░░ ░░[®][©][رابـطـة عـشـّـاق نادي النّــصــــ (الـξــالـ๑ـي) ــــــر][©][®]ے░░ ░░ - الصفحة 2126

ღ♥ღ KSA ღ♥ღ · 13-07-10, 12:31 am

هلا وغلا بالحبايب

مشكوووووووووووورين على المتابعه

انتريستا التوقيع نآآآآآيس

اابن النصر · 13-07-10, 12:35 am

مساء الخير للحلوين

ثالث صورة اشوف فيها رزافان مبتسم

اابن النصر · 13-07-10, 12:42 am

إبراهيم غالب انكسرت يده

يقوم بالسلامة إن شاء الله

ămōяẻ · 13-07-10, 12:42 am

عوافي والله

جميع

ღ♥ღ KSA ღ♥ღ · 13-07-10, 01:09 am

السلام عليكم .. هلا وغلا بالجميييع .. يالله حيهم

للأسف غادرنا كاستل روتو .. وغادرنا النصر والنصراويين .. لو على كيفنا نشبنا نشبة تاريخية وما تحركنا متر واحد .. لكن ما باليد حيلة .. من زمان عن الاحتكاك باللاعبين والكلام معهم .. آخر لاعب كان لي تواصل بالجوال معه هو علي يزيد <<وجه يبي فلوس .. من دحدر نادينا والنفس طايبة .. ما عاد نبي نشوف أحد .. وأساسا ما فيه أحد يستاهل تسأل عنه ..

جاء فيصل بن تركي .. وتغيرت أشياء وأشياااء .. شغف التسعينات بدا يرجع شوي شوي .. النجوم رجعوا .. والنصر على طريق العودة .. الخواطر زينة .. ولذلك ما كنت متردد لو لثانية إني أسافر لهم مسافة 700 كيلو ... يستاهلون

كنت مصر جدا على السكن في نفس اوتيل النادي .. سألت عنه .. ما لقيت أي رد .. لين أنقذني أخي الحبيب عاقل بقوة .. الي وصلني بنويصر .. وما قصر عطاني جوال ابوريان (قلووب) .. وجوال ازهلها <<مقفل .. تواصلت مع ابوريان واخذت منه اسم الاوتيل .. حرف حرف .. وشيكت مع القارمن لقيته 691كلم.. بحثت عنه بالنت للحجز .. للأسف لقيته فل

حركنا يوم الخميس الساعة 2 الظهر ..وصلنا الساعة 9 مساء .. الطريق جميل جدا .. تمر على فلورنس .. ديرة باتستوتا .. بولونيا .. مودينا .. فيرونا .. وغيرها .. لين توصل لبولزانو .. بعدها بثلاثين اربعين كيلو بطريق جبلي خرافي توصل لقلب جبال الألب.. لكاستل روتو .. وتوصل للحبايب..

لبقنا الموتر .. ونزلنا رجلية وسألنا عن الاوتيل .. تفاجأنا بالناس تتكلم ألماني .. شوي .. شوي .. وصلنا للاوتيل .. سألنا عن امكانية الحجز قالوا ممكن .. وحنا نسوي الحجز جاء الدوخي .. .. سلمنا عليه وسولفنا معه .. إلى درجة إني نسيت إني قاعد احجز .. ولا تذكرت إلا وموظفة الرسبشن تناديني

أخذت غرفة في الدور الثاني .. وخويي أخذ غرفة في الدور الثالث .. بدلنا ملابسنا ونزلنا .. من هذيك الدقيقة بدت رحلة استمرت ثلاثة ايام .. عنوانها ومضمونها .. ومتنها وحاشيتها .. نصر في نصر

من بكرا قابلنا اخونا زيزو .. حبيت أقول معلومة بسيطة عن زيزو .. أولا هو شاب لطيف .. ثانيا وهذا هو المهم .. انني قابلت وأعرف نصراويين كثير .. أمثال زيزو في حبه للنصر ما أقول ما فيه .. لكن نااادر جدا .. يهتم بأدق التفاصيل .. يحسب كل الأمور .. فااهم جدا في الأمور الفنية .. يحب النصر حيل حيييل .. عسى الله يوفقه وينجحه السنة الجاية

