لميس , آآآآه على تلك السنوات الضائعة .. .. !!

[دقات قلبي]

أهم شي إن عندهم قصص رومنسية....لأبعد الحدود

وهذا الشيء قدنفتقدة أو ننحرم منه...فأنا عن نفسي لاأجدها إلا في مثل هذه المسلسلات..>>بغض النظر عن الممثلين .. لأني لا أهتم لهم..

وإلا من ناحية الإعجاب وحب المسلسل بسب حب الممثل

إذا اللي هامت بهاالشخصية صغيره أوغير متزوجة وغير مرتبطة...فهذاشي عادي لأن الكل يحب الجمال ..وتراهي ظاهرة وتتلاشى إما بتغير حال هذه البنت..أو بإنتهاءالمسلسل ..

اما إذا هي مرتبطة ..تكون مالقت اللي يملى عينها..وهذي صفه سيئة عندبعض النساء>>>أستغفر الله

أما الرجاااااال...كلهم راعين إعجاب لو يكون عمرة 100وشاف بنت أعجبتة إنهبل..وأقر وإعترف بذالك.

هذارأيي سيبوية ولك كل التقدير

[•°سـرىآ اللـيـل°•]

صباح النعناع الأخضر ..

بصراحة ماأعرف المسلسل لذلك مااقدر أعلق عليه ..

بس بقول للأخ الواصل اللي منهبل على لميس وشفت صورته قدام ,, ليتك تطمح للأفضل .. بصراحة مابه زود ..

لميس هذي بنت أخوي عمره 10 سنوات جداً جميلة وأي وحدة اسمه لميس اقارنه به وتطيح من عيني على طول ..

وهذي لأن اسمه لميس قارنته ببنت اخوي وطاحت من عيني بصراحة وجهه كبر عين لميس الصالح الله يحفظه ..

المهم رحمتك تدور بنت مزيونة قلت أزوجه بنت أخوي بس هونت حسافة تروح لك وانت مطلق العنان لعيونك بالخرابيط ..

شبابنا ذوقهم مش ولابد إذن بتوفقون مستقبلاً ,,,, المصيبة لاصار عندهم ذوق ولايعجبهم إلا الجميل بحق وحقيق وهذا نادر ..

دوم على هالوزنية شباب وخلوكم على ملامح لميس وهالشلة تراه متكرر ومش غريب .. بس لأنه ممثلة اعجبتكم وإلا ماتعتبر جميلة ..

أجل يموت بشيء اسمه لميس صدق رجال وينك ابو جهاد عنهم

^^

لايفهم غلط للأخ الواصل فقطططططططططططططططططططططططططططططط

[@ الواصل @]

اقتباس:  المشاركة الأصلية كتبت بواسطة •°سـرىآ اللـيـل°•     صباح النعناع الأخضر .. بصراحة ماأعرف المسلسل لذلك مااقدر أعلق عليه .. بس بقول للأخ الواصل اللي منهبل على لميس وشفت صورته قدام ,, ليتك تطمح للأفضل .. بصراحة مابه زود .. لميس هذي بنت أخوي عمره 10 سنوات جداً جميلة وأي وحدة اسمه لميس اقارنه به وتطيح من عيني على طول .. وهذي لأن اسمه لميس قارنته ببنت اخوي وطاحت من عيني بصراحة وجهه كبر عين لميس الصالح الله يحفظه .. المهم رحمتك تدور بنت مزيونة قلت أزوجه بنت أخوي بس هونت حسافة تروح لك وانت مطلق العنان لعيونك بالخرابيط .. شبابنا ذوقهم مش ولابد إذن بتوفقون مستقبلاً ,,,, المصيبة لاصار عندهم ذوق ولايعجبهم إلا الجميل بحق وحقيق وهذا نادر .. دوم على هالوزنية شباب وخلوكم على ملامح لميس وهالشلة تراه متكرر ومش غريب .. بس لأنه ممثلة اعجبتكم وإلا ماتعتبر جميلة .. أجل يموت بشيء اسمه لميس صدق رجال وينك ابو جهاد عنهم ^^ لايفهم غلط للأخ الواصل فقطططططططططططططططططططططططططططططط

وراك علي يا الحبيب وش فيه لميس !!!!!!

