من يخبر للي ام شوشة

[9R83T-GEEL]

ههههههه لا منقوشه ولا منفوشه
لا منك تلفت من الحياة التفت لهالشي والله يالعرس
ماورااو الا الطلايب..كم عمرك واعلمك انا
هو توك او لا<<ههههههه وش تحسبوه؟

[تذكار العمر]

هههههههههه....يحول بالرجال مايبون الحريم تطلب تر المنقوشه تطلب والمنفوشه تطلب لكن نقول الله يوفقك وييسر امرك وتوكل على ربك

[هلاوين]

اقتباس:  المشاركة الأصلية كتبت بواسطة فديكا التميمي     آهااااا لا انشالله ماتدخل الا على منقوشه ... والمطلقه وغيره أخاف إنه أحسن من المنقوشه دايم الزينات مالهن حظ ...

امين

الله يسلمك ويخشرك من دعواتك الطيبه

والله انك حول حروه اجل تصير رخيصه وزوينه هههه


شرفني مرورك

[هلاوين]

اقتباس:  المشاركة الأصلية كتبت بواسطة عاشق ديرتي بريده     الزوجه قد تكون خير لك وتنفتح لك ابواب الرزق بعد الزواج وقد تكون شر عليك وتستمر بالدجه ومن اردى لاردى لكن توكل على الله وتزوج وادع ربك ان تكون زوجتك فال خير عليك جاء إبراهيم عليه السلام من فلسطين إلى مكة ليزور ابنه إسماعيل عليه السلام فلما طرق الباب خرجت زوجته فسأل عن إسماعيل فقالت إنه قد خرج للصيد فسألها عن حالهما فشكت له ضيق عيشهما وضنك حياتهما فقال لها : إذا قدمَ إسماعيل أقرئيه مني السلام وقولي له غير عتبت بابك؟؟؟ فلما قدم إسماعيل من الصيد أخبرته زوجته القصة وقالت إن ذلك الشيخ يقرأك السلام ويقول: غير عتبت بابك فقال إسماعيل : ذلك أبي يأمرني أن أطلقك. عاد إبراهيم عليه السلام بعد فترة من الزمن إلى مكة قادماً من فلسطين فطرق باب أبنه إسماعيل ففتحت زوجته فسأل عن إسماعيل فقالت: إنه قد خرج للصيد ، فسألها عن حالهما فحمدت الله وأثنت عليه ومن ثم شكرت زوجها وأثنت عليه فقال إبراهيم عليه السلام : إذا قدم إسماعيل أقرئيه مني السلام وقولي له أمسك عتبت بابك؟؟؟ فلما قدم إسماعيل عليه السلام أخبرته زوجته بالقصة وقالت: إن ذلك الشيخ يقرأك السلام ويقول لك أمسك عتبت بابك فقال إسماعيل: ذلك أبي يأمرني أن أمسكك ولا اطلقكِ. من هذه القصة يتضح لنا نوعين من النساء إحداهما التي أنكرت فضل زوجها بعد الله ولم تشكره أو تقدر سعيه وكده فهذه التي كرها إبراهيم عليه السلام أن تبقى في ذمة ولده فأمره بتطليقها. أما الثانية هي من شكرت زوجها بعد الله حتى وهي في ضنك من العيش فأمر إبراهيم إبنه بأن يمسكها ويبقيهاويحافظ عليها. وبعدين ياجماعة الخير الامور هذي تريد التوكل على الله ولا تريد مشوره بالنت <<< اي شي يطن برأسه يتوكل على الله ويسويه واللي يحصل بعدين يعتبره مكتوب

صحيح الزوجه من النواصي التى تكون مباركة عليك او عكس ذلك


اللهم ارزقني ورزق الشيخ عاشق حور الدنيا والاخرررررررره .



احيانا الشخص يقدم على امر ما ويضع الفكرة هنا حتى يستخلص من الردود


ماينفع ويصلح له .




بورك فيك وفيما كتبت ونقلت

[هلاوين]

اقتباس:  المشاركة الأصلية كتبت بواسطة قـتـالـه     مالك الا مكتب عذبه يذمرك تذميراً جميلاً هه وبالنسبه لمنقوشات هاليومين ماوراهن الا التلايف .. منحينك لا تقدم الا وانت مليان ! المنقوشه تحسب العرس نهايب وطفه تبي كل ابوي شي .. وخاصه ان كانت طالبة جامعه والله من المجاكر ,, ماتقول اببدا انا وهالاشهب من الصفر ابجمعلوه ويجمعلي ! ماتسنها عايشه الاوضاع وتدري وش الحال وعتبي بذلك على الاباء اشبعوهن ياحيي قبل ماتزوجونهن نص مشاكل المنقوشات ماديه ماجابلي وماشرالي وماسكنن بالمكان الفلاني يع مايعرف شي مانسافر:/ اصبر خل اتقهوى من الدله الثانيه واجي اكمل ...:/

الله لايهينك ممكن تعطينن لو صف بعدين هو مكتب موثوق ولا نصابين ههه


يذمرك تذميرا جميلا >>حسيت انه قرررررران والله خايف يحوسا حوسا رهيب


الامووور زينه قوووووه الحمد الله بس صعبه اجمع بين زواج رسمي ومكلف


مع بنا منزل بمئات الالف في وقت واحد . وعلى ماقلتي بعضهن يحسبن الزواج نهابة وجمع دراهم .


