غرقت فبحر لذاتي و انا ادري ان البحر مسجـور
و انا ادري ان اللهو قبر ٍ يغص ّ و قاعته سجّيـن
..
..
مثل ما غصّت العبـره لسـادس آيـة ٍ فالطـور
و شب بداخلي جمر و صراع الدمـع و التهويـن
..
..
و اناادري سالب التربيع موجب لاانقلب بكسـور
و حل ّ امعادلات الناس من آدم .. لين يوم الديـن
..
..
يجيني حلّها يحلل ّ .. و لا ينحل ّ .. يساوي اقبور
و هذا ناتج القسمـه كـذااا يطلـع بـلا تخميـن
..
..
انا كيف ابلعك يا ريق و كل ماله يضيـق الـزوْر
مثل ما ينكمـش كونـي ْ كـأوّل يـوم للتكويـن
..
..
ابي الراحه مثل جاير تضايق و اعترف بالجـور
و ابي لوحة حياتي تنرسـم مـع كامـل التلويـن
..
..
ترى يا وقت لو تاقف ثواني .. ما عليك اقصـور
و اسـرّح للقلـم زفـره تريّـح طهبـل التدويـن
..
..
بزغ لي نور للتوبه .. و كني ما لمحـت النـور
اغض الطرف و اتشاغل و اقول بخاطري بعديـن
..
..
اضحّك ضحكتي لحظه و الهّي هالدموع ادهـور
و يصرخ داخلي تايب ينادي ..( تكفى توْب الحين)
..
..
انا و انت ان تصالحنـا نعيـش و ذنبنـا مغفـور
و لا نحيا على الهاجـس و اذا متنـا علـى ديـن
..
..
تراني جيت لك ناصح و ابكشف طيبك المستـور
حرام ايموت بك شيخ ٍ سجنته بالضلـوع اسنيـن
..
..
مثل ما تعشق النفس اللئيمه كـل شـي محظـور
ابي تعشق رضا ربك و تذكـر و البشـر ناسيـن
..
..
مثل ما تدري بالغلطه و تغلط و الحشـا مقهـور
تذكر دمعة الشـده .. مـدام انـك بوقـت الليـن
..
..
تعبت اتصدد بعيني خجل مـع ناظـر ٍ مكسـور
تعبت ادوّر ارضا هالوساوس ما رضت للحين ..؟
..
..
تبعت اكتم براكين ٍ بجوفـي مـن زمـان اتثـور
لأني ادري العاصي .. مردّه و ان عصا ,, مسكيْن
..
..
ولن ّ بداخلي قلب ٍ على حـب الهـدى مفطـور
اخذ منه التخاذل عمر ْ و ضاع بكذبة ( البعديـن )
..
..
غرَق و النفس لوّامه .. تغوص و هالبحر مسجور
تحت رجليننا سجّين .. و ما أدراك ما سجّين ..!
ارجوا ان يسمح لي اخي
سيبويه
والاخوة بهذا الاقتراح
وهو طلب عدم تحويل
المجله
لقافيه اخرى
دعوها منوعه
مواضيعها بعيد عن الشعر
الا الشيء اليسير منه ..
والامر اولا واخر لكم
تحيتي للجميع
التوقيع
امرؤ القيس
الله يحللك ويبيحك
ويجعل ما اصابك رفعة في درجاتك
وتكفير لخطاياك
اللهم اغفر له وارحمه وتجاوز عنه
واربط علي قلوب اهله واحبابه وارزقهم الصبر
اللهم وارحمنا اذا صرنا الي ما صار اليه
تقدر تروح وتبتعد ..
إن كان يرضي مطمعك ..
لو حب قلبي ما خمد ..
عن حب غيري ممنعك ..
الحب أحلى من الشهد ..
ومن مثلي حبك ودلعك ..
ولا تظن في قلبي أحد ..
يا كيف وهو بنبضه معك ..؟
[/align]
العرض العادي