وبعدين وش قصدك شكلك تبيني انضم الى الفئه الضاله اقوول((((دن هناك(((((

[ДBu-HάηάĐi]

مشكوووووووور
كاالعادة على قناة الفساد mbc
تعلقة قلبهم على الكفار
ليلا ونهار يردون لميس وغيره
الله يهديهم ويصلح المسلمين

[ليتك وفيت]

هذا المسلسل شد انتبه الناس لانه تركي وهو شي جديد علينا تعودنا على المصري والسوري والخليجيات ولكن تركي شي جديد وقصص جديده انا من المتابعين لمسلسل نور ولكن اتابعه للقصه مو علشان اشوف مهند او غيره الحمدلله عندنا رجال مليانه عيوننا منهم وماحنا مشافيح رجال وبصراحه من قال ان السعوديين مايعرفون للحب والرومانسيه بالعكس كل رجال وحرمه عندهم هالشي غريزه ولكن لابد من الطرف الثاني يساعد علشان يقدرون يظهرون هالشي يعني الغلط من جميع الطرفين والوم مايكون على رجال او حرمه الوم على الجميع ومو عيب اذا بديت انت فيها اول وكنت رومانسي علشان الطرف الثاني يساعدك وتكون باذن الله احلى قصة رومانسيه في بيتكم ............. تقبلوااا مروري

[إلينـ اليوم]

[align=center]لميس ياسيبويه والله من استراحه وستراحه رايحين كباب معه
ياكثرهم اللي تجيهم لميس باالحلم ويركب هو وياه باالخيل الاسود
ومادري ايش والبنوتات يحبن يحيى وياالله ربك يستر عاد يحيى ينحب
عليه شنب تقل من حقين الحطب <<محوم سبدو شنب يحيى
مهند اللي بمسلسل نور يمكن مملوح امايحيى وعمر كشابير
بس نظرة العنصر النسائي للرجال غير اشوفك ياسيبويه ددسن
بس البنت تشوفك حلو دنيا غريبه وصرنا فيها اغراب <<يولف اياقله راعي امثال
سيبويه تصدق توني مشتري سياره عاد اطلقو عليها الشله
لسم لميس اشغلوني يلا نسافر على لميس بس رحمت الاوله
مسمينه سميه الخشاب .




اهدأ

ياسيبو الاماكن كلها مشتاقه لك <<ياشين الفراغ العاطفي صفت على سيبو الله يخلف [/align]

[ღ ][ وحيدة كالقمر ][ღ]

وعليكم السلام:


سيبويه....

شرهتك ع اللي تعرف نور واللي مانوّرت له.....ماأحب الإعلام أبد.....ولا متابعة الأفلام ولا المسلسلات...


بس بقولك...حنا شعب ناخذ من االغرب حتى اللبس....فمابالك بفلم منمّق ومزكرش لآخر قطرة ع شهادة بعض الناس....


فكرنا يستقبل أي كلمة وأي فعل وأي صورة....!بغض النظر عن الحلال والحرام..وبغض النظر عن الوقت...


وبغض النظر عن العقاب....

كلّهن مجتمعات


أجل مرة كنت بمجمّع نسائي وفيه مجموعة مراهقات عسى ربي يصلحهن داخلات البقالة وكان فيه علك باب الحارة الله يهدي من أطلعه

وجايّاتك كل وحده تقول:لا أنا أبي فلان والثانية أنا أبي فلان وهذا وهذا


يالله لك الحمد والشكر....حمدت ربّي إنه عافاني ممّا إبتلاهنّ فيه...



والله يثبتن وعساي ماأدحدر مع اللي مدحدرين....الدنيا تخوّف والفتن كثيرة...


الله لايفتّنا إلا بطاعته


تحية

[ســـــــراب]

عجبي والله,,,,

والله من النغر بالرجال !

