السمه السلبيه السادسه ( العجازه ) ؟؟؟؟؟

[بنت الكرم 2008]

والله ياشيخ الي اشوفه ان العجز بالذكور اكثر البنت ليكسلت علطول تاخذ دش يروقها وينشطها الولد علطول ينحر المخده
البنت ليعطشت فزت وصبت ألما والولاد يصيبه الجفاف لين تجي ماما تسقيه
البنت دبره والولدك خامد مكانه
ولا حظها بالصغار
صح في من يعشق الكسل مو لانها كسلانه بس تحب تحس انها برنسيسه وش فيها كفرة ولا اشركت
خلها تونس وتدلع دامه معجب ابو الشباب انها تتفرغ للمرايه

[عازفة ألحان الليل]

بس انا اخالفك الرأي

العجازة الي محبطينها اهلها ويقارنون بينها وبين اختها هذي ماتسمى عجازة هذي محطمة ولا اول ماكانت كذا بس تحتاج شوي توجيه وتكون احسن من اخته هذي محطمة نفسيا

واضا المريضة لاتسمى عجازة هي كانت نشيطة ولكن الله قدر لها المرض اذن هي مريضة <ويكن بالمعلوم المريضة تشتغل حتى وهي مريضة لأن في طبيعتها تحب العمل فتسوي الي تقدر عليه والي ماتقدر تخليه .

بعض الناس يحبون العمل في طبيعتهم وفي دمهم لكن شاء القدر صارت ظروفهم ضدهم ومع ذالك هم نشيطين .

[شاها]

اللحين حنا بـ2011 العجازة حظه يكسر الصخر
وهذا اللي يقهر ودائما محشومه ض1
واللي تقل نحله سنعه الآغلب ماله حظ ومكروفه
كرف الحمار وماله قيمه <<لاحد اللحين يجي ويقول كذابة
والله هذا اللي اشوفه قدامي الآ اذامجتمعكم غير فهذا شي تاني
<يعني هالسمه بالعصرهذا ميزة حلوة وتجيب الحظ الزين ..

[المبصر]

اقتباس:  المشاركة الأصلية كتبت بواسطة حُـلم     الحيّ يحييك والميّت يزيدك غبن ..

يعني تسكتين ؟؟

ويكون الشغل عليك ؟؟

تخيلي لوكانت هذه البنت حماتك ( اقصد زوجه اخو زوجك )

وانتما في بيت واحد والحمل عليك هل تقولين (الحي يحيك )
هذا الكلام لايسمن ولايغني من جوع لماذ ؟؟

لان الشغل على راسك !!!

الان فكري مالذي تصنعينه ؟؟؟؟

[المبصر]

اقتباس:  المشاركة الأصلية كتبت بواسطة الورده الجريحه     لا أخوي أنا ماقصدت الي أنت فهمته وماوصلتك كلماتي بالشكل المطلوب أنا أخوي ماقلت الي قلته الا بعد مالاحطت وعاشرت كثير من الليدات والعجازات سواء بالجامعه أو من محيطي وبالأجتماعات العامه الشي واح عليهن حتى أذا جن يتكلمن عن مشاكلهن يجيبن المشكله بأسلوب أستهتار وأنهابسيطه مع أن غيرهم يشوفها كبيره يعني أنا ماربطت العجز بالظحك والأنبساط بس هالنوعيه دائما بليدين وقلوبهم ميته يعني أنهم مايهتمو ن لشي أهم شي أنفسهم لأنه أذا أجتمع قل العمل مع الأهمال وش يبقى للأنسان أنا بضربلك مثل وحده أعرفها معروف أنها عجازه لانها دائما تلقاها بكل أجتماع وعيالا أنواع الأهمال لامن لبس ولا نظافه وتعرف أن زوجها يسافر للخارج وصاحب علاقات ودائما تردد أهم شي عندي أنه يصرف علي ومخلين براحتي هنا لاحظت أن العجز وقل العمل سببو بميتة القلب والتطنيش للحياة وبقولك ليش الشقورديه مرتبطه بالمشاكل لأنه هالصنف على الأغلب عصبيين وفيهم قل صبر وهالشي يسبب قلق لبعض الناس لأنه يكون مايصبر لا على النظافه حتى بالعمل خارج البيت تلاقيه يبي كل شي كامل وينجن أذا شاف خطأودائما مايقع بمشاكل لنفسه مع الناس وحتى أقاربه بسبب قلت صبره هذا تصوري وأتمنى تكون فهمتني تبقى أنت أستاذ وأنا تلميذه أتعلم من كتاباتك

