&^ مدونة طاري الشوق ^&

[طاري الشوق]

قل العطا يقتل غرام المحبين
ويموت لاصار الوصل شي معدوم
وتبقى العلاقة بينهم بس روتين
ويصير معهم طاري العشق مظلوم
بوحي

[طاري الشوق]

عين السهر تعشق نجوم الليالي
تسهر مع المهموم وتسامر الروح
لاصارمالك مع هل الشوق غالي
يقضي معك ليل الهوى ضحك ومزوح
تلقى مع نجوم اليالي تسالي
تبدي لهامن ضيقة البال وتبوح
تسري على مسراك في كل حالي
وتسرحالك لين ترتاح وتروح

بوحي

[طاري الشوق]

~ نسمة العشاق ~

الهنوف الي تبختر في رداها
في عيون الحب زانت وكملت
ياحلاها وان حكت يقطر حلاها
فوق عرش الزين شاخت واعتلت
ياخطاهاتذبح العاشق خطاها
لاتثنت فالعباة وميلت
في رداها يرقد العطر برداها
كنها من غالي العطر امتلت
ياصباح الخير وان شعشع سناها
ظلمة الليل العتيمه انجلت
يامساها يسعده ربي مساها
هفهفات الشوق تقبل لاقبلت
ياهوها يوم ناداني هواها
نسمة العشاق فالقلب نزلت
من غلاهاكل مايطري غلاها
دمعة الشوق العنيفة حولت
يارضاهادوم يتعبني رضاها
تصغر الدنيابعيني لازعلت
مانساهاقلب مغرم مانساها
لوتغيب النفس عنها ماسلت
ياعساهامانست حبي عساها
تذكر ايام الغرام الي خلت


طاري

[طاري الشوق]

بين العطا تقوى الهجر عشت ويحول
اقسى من الحرمان صارت سنيني
كنت احسب ان الحلم ياحلم معقول
كاس الهنا تو اقضبنه يديني
على النوى واسهر مع الليل ويطول
عين السهر يامخاوي الليل عيني
بيني وبين مخاوي الليل مدلول
اكتب وتقرأ ماكتبته يديني
ماجبتها من باب ناسخ ومنقول
من هاجس في كل ليلة يجيني
مرات اغنيها على طرق مجهول
ومر اغنيها بلحن الهجيني

بوحي

[طاري الشوق]

ليل بدا والنفس بالحيل ضايقه
والحال تتعب لاكسا الليل ظلام
جتني هموم الليل كوم تبارا
طاحت على قلب بقايها حطام
تجمعت بالقلب من كل نية
ابعدهم الي على القلب حشام
مدري ابري النفس والا الومها
لاصار طبع النفس طبع كرام
هذا جزا من هج للناس قلبه
عليك يانية هل الطيب سلام
بوحي

[طاري الشوق]

وتسألني عيون اهل الهوى منهو غريب الدار ؟
واقول لي سكن جو الشموخ وعزته داره
وسط قلبه كتم حس المشاعر والمشاعر نار
يعشق الصمت عن بوح الغلا لوتحرقه ناره
تغيب الشمس ويبان الشفق والليل ابو الأسرار
وتبدا للمسا قصة غريب الدار واسراره
من كتاب الهموم الي بصدره والضلوع اسوار
يسولفها على نجم السما لاطاحت اسواره
خويه بالخلا لحن القصيد وهاجس الأشعار
يسلي خاطره عن ضيقته لاردد اشعاره
هذاك الي لمكنونه جعل لون الظلام ستار
توشح به عن عيون العذول وحطه ستاره
بوحي

[طاري الشوق]

انا خيال يطير مع كل نسمه
يرف جنحانه مع الصبح عابر
طيف يمر الليل في جوعتمه
كنا السما صارت لطيفه معابر
يرسم وجوده بين نجمه ونجمه
ومن القمر ياخذ مداد المحابر
بين القمر والشمس موجود رسمه
كنه على لحظة وضوحه يكابر
بوحي

[طاري الشوق]

جاوبيني في الهوى صرخة عشق
واسمعي مني تناهيد الغرام
كم ندهتك كل مايسري شفق
والليالي تنسج خيوط الظلام
بس انا والشوق والرجوا رفق
والشعور الي يغذيه الهيام
صوتي الي ذاب حسه واحترق
انده ويرجع علي نفس الكلام
بوحي

[طاري الشوق]

ياصاحبي مالك من الصد مصلوح
ماتدري ان البعد روحي نزعها
خليتني يازين جسم بلا روح
قلي حياتي عقبها وش سنعها
اخذت روحي يالغلا وانت مسموح
طيب خذ العينين والقلب معها00
بوحي

[طاري الشوق]

تشكي من ظروفك وانا عندي ظروف
والكل منا يشتكي من ظروفه
هذا العذر بين المحبين معروف
اعذارنا عند الوعود معروفه
غرامنا يكتب امانيه بحروف
واعذارنا تقتل معاني حروفه

بوحي

[طاري الشوق]

اسمع من المشتاق لاقال عذره
مابيك تحكم له على الي فبالك
يابنت لوعندي على الغيب قدره
دخلت اشوف الي يدور فخيالك
ان كان قلب الشوق ماطال صبره
ولاتأخرخافقي في وصالك

طاري

[طاري الشوق]

يامسا ليل التجافي والغياب
والعيون الي تحداها السهر
ياحسايف صارموعدهاسراب
خلت الفرحة تموت من القهر

طاري

[طاري الشوق]

ياصباح الطير لارفرف وغنا
لاسجع بالصوت واللحن الودود
للحبيب الي لبسماته احنا
ياصباح الحب وانفاس الورود

بوحي

[طاري الشوق]

انا ياسالف ازمان الغرام وشوقي المبطي
تحريتك على درب العمر وقت الشقى راحه
ولكن خطوتي خابت هقاوي ظنها المخطي
وتاهت في عناوين لها النسناس مساحه
بوحي

[طاري الشوق]

يجون احلى من انسام الربيع وصافي الغيمة
على قلب من سنين الجفاف وجورها ضامي
واذا زانت مداهير الخفوق ورامت الديمة
تلوت به ملافيح السموم ويبست احلامي
كذا مرت تراتيل الغرام بجوف ترنيمة
على لحن الفراق الي توفت فيه انغامي

بوحي