يوم مسلسل (باب الحاره) وانتم طايره بوهتكم الحمدالله والشكر

والحريم كانن منهبلات ومنغثات لتعلقكم بالمسلسل..!!

الحين جاء دور الحريم تعلقن بمسلسل (سنوات الضياع)و(نور)

وانهبلتوا انتم ..!!

وأنتم احكموا بينهن راح تعرفون السبب؟؟؟؟؟؟؟؟؟؟؟!!!

وتحياتي ,,

[بنت البدائع]

مراحب سيبوية ...


بالنسبة لي لاأعرف لا لميس ولا رفيف .. مجرد سمع ممن هم حولي ..
ولايهون قوقل <<<

اقتباس: اللي يدعوا للتساؤل و الإستغراب هو لماذا تأثير الأعلام علينا قوي و مؤثر , و سلبي جدا ؟؟

هذا ملاحظ .. ولايوجد سبب له إلا الفراغ الطويل الذي يعيشه الأغلب منا في الوقت الحاضر..


أما ع قولتك تأثر البنات والنساء بأبطال المسلسل ..

سنوات الضياع ليس ببعيد عن ستار آكاديمي وغيرة ... والله يستر من الآتي ..
ولاأعتقد فيه أحد يجهل تعلقهن بأبو الهش وماأدراك ...


أزيدك من الشعر بيت ..

الحين موضة عند الناس يسمّون بناتهم المواليد " لمــيـــس " <<< وش دعوة ياإسمي


الله يصلح الأحول للجميع ..


دمت بخير ..

[صاحي ورايق]

[align=center]هلا حبي
والله ياللميس سوت هوايل بهالعالم
والله يا حبي لي كم سنه ما أتابع لا مسلسلات ولا أي برنامج
من عقب هدف الأسطوره عليكم عام 1415هـ وأنا ناطعن يمين من هنا لحد العراق إني ما أتابع شيء << لا تحمق علي !
المهم تكرر ذكر لميس في معظم المجالس .
أنا ما كد تابعت حلقه لها
لكن دائمآ يأتيني شخص عشان سرعة الإتصال عندي يحمل حلقاته وشاهدته من هنا !
هي حلوه بس الله يلعنه عليها كبر أكتوف
وغير كذا لو تروح تتابع حلقاته بالمواقع التركيه راح تكرها
لإن صوتها الطبيعي ناقصه سداده وتصير مرهم
بصراحه صوتها ذكرني بإيام بلوغي
لإني أنا بالغ وأنا أتمغط في رحم أمي
طلعت من بطنه وأنا طاق لطمه وحاط رجل على رجل والحريم على طول تغطن والشنب كأنه شنب الهريه << تعرفه ذا ياسيبو هههههه بالميه !
هذي لميس ذكرتني أيام ( مادلين طبر )
اللي قلبت حال وأحوال دولة سوريا كل أبوها
يوم سوت بهم الهوايل ومشتهم على رجل
راحت وكملت الناقص لمصر
وحطت أبو صعيد مثل الكلب يبحث وراها
أكلت حق من سبقوها بالظهور وحق زمانه وحق الأجيال القادمه من الحلوات !

اقتباس: لأننا شعب ملعوب علينا ومقيول لنا انتم شعب مكتوم ولازم تتفتحون وصدقنا !!! <<<<< منول ايقاله يحب ليلى علوي !!

أنت منول
إلى إلى هالحين خاق عليها .. وبنت الكفت كل ما كبرت كل مازانت وصارت تهبل
حريما كل ما تقدم به العمر بدا جسمه يميل للثلاجه
وأهي كل ماله ما تتخسر أكثر وأكثر !
يا حبيلك لا يهمك الوجه بهالزمن على طول يمل منه
خلي عينك على الجسم اللي أتحداك تمل منه !


