يالسعودي خلاص وقت الاسراف انتهى !!!!!!!!!!!

[الذاهـبـة]

اقتباس:  المشاركة الأصلية كتبت بواسطة عاشق ديرتي بريده     وش تبون زود يالمواطنين الكل يتمنى ان يأتي للسعوديه لكي يعيش ربع مانعيشه ونحن لايعجبنا العجب !!! نعيش فوق مستونا ونشكتي الفقر !!! نضيع اموالنا باشياء تافهه ونشتكي زيادة الاسعار !!! شبابنا يشتري اغلى السيارات ويشتكي غلاء المهور وصعوبة الزواج !!! نسائنا تضيع اموال ازوجهن بالكماليات وتشتكي بقلة دخل الزوج !!! متى نصحى من غفلتنا ونعيش على قد حالنا !!! نعم نحن دوله غنيه وبرميل النفط وصل ما وصل اليه من الاسعار لكن لانستطيع عمل شي سوى ان نعيش على مقدار رواتبنا !! دعوكم من الكلام والعمل الذي لايفيد بشي واذا كان يفيد فهو مفيد لزيادة الاحباط والقهر !!! افتحــــــــــــوا صفـــــــحه جديده لحياتكم لكي تعيشوا بسطاء مبسوطين ,,,

مرحبا بك استاذ عاشق بريدة

أحييك على ضميرك الحي و تفكيرك الواقعي النيّر ..

تصدق حنا شعب مضبوط بس ماعندنا دبرة ..

يعني شعب عايش ع البركة ..

و نحب التبعية بشكل خرافي ..

و إن حصل مهايط .. فلا مانع نهايط و حنا قدها و قدود .. هه !!

حتى أول .. كان فيه مجتمعات أقل تبذير من المجتمعات الأخرى المعروفة ..

مير هالسنيات الأخيرة .. صار كل الشعب : مبذر .. و بدون أدنى حكمة ..

أو علم في سياسة الإنفاق .. !!

استاذ عاشق ..

ترى انا بديت بنفسي .. و يسرني اخبرك عن تجربتي حول الموضوع ..

1 . خفضت عدد قطع الملابس حقات الدوام .. أول كنت اشتري بالهبل ..

و السنة هذي الحمد لله حددت عدد و ماراح اتجاوزه ..

2 . خفضت الحد الإتماني لجوالي .. وحتى اللي يدقون علي دقه و يقفلون ..

صرت مثلهم أدق ربع دقه و أقفل بسررعه .. هه !! أجل .. أكد على أيتام أنا ؟!

3 . قبل النزول لأي هايبر ماركت .. أكتب أغراضي و مشترواتي الضرورية ..

ولا أتجاوزها أبداً .. حتى ولو شفت شي و كبدي طاحت عليه .. والله ما أخذه ..

<<< قوية .. هه !!

و إن شاء الله ربي بيساعدني و تكبر خطتي لتشمل كل أفراد عائلتي ..

يحفظك الله ..

[اتعبني خطااااك]

وااااااااااو والله من الفلوس اللي تسحب
وتنبلع

[خالد التويجري]

فعلاً صدقت ..,!

لكن شي مهم جداً (هل يمكن أن نكون أفضل من مانحن عليه) ..؟
بالنظر إلى ألدخل العام للبلد (من جميع إيراداته) وليس البترول فقط .., يبدو لي أننا نستحق أن نعيش أفضل .
مع التسليم بأننا في حال طيبه وبحمد الله .., وفي نعمة من الله وفضل ..,


تحياتي .,’

[ابوخالد382]

اقتباس:  المشاركة الأصلية كتبت بواسطة عاشق ديرتي بريده     اريج اتحداك تجيبي عائله سعوديه ماتوا من الجوع !!!!

عاشق يبدو أنك لاتقرأ الصحف اليومية,,,اليوم في صحيفة بريده الإلكترونية وفاة شاب سعودي يبلغ من العمر تسعة عشر عاما والسبب شركة الكهرب قطعت الكهرب عنهم لعجزهم عن سداد الفاتورة مما أجبر الولد ينام بالسطح وخرج تقرير الطب الشرعي أن الوفاة ناتجة عن الحر الشديد والإختناق الحراري,,وأزيدك من الشعر بيت أمهم دخلت العناية بسبب تعطل جهاز الأوكسجين ,,,وحضر مدير الشرطه لمعاينة أوضاع الأسرة فبكوا جميعا على سوء أوضاعهم المعيشية..{لِلْفُقَرَاء الَّذِينَ أُحصِرُواْ فِي سَبِيلِ اللّهِ لاَ يَسْتَطِيعُونَ ضَرْبًا فِي الأَرْضِ يَحْسَبُهُمُ الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافًا وَمَا تُنفِقُواْ مِنْ خَيْرٍ فَإِنَّ اللّهَ بِهِ عَلِيمٌ} (273) سورة البقرة

[عيون الصقر]

الحين حنا بمرحلة مط للمسافة بين الغني والفقير

[Queen of buraydh]

وجهة نظري انه بالمستقبل راح يكون مجتمعنا عباره عن طبقيات

طبقة الاغنياء + طبقة الفقراء كما هو الحاصل في الغرب

الله يستر بس ..

( ان الله لا يحب المُسرفين )

( وإن شكرتم لأزيدنكم )

الحمدلله والشكر على النعمه ,, والله لا يغير علينا

[الذاهـبـة]

صحيح ..

ستحكمنا الرأسمالية ..

[لمبـة شارع]

اقتباس:  المشاركة الأصلية كتبت بواسطة عيون الصقر     الحين حنا بمرحلة مط للمسافة بين الغني والفقير

نعم..وإسمها _المرحلة المَطيــــــّـــــة....