ماشاء الله عيني عليك بارده هذا التحليل ممتاز

- لماذ اقول ممتاز ؟

لانه ربط بين البلاده والعجز وبين العصبيه والشوقرديه

وهذا صحيح نسبيا قال علماء النفس ( السمات نسبيه وليست عامه )

مامعني نسبيا ؟؟

يعني يوجد وبكثره لكنه ليس عام بمعني يوجد عجاز عصبي وشوقردي بليد مطنش للحياه وبارد القلب والمشاعر

الشوقرديه هي حب العمل واتقانه وخفته على المرأه وقد تكون المرأه بليده وهي شوقرديه

لكن صحيح يكثر انتشار وارتباط البلاده بالعجز و العصبيه بالسنع


بقي مساله ذكرتيها في تعليقك

هل مقابله المشكله باستهتار وانها بسيطه امر ايجابي ام سلبي ؟؟

انتظر ايجابتك ؟؟؟

[المبصر]

اقتباس:  المشاركة الأصلية كتبت بواسطة قـتـالـه     شوف ياحيي انا اقوم بين اذان الفجر والاقامه واذا صليت واثر ابوي فاتحن شبك النياق ومولم 22 غضاره الوحده مايشيلها الصبي واقوم على هالنياق واحلبهن وحتى البعارين من القرامه مااخليهن ماترتفع الشمس الا السوداني مولم لي رقبة البعير انحرها للضيفان قبل ماأروح لدوامي يالمبصر تدري وشو تعريفي للعجازه ؟ مو اللي ماتسبع مواعين ولا اللي ما تضفضف صالتهم بتله راسها هو التحتي ماغير تناظر الارض العجازه / مثبطة همم اللي حولها لاعندها جديد ولاقديم وتفسر الامور بمنطق الغير راغب بالتغيير . . ماتحاول تجرب اي حلول لانها ولعجزها عارفه النتائج مسبقآ بأن لافائده من كل شي ! العجازه الصدتزيه / ترمي فشلها وقلة حيلتها وعدم تقدمها اسوه بزميلاتها على الظروف من حولها سواء عادات وتقاليد او أب او زوج . . ايآ يكن من حولها فهو شماعة فشلها هاه ماتبي نتقاسم انا وياك الغضاري طاحن يديني من الحلب

اههههههههههههه


- بالله عطونا من الحليب بس انا غير متعود عليه

ويقولون انه يحوس الباطنيه هههه

- هناك فرق اخت قتاله بين ( الشوقرديه - والمتصلبه - والاسقاطيه ) التي ترمي فشلها على الظروف

الشوقرديه ليست التي تعمل فقط

بل تحب العمل وتتقنه ويخف عليها وهذا فرق جوهري

- التي تثبط الهمم ليست عجازه بل هي الشخصيه الجامده او المتصلبه التي تكره التغيير وتعيش في الماضي حتى ولو كان تعيسا وعكسها الشخصيه المرنه التي تحاول تجريب الحلول قال علماء النفس ان الشخصيه الجامده غير سويه

- وهناك فرق بين العجازه ومن ترمي فشلها على الظروف ؟؟

لان العجز كما قلنا هو كراهيه العمل وثقله على المرأه وليس هو ترك العمل قد تعمل المرأه وهي كارهه وتحس انها مغبونه

اما رمي الفشل على الاخرين فهو حيله نفسيه تسمي (الاسقاط ) وليست من العجز في شي

ومفهوم العجز لايقتصر على غسل الصحون فقط

بل كل ما تقدمه المرأه لاسرتها ولنفسها في شكلها وشعرها وثيابها وخدمتها لزوجها واولادها وابيها وفي غرفتها ونظافتها ( بنت تحييك ) يعني تطبق مفهوم ( كله تمام يابيه ) في كافه شئون حياتها

