خلـع الزوجـة حذاء زوجــها مذلــة أم تدليــل؟

[عبدالله القيعاني]

[align=center][QUOTE=
الامر الثاني اذا كنتي تريدين سبب واحد لتفعل المراه ذلك فانا يهمني ان تعلمين انني لست متزوج واقسم بالله العظيم لو كنت متزوج لما طلبت من زوجتي [/QUOTE]


[align=center]




ليش يصير الواحـــــد معقـــــد

انا ارى مافيها شي ..

وقفت على خلع الحذاء اكرمكم الله ..

المفروض نكبر عقولنا فيه اشياء اكبر من ذلك نسويها خلونا نكون صرحين مع بعض ..

ولو الزوجه مافعلت لزوجها حياة الرومانسيه لا قال ابي لبنانيه او سوريه او بعض الازواج تلقاه معقد هم يقضي حاجته دوون استخدام انواع الرومانسيات يكون سلبي .


لكن من شرع الله اننا لانفشى أسرار الزوجيه ...

ان لانفشي الاسرار الزوجيه او الاسرار الخاصة، و قال رسول الله صلى الله عليه وسلم (( فلا تفعلوا ؛ فإنما ذلك مثل الشيطان لقي شيطانةً في طريق ، فغشيها والناس ينظرون )) ..

الحديث منقول ..



تبقى وجهــــــــــــــــــة نظــــــري ..

والعذر والسموحه عن خروجي عن صلب الموضوع ..؟


تحياتي لك [/align][/align]

[صدى الصوت]

سرى الليل

لاتخربين بنات الناس

[•°سـرىآ اللـيـل°•]

اقتباس: لا اعتقد ياعزيزتي ان قومنا حاولوا اهلاك كرامتك وهل في تدليل زوجك هلاك لكرامتك؟ اذا كان الامر كذلك فلا نلوم من يتزوجون من الخارج لانهم يبحثون عن الدلال

وهل تعتبر هذا تدليل ؟! أنا لاأعتبره وإذا يبي دلال بهالطريقة السخيفة يتزوج عشر لبنانيات .,

اقتباس: ثانيا هل جدي وجدك ساووا بين جدتي وجدتك بالنعلة؟ هذا الكلام غير منطقي يا اختي

نعم جدي وجدك أهانوا جدتي وجدتك ., ولك أن تسألهن ليظهرن لك مافي قلوبهن من آلام وهموم .,
الزمان الماضي كلهم لايحترمون المرأة فقط الرجل الكل بالكل ., والظاهر تبون ترجع أيام الذل والقهر .,

ــــــــــــــــــــــــــــــــــــــ//

اقتباس: المفروض نكبر عقولنا فيه اشياء اكبر من ذلك نسويها خلونا نكون صرحين مع بعض

بدر سأكون صريحة كعادتي هنا ., صدقت يجب أن نكبر عقولنا ولكن ماهي الأشياء الأكبر !!
هي لأنها أكبر قبلنا فعلها ولو كانت صغيرة لتركنها رفضاً .,
أعلم ياسيد بأننا لو أدخلنا مصطلح المذلة بين الزوجين بلا تقييد لكانت العلاقة الزوجية أكثر مذلة من نزع حذاء .,
ولكن هنا نتوقف لنقول أن الأولى حقوق وواجبات وأساس حياة والثانية مجرد سفاسف أمور لاموجب لها .,
يجب أن لانخلط الأوراق ببعض وإذا هذي الرومانسية عندهم بلاش ياسيد مانبيها وخلهم يتزوجون نيجريات لو بغوا .,
كما قلت في حالة التعب والمرض سنصنع المستحيل ., ولكن كلامنا عن وقت العافية .,

أهذب تاهيه’

[•°سـرىآ اللـيـل°•]

ولأن الرد السابق تكرر فخيرُ من تركه فراغ سأعلق .,

اقتباس: كيدنا عظيم ان بغينا شي نسوي كل شي

لاياشيختي مش صحيح .,
الأساس بمستوى الحب إذا المستوى عشرة فخير وبركة وقدرتي تحصلين على اللي تبين .,
وإذا 1 وإلا 2 صدقيني كيدك بيطيح بالتراب ولاراح يقيم له وزن طويل العمر .,
نقدر نسوي اللي نبي إذا فيه تفاهم وحب ومودة أما إذا إنعدمن ماراح ينفع شيء .,

اقتباس: سرى الليل لاتخربين بنات الناس

والله قناعاتي بكتبها ولاأحد يقدر يردني وبنات الناس لهن عقول يفرقن بين التوضيح وقول الحق وبين التخريب .,

أهذب تاهيه’

[توتي]

لا ارى فيها اي مذله اذا كانت هالخطوه ذي تقدمت بها الزوجه من نفسها كنوع من التدليل
وكل امرأه وطريقتها فبعضهن يدللن رجالهن بهذه الطريقه وبعضهن بطرق اخرى اكثر اذلالاً لكنهن بنفس الوقت يرين ان هذه الطريقه اذلال لكرامتها

صحيح فيه رجآلـ للاسف يبحث عن الاذلال لزوجته حتى في جلب كوب المآء ولو طلبت ابسط حقوقها مارس جل انواع الاذلالـ حتى تحصل عليها وبعدين يا (تبـ....) مدام انك معطيه معطيه هالشي اللي تطلبه هي ليش تذله ..!!

وصدقوني

الدلال في اشياء كثيره غير فصخ النعال

فأنا ارى انه في (طلب) الرجل من امرأته خلع جواربه اقرب للعبوديه منه للدلال
اما اذا جت منها فبراحته كل امرأة تسوق بيته على كيفه ..

