&^ مدونة طاري الشوق ^&

[طاري الشوق]

اطو الستاير وانتظر طلة الشمس
وافتح شبابيك الغلا واسمع الطير
خله يغني لك على شرفة الهمس
ويقول صبح الشوق والنور والخير
بوحي

[طاري الشوق]

محطات العمر يبقى لها بالذاكرة تأثير
تجي ايامها زينة تجي ايامها شينه
عسى وان كانا صرنا محطة في حياة الغير
اذا مرت اسامينا نجي ذكرى لهم زينه
بوحي

[طاري الشوق]

كل مامر ساعة قلت يمكن تجين
لين ضاع انتظاري داخل الأزمنه
طال عمر الحنان وشاب منه الحنين
وتاب شوق القلوب اللي بنا مدمنه
كم تعدت شهور وكم تعدت سنين
اثر ساعة لقانا في حسابك سنه
بوحي

[طاري الشوق]

[طاري الشوق]

ياخايفة من نظرة العين للعين
عندك سلاح العين ساطي وذباح
نظرة خجل قدام نظرة سلاطين
اعزل وقدامه رهيفات ورماح
عندك سهام الموت وش له تخافين
وانا صويب القلب ماعندي سلاح
بوحي

[طاري الشوق]

تنهايد المسا قهوة تفوح بزعفران وهيل
تشق دروبها بين الضلوع العوج مقهوره
يصحيها الخلا دايم اذا خيم ظلام الليل
وهي طول النهارتبات وسط الروح مأسوره
تسامرها النجوم الي لقت في صوتهاتعليل
تحسب ان الجريح يغني الآهات وكسوره
نجوم ماغدرفيها الزمان وغرها التمثيل
ولاعانت من طعون الجفاوالصد مغدوره
ولاتدري عن طبوع البشر جملة ولاتفصيل
ولاعاشت احاسيس الغلاوالحب معذوره
احديسهروحيد ومامعه غير العناوالويل
وناس مع حبايبهاتعيش الليل مسروره
بوحي

[طاري الشوق]

الله يسامحني على كل مافات
واقدم لقلب الغرام اعتذاري
اتعبته بدرب الهوى لين مامات
ماكان يبغى بس هذا اختياري
كنت احسب اهل الطيب فيهم علامات
لكن خدعني بالبراد المذاري
بوحي

[طاري الشوق]

اقرأ كتاب الحب سبعين مره
حتى تعرف اش لون درب المحبه
لازم تعيش الحب خيرة وشره
تعرف ملذاته وتعرف مغبه
اما غلبك الحب في قو سحره
والا طغى فهمك وخليت دربه
بوحي

[طاري الشوق]

اسأل الله الكريم العافية والراحه
واسأله عفوه وغفران الزلل والجنه
واسأله أمن وأمان وعيشة مرتاحه
والحياة اللي على نهج النبي والسنه
بوحي

[طاري الشوق]

اغني له على لحن الغلا ابيات من شعري
قصايد حب لعيون الغرام اللي له لحاله
ترددها قلوب اهل الهووى والعاشق العذري
ويبقى ذكرها دايم مع اهل الحب واجياله
بوحي

[طاري الشوق]

على حروة صباحك ساهر وتاهت عناويني
عسى نورك يشعشع بالفضا للكون والقاني
تـعــال ودلـني درب عــلى شمســك يــوديني
واشـوفـك ياصبــاح طـلته للـقلب عــنواني
بوحي

[طاري الشوق]

كتبت اسمك على دفتر سماي وامطرت غيمه
على قلب قبل عرفك مزون الماطر تزله
معك وسم الغرام الصادق لروحي مثل ديمه
تدفق بالغلا لين الخفوق الضامي تبله
وخدان الحشاعقبك روت من عذب تسنيمه
تبي تحيا العروق اليابسة مادامك تعله
ويكبر بالحشا نبت تسابق به براعيمه
ونبت الخافق الصادق تجي اشجاره مظله
على غصن الهوى طير يرددها ترانيمه
بوحي

[طاري الشوق]

كذا خليتني روض به اشواقي لك مقيمه
تسابق به عيوني لهفتي وتجيه تحتله
ربيع تعشقه اهل النفوس الخضر وتهيمه
على جلسة غلا طابت مع الفنجال والدله
تعال ولك بساتين جناها حان تقديمه
تبيك اشجارها تقطف ورود الكادي وفله
ومادام ان لك وسط الحشامنزال وخيمه
تعال وربع بقلب كتب لك هالغلا كله
بوحي

[طاري الشوق]

تعال نسابق الخطوة ولو ان الدروب طوال
مدام ان الثمن عزة ولاغيرك يخاويني
تعال وخابرك فوق النجوم العاليه نزال
تعال نقسم نجوم السما مابينك وبيني
تعال وخلنا ناقف ولانطرد سراب اللال
ولا نتبع طريق اللي على الصدات ناويني
بوحي

[طاري الشوق]

ياملاك الزين ياسيد البنات
زارعك في الروح في روض الحنين
دام حبك نابت فيني نبات
اقطفيني في الهوى خوخ وتين
بوحي