اذن مفهوم العجز ليس مقتصر على غسل الاطباق ومسح السيرميك

لانه العمل بكل ابوابه حتى في حسن التبعل للزوج


لاتنسونا من الحليب ههههه

[المبصر]

اقتباس:  المشاركة الأصلية كتبت بواسطة قلب الأسد     الحين فيه ناس تفكر تفتح مغسلة صحون ومواعين ... الله يخلي هالشغالات بهالزمــن ....الاماندر من بعض الشقرديات .....

ههههههههه

لها الدرجه يا قلب العجز

ولكن يا قلب

لو خيرت بين شوقرديه عاديه وعاجزه ومزيونه

وش تختار ؟ انتظر الاجابه

[المبصر]

الاخ عزف

يعني تطلق العجازه مو صحيح ؟

يقول لك قلب الاسد في مداخلته اكثر الحريم عجازات ؟؟

وش نعمل مع هذه المشكله

[المبصر]

اقتباس:  المشاركة الأصلية كتبت بواسطة ملح وقبلة     الشقردية اللي تبرد التسبد تهون عصبيتها عند شغلها وحركتها بس العجازه بيغلب ثقلها وثقل دمها على حبابتها وتصير خربانه كلللششش

يعني العصبيه ولا العجازه هكذا تقول لكم الاخت ملح

لكن كيف نحاول اصلاح العجازه ؟؟ كيف نربي بناتنا على الشوقرديه ؟؟

[المبصر]

اقتباس:  المشاركة الأصلية كتبت بواسطة ندى المطيري     قالها السابقون ( ياحلو الطرير ولو هو ع حلقي ) والكسل والعجز آفة وخصالا نتعوذ منها كما تعوذ منهما المصطفى عليه صلوات ربي في بكوره وعشيته

شفتو يا اخوان ان العجازه منبوذه ندي مثل ملح

فيه سؤل اخت ندي

اذا صدفتي عجازه وكانت حماتك ( امرأه اخ زوجك ) والحمل كله عليك
في بيت اهل زوجك مالذي تفعلينه معها ؟ سكوت ام موجهه ام كيد ام رحيل ؟؟ انتظر اجابتك

[المبصر]

اقتباس:  المشاركة الأصلية كتبت بواسطة modern     المبصر معرّفك يوحي بأنك جدي خلاف طرحك المهم هنا حقيقة ما اشوف لنا وجة نقول عجازات خصوصا في رمضان! لاخلا ولا عدم من الظهر وهن بالمطبخ وعلى قولة القايل هن يلفن سمبوسه قبل الاذان وحنا نلف السمبوسه بعد الاذان ر

هل تعلم انه يوجد عندنا مليون شغاله

في بريده قلما يخلو بيت منها

وهل تعلم ان ربع سكان المملكه مصابون بالسكر

وهل تعلم ان السمنه تنتشر في النساء بصوره مذهله

وهل تعلم ان حوداث طلاق وقعت بسبب عجز الفتاه وعدم معرفتها للبيت

هل تعلم ان كثير من الفتيات تقضي النهار بالنوم والليل باللابتوب والجوال والاسواق

هل تعلم ان كثير من المدرسات تشرح وهي جالسه ؟؟ ولاتحضر للدروس ؟؟ وتغاب كثير عن المدرسه ؟؟ وتتاخر في المناهج ؟؟ وسأل المشرفات عن ذلك !!!! تجد ان العجز الوظيفي سمه بارزه وموجوده في العاملات في حقل التعليم !!!!


