ماهو هدف البنت حينما تتصرف هكذا.....؟

[البحرسي]

اقتباس:  المشاركة الأصلية كتبت بواسطة ونة خفية     والله أنك صادق مايسوينها إلا إذا رجل مع حرمته بخلاف لمن يكون وحده لكن عن سبب هالحركه مقدر افتيك بالنيات ولكن يخيل إلي كأنها حركه خبيثه وخراب بيوت وبث انواع الشحنات والشكوك فيما بين الازواج من اللعينات لا أقل ولا أكثر ولكن نصيحة عليك بدعاء ورد الخروج قبل مغادرتك وعدم الأكتراث لمثل هذه العينات لأن لفت النظر يزيدهن بجاحه وجرأه

كأنك احسست بما نعانيه..
شكر الله لك هذا النصح
تقبل تحياتي

[نقوووشهـ]

استفزاز يمكن وانزراق بنفس الوقت
يعني تلقاه تلعلع صوته لامريت
<<=الله يصلحهن بس

اقتباس: بيني وبينك ولا تقول لاحد..انا براسي ثانيه

وه الله ياجر مرتك

[البحرسي]

اقتباس:  المشاركة الأصلية كتبت بواسطة بـنـدر     ياله من شعور رائع حينما تجد نفسك محاصر بالنظرات والعبرات ، ينتابك أحساس الأبطال وتود رفع يدك الكريمة لتلوح للجميع على طريقة هتلر ! يا صديقي أتنكر أن في هذا إشباع لبعض غرورك الداخلي ، حتى وإن زمجرت وادعيت وقتها أنك لهن كاره وشاجب مستنكر للوضع ؟! بحثاً عن رضا المدام أطال الله بقائها ؟

هههههههههههه
اسلوب في الرد تمنيت ان لا ينتهي ( ما شاء الله تبارك الله).
اخي العزيز
الا تعلم ان اولى خطوات النجاح هو البحث عن الاعجاب, سواء داخل المحيط الاسري او على مستوى الجماعه...
وكل شخص يسعى لان يكون محل اعجاب وتقدير الجميع..
ولكن المشكله اذا كان هذا الاعجاب اللا مشروع سيؤثر على حياتك الاسريه..
تقبل تحياتي

[البحرسي]

اقتباس:  المشاركة الأصلية كتبت بواسطة نجد1وي     ممكن مثل ماذكر الاخوان لجانب الاستفزاز فقط خآصه ان زي هالامور مستهلكه من قبل المرآهقآت . تحياتي .

اذا كان كذلك ما الفائدة اذن من الاستفزاز ؟
وهل يصل الانسان الى هذه الدرجة من الوقاحة بأن يستفز من لا يعرف؟
تحياتي

[البحرسي]

اقتباس:  المشاركة الأصلية كتبت بواسطة التنين الصيني     شعور الآخرين ....! ليس كل من يقابلك ...... يعرفك ....صح ! .......................... لكن لو تقول لأعضاء المنتدى من تكون .... مهب ازين.؟ ولا اقولهم انا ...؟!

خلينا حبايب ايها التنين...
شوف كم تبي وارسل رقم حسابك

[البحرسي]

اقتباس:  المشاركة الأصلية كتبت بواسطة نقوووشهـ     استفزاز يمكن وانزراق بنفس الوقت يعني تلقاه تلعلع صوته لامريت <<=الله يصلحهن بس وه الله ياجر مرتك

تلعلع صوته: ياكثرهم..
انزراق: آسف ثقافتي ليست لاتينيه.
هههههههههه
ما فهمتها

[باسم الثغر]

وش الشعور اللي يجيك إذا صار لك كذا ؟


أغلب الشباب اللي أعرفهم يقولون نفس كلامك
ماأدري هم صادقين وإلا يلعبون علي
لدرجة واحد منهم كان يمشي مرة بالسوق وبجنبه زوجته لاصقة فيه
وجت وحدة منهن ودخلت بينه وبين زوجته


فالسؤال
اللي يصير هو برائة منهن ؟
والا لعانة ؟
نترك الجواب للبنات



التنين
والله يالشرافة لعبت بي
علمنا تكفى

[ابن المجمعه]

اذا انت نظرن لك انا قسم بالله سوت فيني حركه ... ... مشفره باحد المتنزهات بالرياض


تقبل مروري

[البحرسي]

