشيك ع منطقة الخطر . دامها بس صوت صفارة انذار ليه يدخلوا رجال المطافي ؟ يستنوا و يجوا للموقع ، بس مو يكشفوننا كذا ! لا والمشكلة احنا كنا في محاضراتنا و عباياتنا برا . و نطلع و كل شويه رجال مقابلنا ! اي فوضى أكبر من كذا ؟ الموضوع بتقييمي ماكان يستحق دخول الرجال ، لاحظوا اني أقول دخولهم جوا مو وصولهم للموقع . لو كانت النار مولعة والا والله الموضوع يستحق ان شاء الله يكسروا السور و يدخلوا الجيران ، بس اللي صار اليوم مهزلة ! واللهِ مهزلة ! بأي حق يتكشفوننا و احنا جوا المباني ؟ باي حق يدخلوا علينا قاعاتنا ع أساس يعملوا اخلاء للموقع ؟ محتاجين ناس كفو تكون مسؤولة عن خطط اخلاء وناس قراراتها منطقية وصائبة . وتعرف تحدد رد الفعل المناسب لكل فعل . كلامي هذا ما يعني تقليل من جهد الدفاع المدني أو الشرطة أو الهيئة أو البواب ، أشكرهم من هالمكان وأقول الله يديمكم ذخر لنا تحمونا و تحفظونا . ان شاء الله البنات اللي انفجعوا تكون خفّت عندهم الآثار ، و روقوا .. و مايشوفون شر ان شاء الله . والله يحفظنا بحفظه .[/align]

ولايهمك يالغالية المرة الجاية بناخذ الأذن منك عشان مايكون مهزلة
ولهدرجة امر الحجاب والغطا يهمك يعني
اسمحلي اهنيك على اهتمامك بالغطا
هكذا هم اصحاب القلوب المريضة يعني انتي وصلك تفكيرك انه رجل الدفاع بيدخل يناظر خشتك او رجل الأمن داخل يتفرج ...
حبيبتي الموضع سهل وعادي لانه تم الســـــــــــــــيطرة عليه بالوقت المناسب
ولاكان صار شيء ثاني.. أجل ليش صفارة الأنذار تشتغل حتى موضفات السير قالوا ريحة كهرب !
موظفة الشؤؤن قالت التماس !

ياسرع ماننسى !!!!! نسينا المدرسة اللي احترقت بمكة وماتوا الطالبات عشان تخلف وتعنت المديرة ورفضها للأبلاغ ..
ولاتنسين انه فيه بنات مريضات فيه احد معه سكر وفيه احد معاه ضغط
وفية احد حامل
المنطق يقول : حتى لو الأمر سهل المفروض يحسبون حساب لكل شيء
والمفروض انه حتى الاسعاف جاي تحسباً لو صار حالات أغماء لاسمح الله

قبل ماتكتبين اي كلمة فكري بالكلام اللي بتقولينه هل هو منطقي او سليم
والمهزلة كلامك اللي كاتبتيه

صدق رسول الله كان لة قول شريف بأن المرأة لاتصح أن تمسك منصب قيادي


سحقاً لكل تفكير مريض ..

وأن شاء الله ماننسى ناخذ الأذن منك لدخول رجال الدفاع ..

سلامي واحترامي لكِ

[ارتواء]

توتة ، إللي صار صار ، خلص .
احنا هنا نسولف باللي صار و نقول آراء ، احنا خوات ترا و نسولف : )
زي ما انو خواتي اختلفت آراءهم لما حكيت الموضوع لهم .. هنا أكيد بنختلف .
وهذي وجهة نظري . و وضّحت انو ما امنع وصول الدفاع المدني ولا مكالمتهم انهم يحضروا
للموقع ، كل الفكرة اللي قهرتني انو كمية الرجال اللي دخلت كبيرة . كان يكفي يسوي الشغل واحد أو اثنين . توافقيني ع كذا أولأ ؟
توته الله لايخليك تجربي شعور فجعتك بوجود أكثر من رجال يقابلك بطريقك وانت ولا عليكِ غطا .

في كم كلمة في ردك ما اعجبوني :
ولهدرجة امر الحجاب والغطا يهمك يعني

هكذا هم اصحاب القلوب المريضة

يناظر خشتك

والمهزلة كلامك اللي كاتبتيه

سحقاً لكل تفكير مريض ..

وهذي كم جملة أبغى أعلق عليها :

اقتباس: ياسرع ماننسى !!!!! نسينا المدرسة اللي احترقت بمكة وماتوا الطالبات عشان تخلف وتعنت المديرة ورفضها للأبلاغ ..

هئه مانسيت . و حادثه أقرب وفاة البنت ف الكلية اللي من كم يوم الله يرحمها . كلها صارت عشان غباء في قرارات المسؤولة . بس مدري ايش خلاكِ تقولي هالفكرة .. مع انو انا مؤيدة لوجود الدفاع بالوقت . بس مو مؤيدة دخلتهم كلهم .

