انصحوني لعلكم تفيدوني

[المنطق]

[align=justify]
فاهم غلط

انصحك لا تا خذ قصيره لعدة اسباب .

1 تشغلك جب القدر ما أطول اجيبه !

2 حط الصحون فوق ما أطول احطها !

3 ما تطول تحب راسك لجبت لها هدية عليها القيمه!

4 تشغلك بشراء الكعب العالي وابو كعب عالي غالي ..

5 ولبغيت تعلمها با أذنها كود تطنبس ويطيح عقالك !

6 ولو سمحو للنساء بالسواقه اكيد ما تطول البانزين والفرامل !!

فاهم غلط
اذا اقتنعت بكلامي اتركها لوجه الله تعالى انت صحصح حياتك غلط ....
[/align]

[قولدن ويمن]

إخوي فاهم غلط ........
من خبرتي بالحياة أنصحك ماتاخذها أنفع لك ولها لأن الزواج يستلزم الإقتناع التام وعلى قولتك تخاف بكرا إذا شفت وحده طويلة تقول ياليت زوجتي طويلة وتحس بعدين إنك ماأخذت اللي بخاطرك وحينها هي أول من بيخسر لأنه ليس من السهل إنسجام الحياة بين الزوجين إذا إختلت القناعة.
أما قولتك أخاف إذا رفضت تتعب نفسية البنت هذا خطأ !! أجل وش فائدة النظرة الشرعية ؟؟؟
البنت تلاقي واحد يكون الطول بالنسبة له شئ غير ضروري وتعيش معه أحسن حياة .وأنا متأكدة إنك لو سألت أي بنت لو يمر عليها موقف مثل موقفك
تبي تفضل إنه يتراجع ولا ياخذها وهو متردد أو غير مقتنع ويستمر يتحسر او يروح يتزوج عليها علشانه ماإقتنع بطولها؟؟؟؟؟؟؟؟؟
ياخوي لا يهمك قولة ألقصر أنعم لها !!!!! إذا أنت تعجبك الطويلة راح تكون قناعتك بالقصيرة مؤقتة ربما رحمتك للبنت قد أثرت عليك وخجلك من أخلاق وتعامل أهلها . وأخيرآ اوصيك بألإستخارة وكثرة الدعاء . الله يدبر لك ماكان فية خير وصالح.

[سراج اللوذه]

المشكلة فيك انت .. مع احترامي لك
عالج نفسك من الوسوسة وعدم الثقة بالنفس ومن ثم تقدم لتتزوج
ابحث عمن يشير عليك وينصحك ويخبرك لما يتزوج الرجال
تخاف تشوف طويله بعد الزواج وتنقهر !!

[مـ ــ ط ــ ـر]

قولدن ويمن

اقتباس: من خبرتي بالحياة أنصحك ماتاخذها

خبرتك تخصك أنت يا أخي هداك الله..وكأنك متأكد أنه لن يرتاح معها

مادام أن الرجل قد خطب البنت ورآها مرتين فليقدم

أخي (فاهم غلط) (عسى أن تكرهوا شيئا وهو خير لكم)

توكل على الله.. وبعد الاستخارة اتخذ القرار.. والإنسان ليس بجسمه

ربما تكون قصيرة جسم ولكنها طويلة بال وكبيرة عقل وفهم

[JησÖ̤̇ση4E̳̐√ΈЯ̤̈̇]

اذا كانت حلوه وخلوقه وكل الصفات الزينه فيها بس عيبها القصر توكل على الله يارجال حلاة البنت وانوثتها بقصرها !!

والله يوفقك

[قولدن ويمن]

إخوي مطر الله يحفظك ....
اولآ أنا أُنثـــــــــــــــــــــــــى
ثانيآ ليش تزعل يوم قلت من خبرتي ؟؟؟؟؟؟ فالرآي بلا خبرة لاجدوى منه وإنما يبقى تكهُنات.
ثالثآ الأنثى أقرب لأحاسيس ألأنثى .فلو كانت هذه البنت بنتي لقلت لأخوي فاهم غلط نفس الكلام لأني حريصة على مصلحة بنتي
ومصلحته

[قولدن ويمن]