ثلاثة أيام مرت مثل الحلم .. رجعت مراهق .. ما كأن عمري 21 سنة .. ودي أمسك كل لاعب على جنب .. وأسولف معه .. وأشكي له .. لعله يرأف بحالي ويدبرنا ببطولة .. لكن فيه عقبتين واجهت خطتي مع اللاعبين .. خطتي أني أحجر لهم في كل زوايا الاوتيل .. العقبة الأولى شي اسمه زينقا .. هذا الإنسان جدا يخوف .. ما أمزح .. يوم الجمعة قابلناه يمكن خمس ست مرات .. مرة في اللوبي .. ومرة فالمطعم .. ومرتين قدام الاوتيل .. ومرة عند المصعد .. سببنا له أزمة .. يحسسك بنظراته إنك ساكن على صلعته مب في اوتيل .. ليلة الاحد .. وقت مباراة الثالث والرابع .. خربتها ولاتشوف إلا قوة فلاشات بين اللاعبين .. أشوفه من بعيييد لكن خلاص .. ياروح ما بعدك روح .. بكرا ماشين ولا صورت .. وكنت حاط في بالي احتمال اني اتضارب معه .. لكن فكه الله .. حتى في هذاك اليوم بعد ما صورت وحسيت إني قهرت زينقا وأنا جالس أصور قدامه وهو ما يقدر يقول شي <<ساكن بفلوسي .. طلعت وجلست اتقهوى مع خويي وزيزو عند الباب .. إحساس عميق بالسعادة .. دقايق إلا هو طالع يتلفت كأنه يدور أحد <<ماخاف ابد.. مأساة وضعي مع زينقا!

أبوحمد القريني .. يوم الجمعة حضرنا التمرين الصباحي ورجعنا للسكن .. يوم طلعنا من المصعد إلا ابو حمد بوجهنا .. يشوف الكاميرات ومنقهر .. وبنفس الوقت ما يقدر يسوي شيء .. قال أجل خالفتوا التعليمااات وحضرتوا التمرين .. حسيت لوهلة إنه بيوقفنا بآخر الفصل .. شخص حبيب وطيب وما شفنا منه إلا كل خير .. صح إنه مرة عزمنا على الغداء .. اللاعبين يتغدون .. وقابلنا وحنا طالعين وقال تغدوا قلنا طالعين والله .. قال أجل روحوا واذا جيتوا تغدوا معنا.. طيب انتم تتغدون الحين .. بس ما ألومه .. اكيد زينقا مهدده .. الرجال قريب جدا من اللاعبين .. واضح الود والانسجام .. ويبدو لي من خلال هاليومين إنه الرجل المناسب في المكان المناسب ..

إيه صح .. العقبة الثانية .. إن المشجع من كثر ما يشوف اللاعب بالتلفزيون .. يحس أنه يعرفه! مع ان الواقع إنه ما فيه أي معرفة .. ولذلك .. إذا استثنينا سعد والدوخي .. باقي اللاعبين .. ما فيه اي تواصل معهم إلا على خفيف .. ومعظمهم شباب صغار و يستحون .. سعد الحارثي مثلا .. أثبت بالنسبة لي على الأقل إنه إنسان واعي وفاهم ومتواضع .. مثلا كنا جالسين واللاعبين يمرون ويسلمون من بعيد .. إلا هو جاء وسلم وسولف وضحك ورحب .. مع أنه لو ما جاء ما كان أحد يقدر يلومه ..

فيما بعد .. مسكته على جنب حول الربع ساعة .. وتناقشت معه حول تصريحه الأخير عن تفاؤله بالبطولات الخارجية .. وسمع مني وشكرني .. وشرح وجهة نظره .. الي ما وافقته فيها وطلبت منه يكون أكثر إصرار وعزيمة وأن يأخذ ما يطمح له بالقوة .. ورغما عن كل الظروف .. أولا لأنه سعد .. ثانيا لأنه يمثل نادي كبير اسمه نادي النصر .. وعدني ووعد جمهور النصر خير .. ونحن في الانتظار يابومشعل

أحمد الدوخي اشتكا لنا من الظلم الي وقع عليه .. وأقسم بالله أن أمه تدعي على من تسبب عليه ليل نهار .. وأنه لن يسامح من حاول قطع رزقه مهما كان .. كما أشار إلى أن صالح بن ناصر اتصل فيه كثيرر أيام مشكلته لكنه كان مطنشه ولا يرد عليه .. وقلت له إن المقصود ليس أحمد الدوخي شخصيا بقدر ما هو نادي النصر ككيان .. الرجال فعلا كبير .. وفاهم .. وطيب .. وراعي سوالف .. سأل كثير عن الأماكن الي ممكن يزورها في يوم الاجازة .. شايل هم هاليوم الله يكون في عونهم جميعا..