اقتباس: المنطق يقول : حتى لو الأمر سهل المفروض يحسبون حساب لكل شيء

برافو عليك ١٠٠٪ أوافقك .

اقتباس: والمفروض انه حتى الاسعاف جاي تحسباً لو صار حالات أغماء لاسمح الله

جد كان فيه سيارتين اسعاف برا و نقلوا بنت لوحده منهم - أتمنى انها بخير الآن - .


الله يحفظنا و جميع المسلمين .

[توته الدلوعه]

لا يالغالية ضعي نفسك موضع رجال الأطفاء لما وصلهم البلاغ
تتوقعون راح يفتحون اجتماع ويجلسون يحسبونها مثل ماقلتي!

أكيد لا ..
راح يدخلون ويتأكدون بعدين عادي جدأً لو دخلو الرجال الدين يسر ياأخيتي وليس تعنت

ماقلنا شيء وبالعكسسسسسس البنات تغطو ولبسوا عباياتهم وأكيد عاد بيصير فيه تجاوزات
ولاتنسين انه الكلية كبيرة وفية فوق 3000 طالبة

يعني لو جينا نقول للبنات يلا تغطو كم يبغالنا من الوقت نصف ساعه - ساعه -15 دقيقة

حتى الدين سمح لنا بالتجاوزات وحتى الاحكام الشرعية فيها تجاوزات للضرورة ..

وهذا ضروري لانه حياة او موت ..

انا كنت شاهد عيان والله الموظفات ماتحركو ولاسووا شيء
وزين ان الطالبات بلغوا هذا كهرب محد يستهين فيه !!

تحيتي لك ِ

[ارتواء]

ممم صح كلامك مقنع انو مافي وقت يخططون وكذا . بس والله قلتها من قهري


يلا هو أخطر شيء الواحد يدخل في نوايا الناس و ربي يعلم انو ماقصدت كذا ، أصلاً كيف اعرف وش بقلوبهم ؟ و منظرهم كان جدي مرا و يعطون اوامر بحزم .
والدين يسر صحيح : ) بس عارفه يعني بالنسبه لي تألمت انو كم رجال لمحني وانا بزينتي !
هذا اللي خلاني أتحمس !
بس ع قولتك الضرورات تبيح المحرمات : ) اللي يجعلها آخر فجعاتنا يارب والحمد لله اللي عدت سليمة .

[الخالة نوسة]

الله يعينكم يا بنات التربية
بنات التاهيل معكم قلبا وقالبا وسفينة وقاربا ..

عادي خلو الوضع ايزي <<<وحدة خكرية

[بسومة بريده]

الله يستر وش جاهم الكليات....

[طبيبة القلوب]

ابد اصار إلا الخير بسووومه ..
/
كل هالمعارضات اللي تشوفين .. علشان دخول رجال الدفاع المدني

هذا بدال مايشكرونهم ..

[نبض قلب]

الحمدلله على سلامة الجميع

ماقصروا رجال الدفاع المدني

[بيلسان الصباح]

بسم الله الرحمن الرحيم
السلام عليكم ورحمته وبركاته[b[/b]اولا الحمدلله على سلامتناااااااااااااااا
ثانيا اشكرك باأخت ارتواء على محافظتك على الستر ولكن انا أعارضك ليش ماتبين رجال الاطفاء يدخلون طيب افرضي ان هذا الالتماس تطور شوي بس كان انفجر المبنى كله وانتي شايفة غرفة الكهرب اللي عند المبنى اللي حصل فيه التماس اللي قدام الشؤون طيب لو تطور بس شوي برايك وش بيكون هم وش دريهم ان الالتماس خفيف ولا لا وحنا نحتري المسؤلات يسوون شي لنا ليتهم ينفعون بدراستنا واللي نبيه مانحصله كيف لو حريق والله ماراح يسووووووووون شي بس بيهجون وحتى خبرية ماراح يخبرونك بعدين اذا حصل انه احترقت صدق نقول ليتهم دخلو لا والله الله يعطيهم العافية ويثيبهم على عملهم وهذا احسن حل وقرار سوووه

[جنون انثى]

^
^
^
انا بصراحه بالتأهــيل اقول المفروض ينقلون الاسعاف ويحطون مركزهـم بدال العملاق الاخضر اللي عندنا وكاشخين فيه :$

كل يوم جاينا الله يستر بس

[بندر الحمر]

الحمد لله على سلامة اخواتنا

ورجال الدفاع المدني ما عملوه هو قيام بواجبهم من وجهة نظري

ومن واجباتهم احتواء الموقف قبل أن تتفاقم المشكله

ولاشك بأنه ربما يكون هنالك اخطاء بطريقة او اخرى

لكن الحمد لله على كل حال

[إياد الموسى]

الحمد الله على سلامتهم