وش تسوين بهيك موقف ؟؟

[امرؤ القيس]

هذي القصة شفتها بمسلسل قبل كم سنة

الغريب ان بطلة الفيلم يوم طلبت منها صديقتها الملابس قالت لها ماعليك ابجيك بعد يومين واجيبهم لك وانتهى الفيلم ماردتهم خخ


شكل المخرج ناوي على جزء ثاني

[آنثى آستثنآئيّه]

امااا سنتين وتوه تستوعب انه معطيتك فساتين وتبغاهم

اولا راح موديلهم يعني لو رجعوا ما راح تلبسهم ثانيه
ثانيا كيف قدرت تطلب منك فلوس مقابل شي قديم كانه صاير امس
والفساتين قبل سنتين ما اعتقد اسعارهم اللفين وزيادة
ثالثا كان المفروض ترجعيهم اول ما خلصت مناسبتك عشان ما تتعرضي لمواقف بايخه مثل كذا ..




تصدقين معطيه وحدة فستان لي ما لبسته الا مرة وللحين ما رجعته من العام هع بس على اجره ان شاء الله

[| ~ ســمــو ~ |]

اقتباس:  المشاركة الأصلية كتبت بواسطة &&روح الأمــل&&     8 وشلون هديه ؟؟ يعني مع قيمة الملابس ارسلها هديه بعد ؟؟؟ طيب موب تتحمل جزء من الغلط كونها ما دقت علي تذكرني ,,ليش ساكته طوال سنتين؟ اقل شئ تذكرني بهن مهما كان الانسان لابد ينسى ..

لا ماقلت عطيها قيمة الملابس ..!!!
عطيها بقيمتهم هديه عليها القيمه

وانت ابخص بصديقتك كان مايزعلها تعطينها فلوس عطيها
بس لو صديقتي تسوي معي كذا ما احب ابد
يعني هديه اهون من فلوس وين حنا فيه .!.!


ولاتعودين له هه

[ونة خفية]

والله لو توصل درجة المخاواه والصداقة بيني وبين أي وحده عنان السماء ما استعير ملابسها وأغراضها الشخصية مو كبرياء أو آنفه بس المسأله مسألة عزة نفس وعدم تقبل لبس ملابس أحد .

[رواسي]

السلآم عليكم

أنا عندي إقترآح وأتوقع لو صآر لي نفس هذآ الموقف رح أسويهـ وهو

مآأقول لهآ إلآ بعد مآأشتري لهآ ولأختهآ فستآن يعوض عن اللي رآح كلهـ
وبعدهآ أنآديهآ أو أكلمهآ بعد مآتستلم الفستآن

هنآ رح أرتآح أنا من الفشلة وهي كذلك تحس إنك مهتمهـ


وربي يوفقك

[بريداويهـ]

اعوذ بـ الله سنتين

شوفي اختي
حطي نفسك مكانها
هي يوم عطتك الملابس مجهده
وحابه لك الخير
ويوم اسكتت وماقالت
اتوقع مستحيه
لان جد فشيله اعطي احد ملابسي واتصل عليه اقول له عطني اياهن

وصارت معي كثير ما اقول مع اني باشد حاجتي لهن انتظرهم يتذكرون


وابسط حل
اشتري له مايعوض عليه فساتينه <-- فساتين جديده بدل فاقد
وارسليه له هديه
وقولي له انك متاسفه وكان غصب عنك(وسردي السالفه)


لكن ماقلتي لنا وشن الفساتين ؟
لان فستان عن فستان يفرق

مثلاً (لو انا مكان صديقتك) :
لو معيره لاحد فساتين زواجي وخاصه الفستان الابيض
قمت وطبيت ببطنه
لانهن فوق انهن غاليات بالالاف , وكلاسيكيات (مايروح موديلهن)
لهن معزه خاصه عندي

وما اتوقع اي فلوس راح تعوض علي
لكن اي شي ثاني غيرهن
كمان احسها اهانه تعطينن فلوس
لكن لو هديه تعويض عنهن راح احس باهتمامك وانك ماهمشتين بعد نيتي الطيبه معك


ولو وصلتي لصديقتك بانه هي الغلطانه لانه ماذكرتك وان الفساتين ماكانن قدك من الاساس
اتوقع شي طبيعي بتنرفز
وتطلب فلوس
لانك اهنتيه وحورتي نيته الزينه لشي ثاني


وكون انه هي الي قالت دوك اياهن وانتي ماطلبتي مايبرر عدم الاهتمام باغراض الناس


لان مره من المرات
اعرت ناس شريط زفتي
شفتهم محتاسين وعرضت عليهم الشريط <-- تراي شاريته بمبلغ وقدره (هذا غير الجانب العاطفي)
جان الشريط بعد كم شهر منتلف
ومايصلح الا لزباله

تتوقعين
نيتي هنا وانهم ماطلبوا
تستاهل انهم يتلفون شريطي ؟


تحياتي

[دِيم]

.
.
.


وي...!!
سنتين ..؟
شكل دولابك بيت كامل ..؟ معقول ماجردتِ دولابك إلا بعد سنيتن ..؟
أجل بحل يا أنا هه . .

/

قوليلها الصدق زي محارة وأم بدر من هالسنين ..
,

[فينيسيا]

كثيرة ملابس تقعد سنتين والادهى ان الشغالة تودي وتجيب وهي ليه ماتهتم شوي

لو مكانها باعطيها المبلغ اللي تطلبه لو اتسلفه لان صديقتها ماقصرت وهي كانت عديمة مسؤولية

[الامريكية]

اهمال من اللي طلبت الفستان اساسا وعدم مراعاة للمسئولية !
لهدرجة عدم مراعاة الامانة !
لو منها اهجرك لان ترك امثالك راحة !
سنتين عندك ومطنشه خويتك ؟ هذا جزاها ؟

[ما أتكرر]

يعني هذا جزاها المسكينه فازعة لك
اذا انتِ تشوفين انك على صواب هل تتمنين انها تقرا موضوعك وردودك هنا؟
الغلط راكبك مية بالمية

[جلوي العتيبي]

لا تندمين على اللي دفعتي

والخطأ خطاك والحمدلله على كل حال ..الحياة تجارب ودروس ويمكن ها الالفين مهيب قيمة الفستانين وأهميتهم عند صديقتك وتكون هي زعلانه اكثر منك .

[Miss Tala]

الصدق والحقيقه وان ماعجبتك كان حرصتي شوي على لبس صديقتك ..ولو انا منها كان طلبتها على قولتك هي صديقتك وتمونون ع بعض ..
وع فكره لو انا مكانها ماكنت راح اقبل الفلوس لان فستاني ابيه بذاته مابي فلوس بداله عاد مدري انا عندي عشق لاشيائي مااسمح لاحد يمسها ...

ماادري احس الفلوس فيها احراج ليها ..على الاقل اعتذرلي لها وشوفي وش يرضيها وسويه لها..