ننتظر باقي التهكمات ههه

حياك بنت قتال

[هلاوين]

اقتباس:  المشاركة الأصلية كتبت بواسطة قـتـالـه     ربي يخليها لك ويطول بعمرها .., انتبه يناظرون لك :/ رح ناظر انت تسان تبي شويري :/

امين يارب ويخلي لك ابوين جابوك


اميمتي حبيبه تعرف تقيس وتغيص >> امزح


صحيح مايملى الانسان الا عينه


اشكرك على التنبيه

[هلاوين]

اقتباس:  المشاركة الأصلية كتبت بواسطة miss tala     يقولونه تحرونه صدق ..!! توكل على الله وسوي اللي تبي ....ههههههههه

والله سامع نفس كلامه ونا شاهدت مثل ذلك


الله يسلمك ويشرفك بتشريفك يا سمنس تالي ههه

[هلاوين]

اقتباس:  المشاركة الأصلية كتبت بواسطة قلب الأسد     ابوميـار والله ياهم يمدحـون ام شوشـه ولا بالفرق بهالوقت اقل شي تصير خبــره وفاهمه وتصير تبيك بعد .خصوصا لاصار ماله الا كم شهر مطلقه .او ماجابت عيال . عالعموم اتكل على رب ا لعالمين واجـزم حتى لو منقوشه اهم شي تزوج والله يكتب لك الخير والرزق .

الخبرررررررررره مطلوبه بكل تخصص لا في ذا المجال

ماجمل ان تكون انت الخبير وهي العاميه ههه

اجل تحرين اتوكل و امرررررررر رفيقي المغرب


امين ولك بالمثل اذا احببت


اسعدني بياض قلبك ياقلب

[هلاوين]

اقتباس:  المشاركة الأصلية كتبت بواسطة عذبـــــة     المناقيش رايحات للشيبان من سنة جدي تلاقي الشيبان من طق عمره 50 راح يتشبب ويتزوج ام عشرين ويدللها وينسيها اهلها واذا مات بعد كم سنة ورثته وصارت ام شوشه ارملة عندها ريال نيم واذا جو هالشباب يدورون زوجات مالقو الا امهات شوش شوفوهن متكومات بمكتبنا كلهن شوش .. قليل تلاقي المنقوشات ولو لقيت تلاقيها غالية لأن عليها طلب ومكتبنا مااسترزق الا من ورى هالشيبان اللي يدفعون بالهبل عشان يرجعون عشرين سنة ورى شوري عليك اترك المنقوشات اللي نقشها يروح بمجرد ماتدري انك داج بعد سنة من زواجكم شف ام شوشه اللي مامعها درزن بزارين تبي تستتك وتدلعك وتغنجك وتخليك طاير فووووق فوق تصير خبرة وكبيرة وتعرف للرجال ووش يرضيهم وغير هذا تصير وارثه شايب وتعمر لك بيتك هي والمنقوشات على قولة قتلتل ماوراهن الا التلايف يبي يدجن فيك بزياده .. شوري عليك هج عنهن وام شوشة تراها علي بس انت اجزم

ههههههههههه

ايه وصلنا المكتب للي وصفت للي قتاله


اجل الله لايهينك ابي ام شوشه بس تصير بعد شايب طافي و مليان فلوس

وما البزران صراحه مابي حبي يروح لغير عيالي يعني خلوهم عندكم بالمكتب



ماتصلح الخبره بهالمجال ابيها ماتدري وين الله حاطه لان الخبررررررره لاتطلع الا من عمل طويل في نفس التخصص




عموما للي الشرف ان اتقدم على مكتبكم بطلب ام شوشه وارثه مليون اقل شي


سعيد بردك مديرة المكتب عذبه

[هلاوين]

اقتباس:  المشاركة الأصلية كتبت بواسطة جبل السكر     [mark=#0015ff]لاتتزوج وإنت منك مرتاح ماديا وعلشان ماتصير متل الهنود يلي بموضوعي[/mark]

الحمد الله مرتااااح مرررره

بس خبرك امرين مكلفين اشق على نفسي بالجمع بينهن في قوت واحد


اي هنووووود لايصيرون طلقوا بعد ما خذوا المهرررررر من حريمهم ههه



اسعدني وجودك يالسفيره

[king talal]

أنا من رأيي أنك تنتظر
لأن من الصعب انك تجمع بين الزوآج والبنآيه !
فالأفضل انك تنتظر افضل لك
وافضل للمرأه ( =

[الحـوراء]

/

/


الْلِي افْهَمْه مِن كَلَامِك : ان كُل هُالْمُطَلَقَات امَّهَات شَوْشَه ؟؟!!

لَا يَاعَمَّي مُو كِل الْمُطَلَّقَات امَّهَات شَوْشَه ..



مَاشَاء الْلَّه بِو مَيّار يِبَي يَتَزَوَّج .. طَيِّب مَتَى جَت مَيّار هَذِه ؟؟!!



كّلّلّلّلَلَلُوّش

[مساكن برزه]

انتبه وانا اخوك لاتبزع بالعرس وامورك دردبيس عين خير واصبر لمين ربك يفرجه ولاتطمع بشهر العسل وكم شهر بعده ترى الجاي غثى بغثى ..

الا اذا امورك طيبه والدراهم تنهل من كل صوب ابد من انا طب وانت مغمض .. المره هالوقت وانا اخوك يبيلك صرافه وراك تحلف اننا نهد من نفود ..؟

[سحر الورد]

مثل
تعبر بأم شوشة الين تجيك المنقوشه


مساء الخير
اول مرة اسمع هذا المثل وشة الشوشة والمنفوشة شرح المثل ممكن

لكن فهمت انت محتار بين البيت او الزوجة

اختار الزوجة لان مع الزوجة ياتى ان شاء الله الرزق

الله يوفقك





.

[رمز الحياة]

تبي النصيحة ....


(((((اظفر بذات الدين تربت يداك))))