[quote=مـ ــ ط ــ ـر;4263666]قولدن ويمن


خبرتك تخصك أنت يا أخي هداك الله


إخوي مطر الله يحفظك ....
اولآ أنا أُنثـــــــــــــــــــــــــى
ثانيآ ليش تزعل يوم قلت من خبرتي ؟؟؟؟؟؟ فالرآي بلا خبرة لاجدوى منه وإنما يبقى تكهُنات.
ثالثآ الأنثى أقرب لأحاسيس ألأنثى .فلو كانت هذه البنت بنتي لقلت لأخوي فاهم غلط نفس الكلام لأني حريصة على مصلحة بنتي
ومصلحته

[قـتـالـه]

اقتباس:  المشاركة الأصلية كتبت بواسطة فاهم غلط !     اتصلت علي ابيها وقلت له ممكن اشوفها مره ثانيه ؟

ماقالك ابيها ياوليدي تعال بدون شماغ بنشوف الصناديح وين واصلات !
ماقالك ابيها ياوليدي افصخ كنادرك امهات كعب 2 سم بنشوف طولك !
ماقالك ابيها لاتمر الحلاق قبل ماتجينا بنشوف شكلك بالواقع بدون ترهيم سكسوكه بصبغة ابونمر ولاصنفره !
ماعجبتني بروتوكلات الشوفه ابد !

[كفاني عذاب]

نصيحتي لك تهون وماتعرس ابد
اسئل مجرب ياقلبي
تراني اعرست الحين وبلشت اشغلتني هالمره
ودن
جبن
عطن
رح
سوا لنا
لاتسوي لنا
رح للسوق
تعال للبيت
وماعمره قالت لي
دوك
او
سم
كل حياته متطلبات وكزكزه
.
لكن لو جينا للصدق والحقيقه فهي هذا سنة الحياة
لكن سنة حياتي انا غيرتها بدل من سعوديه اجنبيه انا من بعد ماتزوجت الاجنبيه ولله الحمدلله في راحه تامه لا يعلم فيها الا الله

بالتوفق لك

[السوبربان]

هنا يأتي دور الاستخارة ياعزيزي .. استخر مرة وثانية وثالثة .. وبإمكانك تدعيم موقفك من خلال احد المقربات لك .. بإمكان تلك المقربة ان ترى تلك الفتاة وتحدد لك طولها بالضيط ..


مادري بدا لي انهم عائلة طيبة والبنت مكسب

[جلوي العتيبي]

الجمال أمر نسبي ولكل رجل نظرته الخاصه

لو تبي زوجه كامله في كل شيء راح تتعب كثير وتلقى ان مافيه اي بنت تعجبك ..

إن كانت البنت على خلق وتربيه وحسن تعامل فتوكل على الله وتزوج ولاتفكر في الطول او القصر

[قـتـالـه]

اقتباس:  المشاركة الأصلية كتبت بواسطة جلوي الشقير     إن كانت البنت على خلق وتربيه وحسن تعامل فتوكل على الله وتزوج ولاتفكر في الطول او القصر

بلاك ماتدري يامديرنا ان فاهم غلط عندهم نخل ويدورون احد يخرفه !
آه بس اعان ربي من قدرها ان تكون امرأه في مجتمعنا اجل ماابيها قصيره !!

[عذبـــــة]

هذا انتم يالشباب تتركون أمور رئيسية بالبنت وتناظرون لأشياء تافهه
ياخيي كانها قصيرة خلها تلبس كعب واضمن لك تبي تصير اطول منك
بس هذا انتم أول شوفة الطفه تطيركم فوق .. وثاني شوفه تبدا العذاريب تحسبون بنات الناس لعبة
زين انك شفتها ثاني مرة عشان ترفضها من الأول مو اذا اتزوجتها تبدا تعايرها .. والله مايسوى عليها هالزواج
انا اقول تعيش طول عمرك عزوبي أفضل لك لأنه مايملى عينك شي وتبي تبتل تطقطق على بيبان خلق الله وتعذرب في بناتهم
بالتوفيق

[اذكر الله ياخفوقي]

اقتباس:  المشاركة الأصلية كتبت بواسطة أبو دجانة     إيه النعومة دى؟؟؟ ناعمة يعنى؟؟؟؟ هل المرأة من صفاتها النعومة؟؟؟

نعـــم , اكيد من صفاتها النعومة >> الا كانك تقصد شي ثاني تراي مافهمت ؟؟

[Qassimy]

توكل على الله بس
واترك عنك الطول ترى بكرا تبتلش فيها إذا نزلت تحت ما طلت اللي فوق وإن رقيت
فوق ما طلت اللي تحت
خلك بالقصر تجيب الدعوى مع مجاميعه