واحنا لها........ مِطيّة!!

[عاشق ديرتي بريده]

اقتباس:  المشاركة الأصلية كتبت بواسطة ممكن اكون بكونك     دعوة لتقشف بأسلوب يدعوا الى الاثارة

هلا ممكن اكون
نعم دعوه للتقشف لان الحياة صايره صعبه !!

[عاشق ديرتي بريده]

اقتباس:  المشاركة الأصلية كتبت بواسطة فور يو     مقولة (( حنا احسن من غيرنا )) تتكرر هنا في هذا الموضوع ولكن بشكل مختلف نوعا ما ...! و عندما ا تسأل من هم غيرنا ...؟ قالوا : الصومال والسودان وحولها ادغال افريقيا ...! في بلدي بلإمكان افضل بكثير وكثير وكثير مما كان ... هل اتحدث عن صحه ام التعليم ام قبول الطلبه بالجامعات ام الرواتب ام المكافئات ام الأسعار اما البطاله فخليها على جنب فهي اشهر من نار على علم ...! اخوي عاشق تحت ارجلنا اكبر ثروه في العالم ومازال هناك من لا يجد قوت يومه ... لن اطيل فلو استرسلت لمللتم ... اعذب تحيه للكل .

هلا اخوي فور يوم
نعم تحت اقدامنا ثروه والكل يعرف قيمتها لكن لانستطيع عمل شي
الكل يتمنى ان يعيش افضل عيشه بالعالم لكن لا نستطيع !!
اذا لماذا نكابر ونستمر بحياة لانستطيع ان نواكبها لصعوبة المعيشه خصوصا بالوقت الحالي !!

[عاشق ديرتي بريده]

اقتباس:  المشاركة الأصلية كتبت بواسطة الراى الاول     الاسعار سترتفع سواء باسراف او بغيره الوضع الاقتصادي متغير عالميا والغلا فى السلع مرتفع لامحاله

هلا اخوي الراي الاول
قد ترتفع وقد تنخفض لانعلم !!
ولكن المشكله الاسعار ترتفع ونحن كما نحن عليه بالسابق اسراف وعدم النظر للارتفاعات !!!

[عاشق ديرتي بريده]

اقتباس:  المشاركة الأصلية كتبت بواسطة راشد الصليحان     كلامك هذا ياعاشق كلام وزيريشبه كلام الفارسي وزير التجارة ...! لاتكون ولده وحنا ماندري ..!! شكلك مريش وبطران وطايح بكنز وناوي تصير بخيل قلت خلني اسوي نصيحة للضعوف اهديهم شوي

هلا اخوي راشد الصليحان
ياشينك كود مااقولك سر !!! وشوله تفضحني !!
لو انا ولد احد التجار لكتبت موضوع اسرفوا ولايهمكم ارتفاع الاسعار لكي تزودو فقرا واضحك عليكم !!
لم اكتب هذا الموضوع الا لحبي لكم !!

[عاشق ديرتي بريده]

اقتباس:  المشاركة الأصلية كتبت بواسطة أريج الحياة     [align=center] 7 الأسعار ترتفع ..... والرواتب تقل وتنقرض اذن النتيجه 7 7 الهلاكـ رحماك يا اللهي اننا نغرق...!! .[/align]

هلا اختي اريج
الاسعار ترتفع ونحن نزداد جنون وفتنه بالشراء !!!!

[بنت البدائع]

كلام واقعي جداً أخوي عاشق

فعلاً دائماً أنظر إلى أحوال الناس اللي حولي وأتعجب

أذكر قصة واحد من قرايبي:

مليونير بس حدته الظروف منا ومنا وطارن فلوسة بالعمار والأقساط وغيره

يوم تحسنت حالتة المادية بقدر بسيط بسيط جداً

قام إشترى سيارة أخر موديل لولده اللي توة ناقز(ن) للجامعه

قال لية : أبي ولدي يستانس بعمرة

والحين يشتكي مامعي فلوس ولا أقدر على متطلبات حياتي و و و

دائماً أفكر بحالة وأتعجب ..

[عاشق ديرتي بريده]

اقتباس:  المشاركة الأصلية كتبت بواسطة أريج الحياة     انزين عاشق واحد رب اسره راتبه ( 2500) ويملك من الأولاد سبعه وسكنه إجار علمني كيف يعيش؟ وكيف يدفع إجار ويأكل عياله ويوفر الملبس والمأكل والسكن وفواتير الكهربه والتليفون ومصاريف المدارس والمستشفيات الخ الخ.. الخوووووووووو كثير هي متطلبات الحياه والله لو يخلي زاده هو عياله بس تمر وماء ماوفااه المسكين ولا بعد قول لايجيب عيال ويقطع نسله؟ ياخي انا اقارن بينا وبين دول بنفس إقتصادنا غيرنا متهني حتى الكهرب والغاز مجاني واحنا ينتفونا من كل ناحيه وصوب ويقولون هل من مزيد ويضيقون الوضع على عيالنا حتى يقطعون الأمل في مساعدتهم لنا وبكذا يساهمون في انتشار البطاله والجرائم وغيرها من المصايب الهيكله والسياسه كلها تعباااااااااااانه ولاحول ولاقوة لكل ضعيف لايملك عصى يستطيع ان يقف عليها وتكون عون له ,

هلا اختي اريج
يعيش كما عاش غيره بدون اسراف والمشكله ان ابو 2500 ريال هو اكثر واحد يتابع المظاهر !!!!
لن يتعب لو استطاع ترك الاشياء التي تكهله !!!