تحيتي

[engel]

ممتع .. وقمة الروعة .. والقداسه .. الله يااااااااااااااااااه لحظات ممتعه وحلوه .. يتجسد فيها (تقديس الزوجة لزوجها ، وممكن التسليم التام في حبه لها .. منظر رااااااااااااااااااااائع )أخلع حذائه .. ومو شرط أنه داخل في الرومانسيات .. ممكن يكون جاي تعبااااان وجلس وللأسف ما ساعدتنا الصين والبرتغال وإيطاليا وألمانيا وتركت لنا فرصه نخلع حذاءه .. دايم أحذيتهم تنخلع عند باب الشارع من زين النيه ..

[engel]

وحتى لو الزوج ثقيل دم وعصبي وما عودته أخلع نعاله وجلس فيهن .. ممكن أستخف دمي وإذا قربت من رجليه أكيد بييقول وش عندك .. طبعا ماراح اقول أني أحبك على ثقل دمك وأريد أخلع نعالك ..أستخف دمي وأقول وقفوا التصوير .. بيقول وش حصل لها انجنت .. طبعا ارد جالسه أصور مسلسل ، أو سامعة محاضرة عن حقوق الزوج -الله يرزقنا شكر نعمته- وللأسف نفسي أطبق منها شيء .

[توته احلى بنوته]

من وجهه نظري اعتقد بما انه اعظم الخلق

كان يأمر المرأه للسجود لزوجها لقوله((لو أمرت المرأة بأن تسجد لأحد لأمرتها بأن تسجد لزوجها ))

والسجود اعظم مذلهـ

فلماذا حن نترفع عن تنظيف اقدام ازواجنا!!

او القيام بخلع جواربهم واحذيتهم او غيرها من الامور..

((ولا يعي ذلك ان تتذلل المرأه كل الذل للرجل))

][ واختلاف وجهات النظر لايفسد للود قضيه ][

[هند الوفاء]

السلام عليكم..

البعض يرى هالشي من مبدأ الكرامة وعزة النفس..لحد ما صحيح..

لكن بين الزوج والزوجة شيء آخر..

بنظري ما فيها شيء ..إذا الرجال يستاهل ومعاملته طيبة..وما يشوف نفسه ..
بالعكس ..بيقرب هالشي بينهم..

أما اذا نكديه وشرير..وفيه سوء معاملة..بيتضاربون بالنعال ..مو تخلع نعال

يعني كل واحد ووضعه ونيته..ممكن تكون تدليل وممكن اذلال..

احترامي

[وضوح]

بالعكس خلع النعال للزوج عااادي جدا وفوقهن بوسه على رجوله بعد..اذا هو يستاهل طبعاً !

سرى~الليل ،،

ترى فيه اشياء تسويها الزوجة لزوجها أشد من خلع النعال ..!

اذا بننظر لها من ناحية المذله ...!!

تحيااتي ،،،

[تالا miss,,,]

لا مذله ولا شي بس ماله داعي ابدااا وذا على الدلال فيه مليون طريقه تقدر تتميلح له فيهاا اما خلع الجزمه لا لا لا ..

[روضه]

والله من دلع امي لبوي الله يطول باعمارهم اشوف ابوي يقدر امي على فعل اشياء بسيطه مثل تلبيس الحذاء و الشراب و خلعهن و ان كان من باب التدليع و ليس الواجب و بصراحه امي قالت مره لاختي كلمه قبيل زواجها عندما اعطتها بعض التوجيهات و قالت لو يطلب منك تلعقين اصابعه يجس نبضك وش انتي من امراه اغلبيه بالحنان و الحب و الانوثه و لا تاخذين الامر على انه مذله او تكبر بل بحب و تدلع اقبلي امره و نفذي رغبته المره اللي بعدها بيسوي لك هو نفس الشي لانك بتعطينه درس بالتوحد بينكما على فكرة امي متعلمه و مثقفه فما تسوي هالاشياء من جهل او قل دبره فديت عمرها

[البرحيه]

اقتباس:  المشاركة الأصلية كتبت بواسطة القيصر     يا اختي هل انتي متاكدة ان الحديث ضعيف اذا ما انتي متاكدة فهذا امره عظيم لان الرسول عليه الصلاة والسلام يقول ((( من كذب علي متعمدا فليتبوء مقعده من النار )))

ايه ياخوي متأكده"""

اقتباس: فلماذا تغير الوضع مع بنات هذا الجيل؟ هذه هي الفكرة لا اكثر ولا اقل

لأنكم مامن هيبه . وهم العكس تماما ""


اقول
لاتقارنون انفسكم فيهم الفرووووووووووووق كثييييييييييييير



شكرا لك

[العبرى]

إذا كان من نفسي ورغبتي

فله هذا..

لأي سبب يقنعني أنا..وليس لأنها أمنية له..!



أما طلب منه وإستغلالي وممارسة رجولته..

يحمد ربه أني أكتفي بالرفض..!








تحيتي,,,

[غديــــــــــر]

من زود زين الطبايع عشان نسوي كذااا هههههههههههه ..

مفروض هو مايسمح لهااا اصلاااا توقف عند رجوله عيب ..احنا أرقى من كذااا والتدليع والتميلح ياكثر وسائله وطرقه ..

الا عاد تفضح جزمته مدري وشوو لو تدليك بس اهون هههه او هو يعني العكس ماحبيتهاا
ولااستسيغهااا ...

وعاد الي يقدرون ماشااء الله ..احس الرجل كل مازادت زوجته بالتودد العجيب زي ماقلتوا كل ماحتقرهاا ولاشافها شي... وهي بعد نفس الشيء..كل شي باعتدال ..
يابنت عزي نفسك وكرامتك ..دلعيه ميخالف بس بحدوود...

هذا رأيي الي كتبته من خلال ماأسمع وتجاربي في الحياه ..باقتناااااااااع تاااااااام