هذه اخي كلها حقائق ولاينبغي ان ندفن رؤوسنا بالرمال

العجز ينتشر بصوره مذهله هذا كلام الاطباء في عيادتهم وعلماء التربيه في مدارسهم وعلماء النفس وعلماء الدين هذه حقيقه وانكارها سفسطه

- ثم ان مفهوم العجز اوسع من كونه العمل بالمطبخ

هو كره وثقل العمل في الوجبات الاجتماعيه واهمال الذات

العجز يا عزيزي هو همال الذات ( شعرها شكلها ثوبها اناقتها ) واهمال خدمه الزوج والقيام عليه ( طعامه ثوبه بيته نومه فراشه ) واهمال الاولاد والقيام عليهم ( الرضاعه الاطعام المتابعه الاشراف ) واهمال القيام بالوجبات الاجتماعيه ( اهل الزوج - ضيوفه - )

[المبصر]

اقتباس:  المشاركة الأصلية كتبت بواسطة بنت الكرم 2008     والله ياشيخ الي اشوفه ان العجز بالذكور اكثر البنت ليكسلت علطول تاخذ دش يروقها وينشطها الولد علطول ينحر المخده البنت ليعطشت فزت وصبت ألما والولاد يصيبه الجفاف لين تجي ماما تسقيه البنت دبره والولدك خامد مكانه ولا حظها بالصغار صح في من يعشق الكسل مو لانها كسلانه بس تحب تحس انها برنسيسه وش فيها كفرة ولا اشركت خلها تونس وتدلع دامه معجب ابو الشباب انها تتفرغ للمرايه

- صحيح ان العجز موجود عند الجنسين
وصحيح ان الرجل اذا رضي بالعجازه فليس لنا معه كلام

لكن تبقي صفه العجز مذمومه حتى ان كثير من الاخوه فضلو العصبيه على العجازه قالو ( الطرير حلو ولو على الرقبه )

- لكني عندي سؤل يا بنت الكرام

مالذي تفعلينه في موجهه واصلاح العجازه ؟؟

[المبصر]

اقتباس:  المشاركة الأصلية كتبت بواسطة شمس الصباح     بس انا اخالفك الرأي العجازة الي محبطينها اهلها ويقارنون بينها وبين اختها هذي ماتسمى عجازة هذي محطمة ولا اول ماكانت كذا بس تحتاج شوي توجيه وتكون احسن من اخته هذي محطمة نفسيا واضا المريضة لاتسمى عجازة هي كانت نشيطة ولكن الله قدر لها المرض اذن هي مريضة <ويكن بالمعلوم المريضة تشتغل حتى وهي مريضة لأن في طبيعتها تحب العمل فتسوي الي تقدر عليه والي ماتقدر تخليه . بعض الناس يحبون العمل في طبيعتهم وفي دمهم لكن شاء القدر صارت ظروفهم ضدهم ومع ذالك هم نشيطين .

-

كلام رائع وجميل

اسألك اخت شمس من اجل ان نتحاور

هل العجازه سببها خلقه وطبع ؟؟ ام بسبب التربيه ؟؟ ام بسبب الظروف الاجتماعيه ؟؟ ام بسبب القدوه ؟؟

بانتظار اجابتك

[المبصر]

اقتباس:  المشاركة الأصلية كتبت بواسطة هوارة     اللحين حنا بـ2011 العجازة حظه يكسر الصخر وهذا اللي يقهر ودائما محشومه ض1 واللي تقل نحله سنعه الآغلب ماله حظ ومكروفه كرف الحمار وماله قيمه <<لاحد اللحين يجي ويقول كذابة والله هذا اللي اشوفه قدامي الآ اذامجتمعكم غير فهذا شي تاني <يعني هالسمه بالعصرهذا ميزة حلوة وتجيب الحظ الزين ..

اخت هواره

هل العجز سبب لاحترام الناس وحسن الحظ والطالع ؟؟

هل هذه دعوه للعجز ؟؟

مالدليل على ربط الحظ بالعجز ؟؟

هل يغلب على البنات العجز او السنع ؟؟

ايهما احب اليك طيوبه عجازه ام شريره شوقرديه ؟؟

[Miss Tala]

اللي اشوفه ان الرجال يحبون العجازه اللي ماعنده ماعند جدتي لادبره ولاشي ويموتون على اللي ماتحب الشغل ابد وكل شي تقول مااعرفه ...


انقلب حال الناااس ....