الى نساء بريدة ,, قاطعوا جميع المشاغل النسائية (السبب بالداخل )

[الــرزيــن]

مع إحترامي للحريم

لكن


الأجنبيات يدرن

إن السعوديات يحبن الكشخه

ولو تقول له هذي التسريحه بألف وهذي بعشره

قالت لا أبي أم ألف

لو هي أشين

بس مايقولون وع مزينه تسريحه أم عشره

الله يعينكم على أنفسكم وكني بديت أحس أن بعض البنات عندنا صاحبات مشاغل

[بنت البدائع]

[align=center]كل الدنيا غاليه هي واقفه على المشاغل وبس .,
أغلب مشاغلنا إبتكار بالمطرسة والممتاز يكون نار
شجوونه المكياج والإستشوار صح ممكن فيها مقاطعة
لكن الشغلات الثانيه مانقدر ( أعط الخبز خبازه ولو أكل نصه )
يالله ربك يعين

كل الشكر شجـ وون [/align]

[جنووون بريدة]

الله يكون بعونكم يالبنات بصراحه اسعار المشاغل مرتفعة كثيرررررررر وانصحكم تسووو حملة مقاطعة للمشاغل ...

وعلى كلام بريداوية فاشن احنا نقدر نسوي احلى .... أكيد يابريداوية فاشن تسوي أحلى ...؟؟؟؟

وبعدين خل البنات يقاطعو المشاغل عشان احنا يالشباب نروح نسوي حمام مغربي وحمام بخار عند المشاغل من يحصله .. وياسلام لو تجيك لبنانية او سورية او سعودية تحلق دقنك وتزبط السكسوكة ياسلام والله كل يوم اروح احلق عندهم ...

وتحياتي للجميع


جنووون بريدة


kaka999666@hotmail.com

[اميرcom]

يازين الحلاق الهندي تطلع منه تلقاك صارف 15ريال

[شجــ ون]

اقتباس:  المشاركة الأصلية كتبت بواسطة ترووك&&a     والله الصراحه مادري عن شغل الحريم بس والله حرام

ايه والله حرام حرام

[رايق]

اقتباس:  المشاركة الأصلية كتبت بواسطة شجــ ون     يعني معقوله بمناسبه وحده ماتتعدى ساعتين يآخذون منك حوالي 300 الى 600 ريال ماهذا الطمع والجشع يامشاغلنا يعني المكياج يسونه 150 والتسريحه 150 والمكياج الفخم 300 والتسريحه الفخمه 300

وش ذا الأسعار الخياليه ياشجون ؟؟؟


في الرياض ولأن كل شارع يوجد فيه مشاغل أكثر من البقالات تجدين الإعلانات والعروض الزهيده على أبواب هذه المشاغل والتي لاتتعدى 35 ريال للإستشوار أو الصبغه أو القص وغيرها !

حتى بعض المشاغل تسويلك كل شي من راسك إلى قدميك بحدود 200 ريال !


على كذا أنا أأيدكم على المقاطعه وبقوه بس ماأظن بتسوونها !

عموما أفضل حل أن تأتي بالكوافيره للبيت إذا كان فيه ضروره لها !


شكرا لك

[فرٍآشهہَ خجوٍلهہَ]

هههههههههههههههههههـ

الحمدلله والشكر بسسس

اذا ماتبين تدفعين فلوس انتي سوي نفسكـ

مثل امس كنت بمشغل عآد وحده تشقر حواجبه والكوافيره اللي حاطه الصبغه له راحت تسوي ثانيه وعاد امه تقوله روحي له توخره والا قولي له عطينا فلوسناااا دافعه عشرين ريآل وجايه تهاوش عشآنهم

اسآسآ انتي مارحتي للمشغل الا انتي عآرفه انــه بتدفعين فلووس وكل وحده تروح للمشغل اللي قدهـ ..!

من جـد عقليــآت مدري وش تبي ...؟!

[شي يقهر]

موضوعك حلو ....

ولدي تعقيب عليه ... انا معاكي بمسألة المكياج والتسريحه ... بصراحه حرام .. ثم حرام ... لما تجي الحرمة تغسل وجهها بالليل كانها تشقق الفلوس في المغسلة ... وفيه ناس محتاجين وفقراء ما يلقون ما ياكلون .

تعلمو .... قبل فترة عملت تسريحه بـ300 ريال .. بس خليت اختي تتعلم من نفس الكوفيرة وهي تشتغل وعملتها لي من بعدها .. وطلعت مضبوطة مشاءالله ..

يعني علمو انفسكم ... جهل الحريم و ان الفلوس سايبه في يدها كل ما طلبت .. وهي ما تحس بجهد رب الاسرة في جمع هالفلوس .. هو السبب.


نجي للخياطة ...

حبيبتي .... ((أنا كان عندي خياطة وفاتحه بيتي مشغل . ))

قسم بالله العلي العظيم .. انه الفستان أبو 800 والحرمة تبيه فخم وكله كرستال خسارة في خسارة في خسارة ..

احسبي راتب الخياطة
فواتير الكهرب عشان مكاين الخياطة والتطريز والسيرفوليه .
الخيوط والسحابات والبطاين ..

والكرستال وما ادراك ما الكرستال اللي الحبة توصل لـ20 ريال ..
وباكيت النمساوي يختلف كل لون له سعر باكيت بـ200 وباكيت بـ400
(ولا تكذبوني .. قدامكم شارع المشاغل و محلات الكلف .. روحو اسئلو عن الكرستال .)

تجي الحرمة تبلشك وتعل قلبك تبي موديل فخم ما شافه احد وهي جسمها ياربي لك الحمد .. و تبلشك ابي كرستال غالي ابي قماش غالي .. لا تغشين لا تغشين وهي اصلاً اللي جايه غاشتك بالقيمة .وبنفسها .. و من ثم تبلشك .. متى يخلص و بسرعه اخلصو علينا .. تبيه مستعجل وهي ماهي دافعه . وتبيه حلو وفخم وهي ماهي دافعه وتبيه نفس الفستان اللي على العارضة وهي ياربي لك الحمد (شحوم متطابقة على بعض .. )

وتسهر الخياطة المسكينة اللي تشتغل فيه ثم تجي تقول ... لا ما طلع زي اللي بالصورة ..

يكفي التعب النفسي اللي تلاقيه الخياطة وهي تنتظر ردت فعل الحرمة ..

قسم بالله ان المشاغل (تفهم ) يوم تحط الفستان بـ200 و يوصل 5000 ريال

علشان الحرمة تتأدب ما تعلك .

اللي يبي الزين يدفع .واللي ما عنده مايلزمه يروح للهندي اللي مأدب الحريم .. زان الفستان او خرب يرميه في وجهها بس هاتي فلوسي ما علي منك.


على كل حال ..

فيه حريم مريحات النفسهم .. بحجة زواج او مناسبه فيها طق وخرابيط ما نحضرها .. ولا هن مكلفات النفسهن ولا متعبات جيوب رجالهن .


ودمتم ...

[.َ أخ ـتلفـناّ !]

المكياج اوكي نعرف
بس الشعر عادي نسويه عند المشاغل
المناسبه تعد على الاصابع في السنه
اهم شي نكوون حلوين ياحلوه

(من لايقدر على جمع الفضائل- فلتكن فضائله ترك الرذائل)

[خلــ ابو ــيفة]

شكراا على الموضوع