[align=center]
منهك وحيلـي هدتـه سـود الأيـام
وحزين حزني واصـل الـلا نهايـه!
وضايع وربعي قوم وأيامـي أعـوام
وحكايتـي مـع المآسـي حكايـه!!
أرجع ورى خوفٍ من الحـزن قـدام
وليا عكست الوضع .. حزني ورايه!
يمشي معي من وين ما سقت الأقدام
والحمـد لله كـان هـذا قضـايـه!
إني أعيش اليتم من ضمـن الأيتـام
وأكبر ويكبر حـزن وقتـي معايـه!
وأسهر ليّا غض الجفـن كـل نـوّام
وأضمى ولا أحدٍ داريٍ عن ضمايـه!
وأكف دمعي في ثرى بيض الأكمـام
من خوف لا يدروا به أهل الوشايـه!
وأعلّق آمالي على أضغـاث الأحـلام
وأبني قنوطي .. لا تهـدّم رجايـه!
وأبحر بهمّي في محيطـات الأوهـام
وأرسي بحزني في سواحـل عنايـه!
مع كل هذا عن ردى الطبـع شـوّام
لو ضقت ما أمشي في دروب الغوايه!
أصبر ولو ما أقدر على رد الأنسـام
وأكبر في عيني وأتشـاوى شقايـه!
لكنّي أجزع وأكتم الصـوت وأنضـام
لا قلت في نفسي متى هي النهايـه؟!
ثم جاوبـت سـود الليالـي والأيـام
ما شفت شي وكل هـذي بدايـه!!![/align]