من حيث الأسباب يا قلبي سيبو إذا كان هو إعلام أو غير ؟
والله يا حبي ما أظن وأبعد هذا الشيء عن الحقيقه
هي طبعآ النفس وما تهوى
ما يهم إذا كانت حلوه أم لا
على حسب دور هذا الممثل والممثله
على ما أظن أن لميس كانت تتغلى على محبوبه بهذا المسلسل
وأحنا دائمآ تجذب أعيننا البنت الصعبه اللي طريقها وعر مليان بالشوك
فا البنت التي طريقها السهل الممتنع لا تكون مرغوبه لدينا
سبحان الله لا أعلم لماذا
حتى لو تلاحظ هنا يا سيبو في هذا المنتدى
تلاقي أكثر ما يشدك البنت اللي كده وعامله عمايل من القسوه على الرجل
والعكس صحيح مع البنت
كثير منا أتفق أن الرجل القاسي الذي لا يرحم هنا تكثر عليه التقرب من النساء من غيره من الرومنسي واللي مسوي فيها عبروني أنا هنا .
الشكل لا يقدم ولا يؤخر
تضل متعلق ومتابع وبعد النهايه ينتهي كل شيء وتنسى
على حسب دور الممثل والممثله في هذا المسلسل وموقعهما من الإعراب !
هذا هو العنصر الأساسي اللي يخلينا نلتفت ورأهم وتكون الصوره معلقه بين أعيننا
وإلا ياما وياما ممثلات يطقن للميس بأصبع ولا أخذن شهره مثلها
لإن موقعها ليس مؤهل أنها تجذب الأنظار
عاد من حيث النساء .. تضل المرأة عوجا في كل شيء
يعني من وين ما تطقها فهي كلها أعوجاج من كل جهه
عندما يكون طرف أي شيء في هذا الكون إمرآة
فعليك عدم السؤال وعدم التحاور لإنك تصب في قربه منشقه
المرأة كالمجنون الذي باز عقله لا يشرهه عليها ولا يؤخذ من أقوالها وإعجابها ولا جزء بسيط
تضل من بداية خروجها على هذه الدنيا لحد ما تفطس مراهقه مرفوع عنها القلم بكل الأحوال


إهداء مني لك أغنيه سعد جمعه ( بسمك صرخت وصابني نشوة الزار ) و ( كرت أحمر )
تتذكر ذولي يا سيبو أيام زمان << جن على بالي بهالوقت
لإني وأنا جالس أكتب كنت أتذكر الماضي لعل أن يكون فيه شويه معلومات أكتبهم لك هنا


يالله بايوووووووووووووووو غلاتي[/align]

[بيرل قيرل]

أنا بالنسبه لي ماأتابع مثل هالمسلسلات
ومشكورين

[الكبري]

سيبويه ..

مرحباَ بك ..

ما خطته أناملك هنا أنه لايوصل لطريق الطرفية ..

على كل حال هذا المسلسل فريد من نوعه بعد باب الحارة من حيث أنه حديث للناس ..

زميل لي يسميه مسلسل الحلاقين ..

وجدت أحدهم ثيم جواله لميس ونغمة جواله مأخوذة من هذا المسلسل ..

على أنه في حبكته الدرامية شبيه بالمسلسلات المكسيكية مسلسلات إلخاندروا وايزبيلا ...

لكن نجح المسلسل بتقديم أوجه جميلة وأمكان للتصوير أجمل ..

برأيك كم واحد سيكون الرسوب في الإمتحانات بسبب لميس ؟

لكم أطيب المنى

[فيصل...........]

اقتباس: أم أنك تسخر من ذلك

نعم اسخر ....

[مياسة]

ظاهرة من ضمن الظواهر الطفافية,, لا تلبث ان تزول

العقول السطحية من شباب الرياض كتبوا على كلية البنات :
( بعد لميس ورفيف آن لنا أن نقول أنكن رجال فبلاشِ من الغطا تكفوون)

!!!

اتوقع ناس فاضية ما عندهم امتحانات

[ღ ][ وحيدة كالقمر ][ღ]

اقتباس: برأيك كم واحد سيكون الرسوب في الإمتحانات بسبب لميس ؟

إلى الدفنِـــــــــــــة..


لاصارت لميس اهم عليهم من إمتحاناتهم


مالت