اقتباس:  المشاركة الأصلية كتبت بواسطة باسم الثغر     وش الشعور اللي يجيك إذا صار لك كذا ؟ أغلب الشباب اللي أعرفهم يقولون نفس كلامك ماأدري هم صادقين وإلا يلعبون علي لدرجة واحد منهم كان يمشي مرة بالسوق وبجنبه زوجته لاصقة فيه وجت وحدة منهن ودخلت بينه وبين زوجته فالسؤال اللي يصير هو برائة منهن ؟ والا لعانة ؟ نترك الجواب للبنات التنين والله يالشرافة لعبت بي علمنا تكفى

شعوري طبعا شعور اي واحد عنده احساس ويراعي شعور زوجته..
ايا كانت درجة جمال تلك الفتاه يجب الا نعيرها اي اهتمام..

يا اخي نبي نستانس ونتمشى ونروح للمطاعم وناخذ راحتنا..بس بعضهم الله يهديها تحاول تنكد علينا وتزرع الغيره والشكوك..

[باسمة]

هي تسوي كذا لأنه بتعاند زوجتك
وليش تعاند لانه غيرانه

طبيعة المرأة بتغار

[هلاوين]

هذا وانت وسط بالجمال وش لو تصير مزيون مثلي تصدق اني ماطلع للسوق الا متلطعم خوفا من الفتنه هههه

صراحه مادري البنات هنا واجد ويبخصن الشغله

شكر لك

[البحرسي]

اقتباس:  المشاركة الأصلية كتبت بواسطة هلاوين     هذا وانت وسط بالجمال وش لو تصير مزيون مثلي تصدق اني ماطلع للسوق الا متلطعم خوفا من الفتنه هههه صراحه مادري البنات هنا واجد ويبخصن الشغله شكر لك

والشكر موصول لكم

[كااااجو]

والله منتالي بعض البنات بهن بجاحة وقلة ادب ..حتى في اعمار ليست بالصغيرة..

بس انت خلك قدع وعطهن نظرة قاسية علشان يهابن هااللي مايستحن...

بس اهم شي انك تتفاهم انت والمدام علشان اذا طلعتوا تستانسون مهب تتنكدون

تحياتي..

[البحرسي]

اقتباس:  المشاركة الأصلية كتبت بواسطة كااااجو     والله منتالي بعض البنات بهن بجاحة وقلة ادب ..حتى في اعمار ليست بالصغيرة.. بس انت خلك قدع وعطهن نظرة قاسية علشان يهابن هااللي مايستحن... بس اهم شي انك تتفاهم انت والمدام علشان اذا طلعتوا تستانسون مهب تتنكدون تحياتي..

اشكرك جزيل الشكر.

[| ~ ســمــو ~ |]

مرحبـــا ..

بالنسبه لي الحمد لله ، الله يديم علي .. من عرفت نفسي اذا قابلت - ازواج - اغطي عيوني ، واذا ما امدى اجدع راسي بالارض ..


وبالنسبه لحدوث الحركه مـعـــــي .. عادي جدا تصير كــثــير معنــا

اسبابها فضول ، غيره ، فراغ ، الدين لك عليه ، غباء هه ..

لكن ردة فعلي : اتجاهل اللي يقط تماما ايا كان جنسه ، واذا صرت رايقه وكانت الـ قاطه وجهه بنت ، ما ابين لزوجي اني متنرفزه لا عادي ، احيانا وانا مبتسمه اسوي لها اشارة ( هاي ) >> ياكثر ماتصير بالسياره هههه

،

اليوم تحديدا كنا في محل اواني وواقفين جنب قطعه معينه ويجون بنتين ويوقفون جنبنا >> مش جنبي جنب زوجي > شوي وتلمس كتفه وتكلم العامل بصوت عالي مايليق على انثى !
كانت تسأل عن حاجة في الرف الثاني >> تحت القطعه اللي نتشاور عليها
ما عند حضرتها وقت تنتظرنا ناخذ غرضنا ونروح
..
ماكان مني الا ان ( امسك ايده واعطيها ظهري وامشي ) ..

..

مع اني ملاحظه ان هالحركــات خافه مره من طلع البلاك بيري والبنات يمشون بالاسواق عيونهم بالاجهزه هه

خروج جميل عن المواضيع المعتاده ، ربي يحفظ لك غاليك ، ولايدخل بينكم عواذل يارب
يــ ع ــطــيــك الـــف عـــــــافــيــــــه