من كاشيره لــ (حارسة أمن ) وياقلب لاتحزن .

[| ~ ســمــو ~ |]

[align=center]والله كفو على هالرزه بس ماكن الكرفته قصيره شوي !![/align]

[نهوله]

طيب وين المشكله والدعوه الى التغريب؟!! تنظم حريم وبمكان مغلق !!!!
من عمر الدنيا والقصور من ايام قصر الربيع والقاعه الكبرى وفيه حريم عند الباب
يعني على حطتك هالموضوع كانهن حارسات بمكان مختلط ,,,

[ابو ريما الخالدي]

وش فيها أذا أشتغلت حارسة امن
أذا قلنا تبيع بمحل ملابسها الخاصه قلتو لا
اذا قلنا تصير كاشيره قلتو لا
اذا قلنا وقلنا وقلنا ماعندكم غير لا لا لا
وش تبونها اتسوي أذا بغت تصرف على روحها
أو تقعد بالبيت
تراه مهب كلاً منعم الله عليه مثلك أنت وياه
ناس مالقت تأكل ولافيه أحد يصرف عليهم
أو تبيها تشحذ عن الصرافات والاشارات

[بع ـثرني آحتيآجي |♥~]

يآإرب ـآإنهآإ بـ ملتقىآإ نسآإئي !

[نبراس القصيم]

ومن يضبط الأمن في الكليات والمجمعات النسائية

النادر وجودها (( ويارب كثرها ))

والملتقيات النسائية وقصور الأفراح

إذا ما كان فيه نساء حارسات أمن


أو رأيكم يدخل رجال لضبط الأمن في الأماكن النسائية الخاصة

والأ ما يعجبكم العجب ولا الصيام في رجب يا بعض الرجال

[الفتى العصري]

اقتباس:  المشاركة الأصلية كتبت بواسطة قـتـالـه     يؤ ليش خليتهم حبابين ! برق يمينك وشمالك موظفين ومرتبه عاليه حريمهم يصرفن رواتبهن على السياره والبيت .. المسيكينه راتبها ماتشوف نصه عشر سنوات علشان بيت مو باسمها ! وباقي الراتب تصرفه على البيت وهن شهب لهب حتى ساعه زي الناس ماعليهن ! قال كرامه ومروءه قال !!

نعم يوجد نساء وفيات وقرمات وتقف مع زوجها إن كان رحلا بمعنى الكلمة ووافق هو على قبول مساعدتها له .
أنا حديثي موجه للرجال الذين لايعملون ووجد زوجته تصرف عليه وركن للنوم والسهر والسربته ..هنا نقول المرأة مظلومة .

[التنين الصيني]

تعوذوا من ابليس .....

مهب كل الرجال رجال .... ولا كل الحريم حريم

وسعوا صدوركم ......

تراكم بالعشر ......

[قـتـالـه]

اقتباس:  المشاركة الأصلية كتبت بواسطة الفتى العصري     نعم يوجد نساء وفيات وقرمات وتقف مع زوجها إن كان رحلا بمعنى الكلمة ووافق هو على قبول مساعدتها له . أنا حديثي موجه للرجال الذين لايعملون ووجد زوجته تصرف عليه وركن للنوم والسهر والسربته ..هنا نقول المرأة مظلومة .

الحين صارن وفيات وقرمات يوم جا طاري السياره والبيت !!
عموماً ترا الحرمه تجبر على الصراف وبذل راتبها سواء كان زوجها رئيس دوله او اكبر محشش تحت كوبري !
ويتساوون بالهدف ..!
الزوج الرجل هو اللي يرفض ان تمد زوجته يدها ببوكها ويستغني عن مالها وربي لو ألقى زي كذا ماابرح مواطي رجوله !

[السلسله]

اقتباس:  المشاركة الأصلية كتبت بواسطة ابو ريما الخالدي     وش فيها أذا أشتغلت حارسة امن أذا قلنا تبيع بمحل ملابسها الخاصه قلتو لا اذا قلنا تصير كاشيره قلتو لا اذا قلنا وقلنا وقلنا ماعندكم غير لا لا لا وش تبونها اتسوي أذا بغت تصرف على روحها أو تقعد بالبيت تراه مهب كلاً منعم الله عليه مثلك أنت وياه ناس مالقت تأكل ولافيه أحد يصرف عليهم أو تبيها تشحذ عن الصرافات والاشارات ياجلابص

الله يلعن إبليسك ياملحس
وش الذهانه بك الكاشيرة و حارسة أمن هي هي مافيه فرق
الحكم واحد هنا إذا كان السوق مغلق لنساء فقط ممكن هنا نقول ميخالف
فكرك فكر تغريبي
ونحن مع عمل المرأة لكن بدون إختلاط برجال
الرجال قوامون على النساء وين أخوها وين أبوها وين عمانها

[الحنتريش]

يقول ابن سعيد الله يرحمه
ياقلب لاتحزن تراها وهايب & ماهي بريره من قريب لقريبه
الي قبلتو ان السعوديه تشتغل شغاله تحملو مايجيكم بالمستقبل
والله ان الكاشيره والحارسه ازين من شغاله بالبيوت

[رونا]

