الله يخلف على حريمنا ..... معقوله اللي يصير !!!!

[العريف]

اقتباس: قد اجد العذر اذا حصلت بنت تدخل المنتدي ليلة خميس ! ولكن مستحيل احصل عذر لبنت تدخل النت الساعه اربع الفجر وسط الاسبوع !! ماادري وين اهل البنت اللي تدخل منتصف الليل او قرب الفجر !! هل هم مهملين بناتهم وزوجاتهم !! او هل هم واثقين فيهن الى درجة استطيع اسميها السذاجه ! او هي تدخل اذا تأكدت أن اهلها ناموا وهذا اسميه خيانة الأهل !! بصراحه امر مخجل ومريب ويدخل الشخص بالشكوك والظنون اذا حصل بنت جالسه الى اوخر الساعات امام شاشة النت !! حتى الشباب مااجد لهم عذر اذا جلسوا الى منتصف الليل ! لااستطيع ان اجد لهم اسم غير ناس ضايعه وصايعه اسف على هذا الاسم ولكن بنظري هذي هي الحقيقه !!

يمكن تخصصها حاسب

[توتي]

غرررررررريبهـ !!

اول مره تحط موضوع مابووه ولا علامة استفهام

بالعاده تسأل وحنا نجاوب هالمره تكتب وحنا نقرا بس

[رحيل]

اقتباس: قد اجد العذر اذا حصلت بنت تدخل المنتدي ليلة خميس ! ولكن مستحيل احصل عذر لبنت تدخل النت الساعه اربع الفجر وسط الاسبوع !!

أنت خايف على دراسته ودوامه .......... ولا علشان ماتضيع وتصيع

ولا وش فرق وسط الأسبوع عن نهايته ؟؟؟؟!!!!!!!! .........

في مسألة الضياع والصياعه على قولتك

[جوان2007]

والله ان تفكيرك مسوي حادث اليم ...!!!

انا من ناحيتي ماتفرغ للنت الا من 12 وفوق واذا حصل بالاوقات الثانيه ماعندي مانع

بعدين مايحلى النت الا بالليل مادري وراه ,,والي به شر به سواء بالليل ولا بالنهار

احسن النيه بالقوارير,,

[إخلاص]

أخوي الكريم
أخلاق الناس ما تقاس بالنت
ولا بوقت دخولهم النت


وايضا ما تقاس بالنساء دون الرجال فالكل مطلوب منه ان يتمتع بالاخلاق

[أمــاسي ونص]

كركركركر
اشوى اني دخلت يالنهار علشان مايقولون صايعه

تفكير مش ولابد
ادخل بالصبح ولا العصر والا الفجر كيفي

[•°سـرىآ اللـيـل°•]

أجل تخصصه حاسب هههههه الله يخلف مير.,’!

والله نقطة جميلة تم التنويه عنها ,, أحياناً أو في الغالب يكون دخول النت لغرض دراسي .,’!

ولذلك يطلع إسم الشخص بالمنتدى مع أنه لم يشارك نهائياً بس لأنه حدث الصفحة للمطالعة السريعة فــقــط.,’!

لابد أن تأخذوا هالأمر بعين الحسبان ! وربكم يعين.,’!

أهذب تاهيه’

[قلب الأسد]

احيانا يكون دخول النت لكل الجنسين بنات شباب في اخر الليل
والأكثر منهم قد يختار هذا الوقت لتفرغه من اشغاله التي كانت
بالنهار وكذلك دائما مايكون الليل هادي فالنت يتطلب الهدوء احيانا
وبأعتقادي ان البعض الاخر منهم يدخل في الليل على وذلك على
حسب ضروفه قد يكون لايعمل او عمله في النهار متأخرا اوينتظر
نومة الأطفال وغيرها وغيرهااااا,,,ولكن بأختصار مافيها شيء.....

[تميميه]

اجل تشوف ان دخول البنت بالليل لنت فيه خطر عليه >>والله مادري شلون الناس تفكر

يا اخ عاشق دخول النت ماله وقت محدد الكل يدخل بالوقت الي يريحه ويشوف نفسه

فاضيه..

والي بيغلط على قولتكم بيغلط بعز النهار لايهمه لاليل ولا نهار ..

غيروا من طريقة تفكيركم علشان ترتاحون..

[shahd2007]

وش هالتفكير ياعاشق الليل مثل النهار واللي عند نيه شي ولاخراب تبي تسويه واهله كلهم عنده


انا عن نفسي مااحب ادخل الا في الليل اسرع اتصال وامي على علم بذلك وتشوف مشاركاتي

وتدخل احيانا باسمي

[تميميه]

اجل تشوف ان دخول البنت بالليل لنت فيه خطر عليه >>والله مادري شلون الناس تفكر

يا اخ عاشق دخول النت ماله وقت محدد الكل يدخل بالوقت الي يريحه ويشوف نفسه

فاضيه..

