آآآآآه من ليل التجافي ما اطوله.... السمنسي في مستوصف خاص

[جلوي العتيبي]

اخي عجوز سمنسي

كله كوم والضحكات والتحدث بطريقه غير مؤدبه مع المراجعين .

ماقلته مشاهد وواضح وفي أكثر من مستوصف خاص ..الفتيات المحتشمات الحافظات لتعاليم دينهن مايقبلن العمل بهذه الطريقه ..

وأي فتاه خلفها رجال لن تقبل العمل بهذه الصوره المخله بالآداب وبالتربيه وبتعاليم الدين قبل كل شيء ..

كيف سيكون حالها لو طلب منها مدير المستشفى الحضوره لمكتبه !؟

هل ستقبل ؟ وترضى بالخلوه الغير شرعيه ؟ أم هل سترفض وتعرض عملها للفشل ؟

ليت رجال الحسبه يضعون لهذه المستوصفات أوقات من العمل فيوجهون ويعاقبون ويحذرون .

[•°سـرىآ اللـيـل°•]

وقسم كلمة لو ينادين المدير ترفع ضغطي

سبب رفض أمي لطب أن لو المدير لو الدكتور لو العامل لو كلام الناس ماأدري منهم وأنا وش كاري منهم الله ياخذهم ..

ياميمتي هذولا إذا ماعطيوا وجه مايجون لك ,, ياكثرهن طبيبات أعرفهن ولا أذكر قالن فيه مضايقات لهن إلا بداية مباشرتهن للعمل ..

لكن يوم عرفوا نوع اللي تحت هالعباية أصرفوا النظر .. المستشفى مكان رائع بس الواحد يراقب الله فيه وحرام نخليه متسيب كذا..

والله قهر نترك السلطة تحت ناس مو قد .. يالله وش يفيد إذا هذي وهذيك يعيون أهلهن والثانيات اللي مهب كفو طب يدخلن وهذا وجهي إذ صلح الوضع ..

كلية الطب طول وعرض قليل الصح فيها .. والزينات اللي دخلن يقولون والله مهب كله ميول بس مايصير ماندخل .. الوضع منهار ..

أعطوا من أنفسكم لمجال الطب من أجل إنقاذه من التدهور الأخلاقي .. لكن أن ترفع الأيادي عنه هذا ليس حل ...

الزعيم واللي ماخلفها رجال ؟؟ ليه أنتم تقرنون صلاح البنت بالرجل !! صح له علاقة وقد تكون كبيرة لكن مش أساس ..

ترى البنت مخلوق آخر يحاسب ويعاقب لوحده يعني تراقب الله مثله مثل غيره حتى لو مافوقه رجال لو هي بالحياة لحاله ..


الله يهدينا ,, أهذب تاهيه’

[@ الجفولة @]

[align=right]

اقتباس:  المشاركة الأصلية كتبت بواسطة عجوز سمنسي     [align=center]كان في الاستقبال غنادير يلوح الجمال من خلف الغطاء والبياض كبرق من تحت العيون [/align]

في هذا الموقف يا فضيلة الشيخ لماذا لم تغض بصرك ![/align]

[عجوز سمنسي]

[align=center]

اقتباس:  المشاركة الأصلية كتبت بواسطة خوان بابلو سورين     آه من الليل التجافي مطوله<<الله رجعتنا لاايام الكرسيدا حبيبي سمنسي الشق اوسع من الرقعه رحت الاسبوع اللي راح للرياض ورجع معي واحد من الشباب يشتغل ممرض بمستوصف حكومي قالي عن اشياء تهول العقل يحلفلي ان سبع بنات ممرضات سعوديات راكبات معوه باالسياره رايحين مهمه تبع الدوام يعني السالفه مدرعمه وترى المستوصف اللي تقول عنوه عرفتو اذكر دخلت عندهم قسم اني خقيت ونا مالي من الشيطان طريق كلامهن وضحكهن اشوي والانقطت سعابيلي ماصدقت على الله اني اطلع . تشكرات سمنسيات.

هلا بخوان بابلو

ياحبي خويك هذا مايعرف يتصرف وسلم لي عليه

وبعدين لاتستغرب هذي بنات داشرة ومولية وبايعتها اللي يركبن مع واحد باسم مهمة

الله يلعن المهمة ويلعن ابوها اللي تخلي البنت تركب معه وتكهكه وهي مستانسة

وش بقى ؟ وراه ما اخذ لهم شاليه وطب يسبح معهن بعد؟

سلملم ياحبي ولاتنسى تقول لخويك اذا ركبن معه يتصل عليك واذا جوالك مقفل يدق علي[/align]

[خـالد النـاصر]

أحسن شي ما نمرض علشان ما نشوفهن .. يالله عفوك
الإختلاط في العمل سبب كبير للفتن
وأماكن العمل المغلقه معرضه للخلوة
وكثرة الإحتكاك بين رجل وامرأه سببا لزوال الحياء فيما بينهم
مجتمعنا يدار بأيدي لا تملك دستور ديني واضح