محمد عيد .. وخالد راضي .. طيبين بس ما يتكلمون .. ويستحون شوي .. سألتهم عن إصاباتهم وقالوا إن شاء الله خير وقريبا بإذن الله تعالى يكونون حاضرين مع زملائهم .. أما ماجد هزازي فغير إن مستواه مش ولا بد .. الولد لسانه طويل بالملعب .. ويصرخ ويهاوش .. وأكثر من مرة يكون على وشك الاشتباك مع سعود حمود ..

سعود حمود ومحمد الجيزاني .. صادفتهم عند باب الأوتيل .. سلمت عليهم ووصيتهم بالشعار الي على صدورهم خير ..قالوا إن شاء الله .. قلت أكيييد؟؟ قالوا أبشر..

فيقاروا وبيتري ورازفان ومكين مع بعض دايم .. الاول دايم يضحك وفعلا ينحب الولد .. بيتري ثقيل .. ورزافان متعدي الثقل للغثاثة .. ماكين مرح وروحه حلوة .. جيت بصور رازفان وكان مكشر كالعادة .. قلت ممكن تبتسم .. وفعلا رسم حاجة تشبه الابتسامة على وجهه .. وصورته ..

أحمد المبارك وكميل الوباري تعاملهم راااقي .. صح مستواهم الفني ماش .. لكنهم مؤدبين بشكل .. إبراهيم غالب ينحب .. هادي وراكز وثقل ومؤدب .. ومثله السهلاوي .. والقحطاني .. القحطاني وسعد شفتهم كثير مع بعض .. وسعد والشهراني بعد..

العنزي متولج الخيبري .. باقيرا باقيرا .. على طاري العنزي .. بعد مانام القرني بالحوش .. لحقه العنزي ونام بنفس المكان .. واحد من اقصى الجنوب .. والثاني من أقصى الشمال ..

بصورة عامة الوضع مطمئن جدا .. والنصر قادم لا محالة .. بإذن الله .. حبيت اقولكم عن هالاشياء .. كتبتها بسرعة أتمنى تعجبكم .. وهذي بعض الصور الحصرية من يوم السبت وقت مباراة الثالث والرابع ...

راضي بحبك

بأي حال عدت يا عيد

شبابنا

أبو مشعل وأبو فهد ..والسهلاوي مستحي كالعادة

أبو فهد ارحم الجوال شوي

يعني وش بتقرا يا بعدي .. أكيد يشرشحونك

ابو غالب لا تقرب للتلفزيون عشان ما تنعمي .. عاد من وين لنا ابو غالب ثاني

أبوناصر

العنزي .. فنااان مستقبلنا إن شاء الله

بعد القردنة سوا كذا .. هي ابتسامة؟؟؟

لو تاكل زين بتطلع كذا

فديت هالضحكة

بيتري وابتسامة .. رازا يكتب .. فيقا يناظر الجدار ويضحك

يا يا قووود

هاوشتهم عند الباب

أبو فهد يكلم وفيقا يضحك خخخخ

راضي بحبك رجل على رجل .. العنزي يتأمل .. ابو ناصر يلعب الداب

أبوعوف يكلم

إحساس حلو إنك تشرب شاهي نعناع .. والحارثي والقحطاني رايح جاي قدامك ما يدرون وين يروحون من الطفش.. هنا راااايح

هنا قااااااي ضرسك يابوعوف

لقطة الختام

Ќ 7 а ḭ Ḷ Ắ Ṋ · 13-07-10, 01:12 am

صباح الخير

الف مبروك عموري ياعميد .. تستاهل كل خير

الف مبرووك لكل مشجع اسباني

الف مبرووك على الفوز في المناورات .. والـ 10 , 11 .. نبيها بالدوري < طمووح