والي بيغلط على قولتكم بيغلط بعز النهار لايهمه لاليل ولا نهار ..

غيروا من طريقة تفكيركم علشان ترتاحون..

[جبل عمر]

إحترت وشلون أشرح لك لكن يجب أن يكون هناك ثقة للأهل عموماً والبنات خصوصاً

الي في راسه شي راح يسويه سواءً باليل أو النهار وجهت نظري إسلوب فرض الأوامر ولى
نحن في زمن خطير ولذلك تأخذ الأمور بعقلانية وبثقة وبأسلوب الإقناع وبيان سبب المنع يعني ما يصلح يفرض الأمر على العيال

مثال قل يا بنتي تعرفين خطر النت بذا الوقت والشياطين الي فيه ومن هالكلام أقنعها ليه خطر مو سكري وترى إذا شفتك بالنت يا ويلك صدقني راح ترجع لمه لأن كل ممنوع مرغوب

[بنت البدائع]

اقتباس: ولكن مستحيل احصل عذر لبنت تدخل النت الساعه اربع الفجر وسط الاسبوع !!

ليه يعني:
وش فرق بين ليلة آخر الإسبوع وليلة وسط الإسبوع بدخول النت
لوحده متخرجه ومتفرغه وتتطلع على النت سواء قراءه أو مشاركه ؟
وخصوصاً إن النوم في الليل مو نظامها بالأغلب ؟

اقتباس: ماادري وين اهل البنت اللي تدخل منتصف الليل او قرب الفجر !!

البعض منهم نايم ... والبعض الآخر جالس عندها .

اقتباس: هل هم مهملين بناتهم وزوجاتهم !!

الحمد لله على أجمل نعمه رزقني فيها ربي بوالديني وإهتمامهم بشؤني جميعها

اقتباس: او هل هم واثقين فيهن الى درجة استطيع اسميها السذاجه ! او هي تدخل اذا تأكدت أن اهلها ناموا وهذا اسميه خيانة الأهل !!

لولاء الثقه ,, كان مادخلوا النت للبيت أساساً ..

اقتباس: لااستطيع ان اجد لهم اسم غير ناس ضايعه وصايعه اسف على هذا الاسم ولكن بنظري هذي هي الحقيقه !!

ياخرااااااااااااااااااااابي يعني بنت البدائع طلعت صايعه وضايعه لأنها تدخل كثير للنت آخر الليل

أحسن الظن بارك الله فيك , الفساد والنفس الأمّاره بالسوء تأتي بكل وقت فجر ظهر عصر .....>
وليس فقط آخر الليل ..

ياللأسف ... نظره ساقطه عند البعض ومازالت موجوده ...

[الأسترليني]

شف يا عاشق

ابتكلم هنا عن الذكور واخص نفسي ولا الاناث مالي دخل بهن كل وحدة لسانه يلوط اذانه

ناس صايعة وضايعة بوجهة نظرك !!!


اسمع يا عزيزي ما عندي وقت معين لدخول النت واغلب ما ادخلة بالنهار لكن وصفك للاعضاء بهذة الصورة

واضح ان نظرتك قاصرة .

يا اخي فيه ناس تحكمهم اعمالهم انهم ينامون بالنهار ويصحون باليل فيه ناس راعية سمر وتحب تتطلع

على المواضيع باليل تستفيد وتفيد احسن من يقعدون بالاستراحة ولا عندهم غير الحش بخلق الله .


يا تبينا ندخل للنت لصار سعادتك موجود ولا حنا ناس صايعة وضايعة !!



الأسترليني ،،

[شقرديه]

الحمد لله على نعمة العقل

يمين بالله الذي لا إله إلا هو لو أصحى اليوم الفجر على الساعة 3 وأكون رايقة لأدخل النت

وش هالتفكير ؟؟

1: هل كل معرف نسائي يعني بنت ؟؟ أم 17 إلى 27 مثلا كنهاية سن الشباب عند المرأة؟؟

ثاني أمر هل النت للمسنجر والمنتديات بس؟؟

هذي نظرة سطحية جدا قاصرة جدا

هل كل بنت لها هدف خبيث وخيانة من النت؟؟

البنت أو الولد دخلوا النت محاسبين على وقتهم وعلى نوع استخدامهم له لا فرق بين بنت وولد

واللي فيها فساد تلقاه لو بين عشاوين أو حتى عز الظهر !!!

فكر شوي قبل تدرعم بموضوع !!