[طيفه نديمي]

أخي الكريم
ماذكرته من خلال مشاهدتك لايساوي شيء ممانراه في مستشفيات مدننا الخاصة أمور لاتصدق ويحزن القلب للحال التي وصلت إليه معظم بنات مجتمعنا ضاربات بالقيم والعادات عرض الحائط
أسأل الله الهداية لبناتنا وشبابنا وأن يحفظ لهم دينهم
تقبل تحيتي

[قلم بريدة الأبيض]

عجوزنا الكريم



اجزم ما بعد المزلاج شيء ، واضحه بأنها (دعارة مغلفة)

و لكن ماهو موقفك؟ هل أنكرت عليهم؟ هل استدعيت الهيئة!

لماذا نسكت و لسان حالنا ، أو البعض منا (وش كاري؟) يطيح بغيري00

و عساك سالم 00

[شمس بريده]

الله المستعان وقد صدق رسول الله صلى الله عليه وسلم (من يعش منكم فسيرى اختلافا كثيرا....الحديث

اخي عجوز اثابك الله على غيرتك على الدين وكثر من امثالك

اختك شمس بريده

[ŋŌuƒ]

السلام عليكم--------

صراحة اجدك معك الحق في هذة القضية بعض من النساء وللاسف سعوديات تراها لاتحترم المكان الذي وجدت فية فكأنما كانت محفوظة في كيس زجاجي خرق اسفلة فخرجت منة بكل طاقتها ----؟؟!يلزم كل امرأة أن تحافظ على دينها وعلى شرفها، وأن تعمل كل ما فيه حماية لها وحفظًا لكرامتها، وذلك يتمثل في ستر محاسنها، والمحافظة على صيانتها عن التبرج والسفور وإظهار شيء من الزينة؛ ايضا يقابلها الطرف الاخر وهو الرجل الذي تجدة لايصدق ان يري بريق لاشارة حتى يطلق عنان الميانة فلو رئت منة النصيحة والصد عن قبول الامر لحترمت نفسها ولعرفت مكنها وامكانيتها الحقة فما تواجدت فية--

تحيتى--دمت بود

[الملتاعه]

عجوزنا مساء الخير

الدين / التربية / الأخلاق

إذا وجدت هذه في الفتاة حافظت على نفسها في أي مكان تتواجد فيها

ليس المكان أو الوظيفه سبب في تمادي وفجور الفتاة ؟؟؟؟؟؟

دمت بوووود

[& جمال الطفوله &]

^
^

صح لسانك ....

:::


http://forum.buraydh.com/showthread.php?t=136828

^
^
شايبنا .. وش يفرق عن موضوعك ؟؟؟!

نقدر نقول ... وجة النظر .. اختلفت عندك ؟؟!!




سلااام

[عجوز سمنسي]

[align=center]

اقتباس:  المشاركة الأصلية كتبت بواسطة @ الجفولة @     [align=right] في هذا الموقف يا فضيلة الشيخ لماذا لم تغض بصرك ![/align]

وه بس على التحرش ياناس

ياملحه عليك بعد وانتي تبحثين عن زلاتي

تصدقين صرت اتعمد احط زلات عاطفية علشان تصيدينها وتدخلين موضوعي ؟

اتوقع لو كنتي مكانها كان قمتي وقلتي تكفى افتح البلوتوث

اعرفك منهبلة بي

وبعدين لي النظرة الاولى ولو كنتي انتي مكانها يمكن يفتي لي شيخ بالثانية والثالثة وه بس[/align]

[عجوز سمنسي]

[align=center]

اقتباس:  المشاركة الأصلية كتبت بواسطة الملتاعه     عجوزنا مساء الخير الدين / التربية / الأخلاق إذا وجدت هذه في الفتاة حافظت على نفسها في أي مكان تتواجد فيها ليس المكان أو الوظيفه سبب في تمادي وفجور الفتاة ؟؟؟؟؟؟ دمت بوووود

والله يا ام نواف ماني ضد شغلها

انا ضد استهبالها وسهرها الى نص الليل بالدوام مع رجال ولحالهم

وبعدين ماني ضد التمريض

بالعكس مهنة مهمة لكن ضد استغلالها السيئ من البعض وضد استغلالها من بعض البنات بالصياعة
شرفتيني ياست الكل[/align]

[™ Miss 7oor ❤]

يؤيؤ شدخلني أنا هنا

موضوع جريء

وبس باي >>ومير تهج

[جوهرة بريدة]

موقف لايجب أن يعمم على كل امرأة تعمل بهذا المجال

ومثل هذ الانتقادات تسبب عزوف السعوديات عن العمل او عزوف أولياء الأمور

ويتم الاعتماد على جنسيات أخرى

ثم نأتي ونبحث عن السعودة