اقتباس:  المشاركة الأصلية كتبت بواسطة هلاوين     اما حارسات امن؟؟ الصراحه الخوف على حارسة الامن تسرق قبل اللي هي حارسة ههههه

هههههههههههههههههههاي
صح كلامك تحتاج من يحرسها
المراة مهما كان ضعيفة
ويابلادي واصلي واحنا وراءكي

[ابو ريما الخالدي]

اقتباس:  المشاركة الأصلية كتبت بواسطة السلسله     الله يلعن إبليسك ياملحس وش الذهانه بك الكاشيرة و حارسة أمن هي هي مافيه فرق الحكم واحد هنا إذا كان السوق مغلق لنساء فقط ممكن هنا نقول ميخالف فكرك فكر تغريبي ونحن مع عمل المرأة لكن بدون إختلاط برجال الرجال قوامون على النساء وين أخوها وين أبوها وين عمانها

يلعن ام الذهانة اللي تخرخر عندك وسايحة تقل دهنة فارم

من قال حارسة الامن مثل الكاشيرة

الكاشيرة يالذهين تبيع بين الله وخلقه وحارسة امن مثل اللي بالصورة في اماكن منعزلة مثل ماقالت الشيخة قتالة

كلنا مع عمل المرأة مادامها تكتسب قوتها من عرق جبينها وتعز روحها عن بعض الذكور اللي تسلطوا عليها وانتهكوا كرامتها واودعوها سجون القهر

القوامة اللي تتكلم عنها صارت بالنسبة لبعض الرجال تشريف والاصل انها تكليف ويعتبرونها مرتبة تسلط وقتل للمرأة وانتهاك حقها

وماعرفوا ان القوامة الحقيقية هي في حماية المرأة وتوفير سبل العيش الرغيد لها وحفظ كرامتها

الللي يقهر يابوعقدة ان القليل من الرجال اليوم اصبحوا لايمارسون القوامة على بيوتهم وعلى نسائهم الا بالاهانة فقط اما تحقيق وصية الرسول صلى الله عليه وسلم في اكرام المرأة فهم مهمشين لها

فهمت يابو عقدة ؟؟

[لعيون دودي]

عزيزي...
كثر الحديث عن عمل المرأه وحرمته ودلالته وكانه حديث مجتمع !!
كثير بل الغالبيه العظمى من الاسر تصرف عليهم "المرأه"
وكذا الغالبية رزقهم على رب العباد ثم على هالمرأه سواء كانت زوجه,اخت,ابنه
بيوت بعض الاسر وخاصه ذوي الدخل المحدود قائمه بعد الله على عمل المرأه
اين تكمن المشكله بعملها وهو حلال واذا موظفه امن ؟؟مكانها بين النساء كما اسلف البعض
غالبا في الكليات ,الفعاليات النسائية.رزق وجاهن يعفونه؟؟ مادامه بالحلال الله يسره ويزيده
لنحسن الظن بالمرأه فوالله من ارادات"الضياع" ستحصل علية وان كانت مربطه بسلاسل
دمت بود

[عـــــســـــولــي]

اقتباس:  المشاركة الأصلية كتبت بواسطة لعيون دودي     عزيزي... كثر الحديث عن عمل المرأه وحرمته ودلالته وكانه حديث مجتمع !! كثير بل الغالبيه العظمى من الاسر تصرف عليهم "المرأه" وكذا الغالبية رزقهم على رب العباد ثم على هالمرأه سواء كانت زوجه,اخت,ابنه بيوت بعض الاسر وخاصه ذوي الدخل المحدود قائمه بعد الله على عمل المرأه اين تكمن المشكله بعملها وهو حلال واذا موظفه امن ؟؟مكانها بين النساء كما اسلف البعض غالبا في الكليات ,الفعاليات النسائية.رزق وجاهن يعفونه؟؟ مادامه بالحلال الله يسره ويزيده لنحسن الظن بالمرأه فوالله من ارادات"الضياع" ستحصل علية وان كانت مربطه بسلاسل دمت بود

اشكر الجميع على تفاعلهم مؤيدا أو معارضا .ولتفهموا جيدا أنني لست ضد عمل المرأة ولكن ضد (نوعية وطبيعة المهنة) التي لاتتناسب مع طبيعتها كأنثى .
يريدونها حارسة أمن في البداية ثم قالوا ( نجاحها بعمل حارسة أمن يثير إمكانية توظيفها بفروع البلديات) وهنا مكمن الخطر.
أنظروا للقضية من منظار بعيد ولاتأخذكم العواطف.
يعني إحبكت على تلك الوظائف التي فيها مهانة لكرامة المرأة ..لو هم حريصين عليها لفتحوا المجال في المدارس كمعلمات وإداريات وفراشات وفتحوا المجال لهن في البنوك (الفروع النسائية) ولوضعوا مراكز تجارية كمركز الوشاح ببريده خاص للنساء وحاجاتهن الخاصة كما هو الحال في البنوك النسائية .
الحلول متاحة لكن بنو علمان لن يهنأ لهم بال حتى يرون المرأة تسير على حل شعرها .

[جبل السكر]

واتخاصموا العالم :d
عسولي قلهم الدنيا عيد
ولا ماتفرق معاهم هه