بروووووق+ ورعوووووود =أمطار

[برق الوسم]

للمشاهده من دون تحميل
تنزيل ملف الفيديو



^^^^^^^^^^^^

اقتباس: ايهماااا تفضل قلمك ام لساااااانك

انا ارى ان الكتابه اسهل من الكلام بكثير ...
وأصل الكلمات ألفاظ منطوقة، وأصوات حادثة، لكن الكتابة تنسينا ذلك أحيانا لدرجة أننا لم نعد قادرين على تذكر كلمة دون أن نتخيل تهجئة حروفها وشكلها الكتابي على الورق.



فالكتابة تكون مفيده في ضبط النفس والتحكم الكامل بالأعصاب وقد يكون أفضل في إظهار أحاسيس يخجل أو يصعب على الشخص أن يواجه بها غيره فهو يكون متأكداً أنه لن يواجه أي صعوبة في المواجهه ويستطيع بقلمه ان يعبر بكل صدق عما بداخله من آهات وأحزان أو أفراح وحب .
.
فهذه الطريقة هي جيدة لمن يخشى المواجهة دائما أو لمن يجد صعوبات عندالنظر لأحدهم وبوح مابداخله من أسرار ...



اما الكلام او التعبير باللسان يكون الصدق فيه أكثر من التعبير بالقلم فهو عندما يتحدث لا يجد متسعاً من الوقت للتفكير أو لمحاولة حساب الكلام الذي سيقوله قبل النطق به ..
فالتعبير باللسان يكون فاضحاً ومميزا في نفس الوقت ..


عاد انا كذا عكس اذا عصبت ماعرف ابد اعبر ولا اعرف اكتب اعض الكيبورد وابدا اخنبق ...

انا عندي الكلام اسهل عشان اوصل اللى بقلبي دايركت

حتى الكلام والكتابه لا تعطيك التصور الدقيق عن العضو وطريقة تفكيره وغالبا ما يكون الكتابة ناقلتا للفكره الاساسية لديك...

يا قلب قلب العناء يالشقاوي
يلي تلاعبك تصاريف الأرياح
تعبت من كثر الأمل والهقاوي
في دنيتاً مادامت به أفراح
دنياً ملاها الغدر والذيب عاوي
وبيوت تسكنها العناكب والأشباح












لا تشتكي من جور الايـام للنـاس


إدفن همومك في ثرى الصمت كله


اسرار عمرك خلها تحت الانفـاس


لا صار هراج القفـا فاطـن لـه


هذاك يفرح لا لمس جرح الاحساس


وهذا يخاوي لا لقـى فيـك علـه


تعيش بالوجدان ما عاش هالراس


لولاك قل لي ويش انا عايشن له؟


ان زانت الايام يا روح لا بـاس

وان شانت الايام ربـك يحـلـه,,,

[برق الوسم]

good morrning





كلمات ترفع ضغط الحريــــــــــــــــــــــم على هالصبح

7
7
7
7
7
7
7أ / انتي ياهيش .. وين شماغي ... ( والمشكلة الشماغ جنبه الله لا يعمينا )


ب / بروح اكشت مع اخوياي ..... ( روحت جدي ان شالله )


ت / تراني بصيف اليوم ..... ( ماجبت جديد متعودة الحرمة )


ث / ثواني وانا عند الباب ..اجهزي ( ولا يجي الا بعد ساعة وهي ملطوعة عند الباب )


ج / جاي تعبان من الدوام منيب فاضي لك .. ( كن مايشتغل الا هو )



ح / حريم مايجون الا بالعين الحمراء ... ( جملتنا المفضلة )



خ / خذي عيالك وفارقوا عني .. صجيتوني ( كنهم مو عياله)


د / دوري احد يوديك ويجيبك .. ( وانت وش شغلك )




ذ / ذاك الصيف مسافرين هالسنة مهنا سفر(وهو يسافر عاااااااااااادي)


ر / راتبك ماطلع يابعدي .. ( توه يجي الكلام السنع يوم جت الدراهم )


ز / زيدي العشاء ترى الرجاجيل كثروا .. ( والعشاء استوى وخلص وشلون تزيده )



س / سيارتي قاضي بنزينها ومامعي صرف .. معك سلف ( رددي ياليل مطولك مهيب راجعتن لك )


ش / شيلي المقاضي شوفيها عند الباب ( ورى ماتشيلها انت يامال الحروال )



ص / صديقي بيسافر برى تراني بخاويه ( خايف عليه يضيع والا وشلون )


ض / ضايق صدري .. ضايق صدري .. كل مادخل للبيت ( وهو عند ربعه فاقن خشته )


ط / طالق ... طالق ... طالق >>>>>> هذي ان خربت الاخلاق عاد


ظ / ظـفي عفــشك وروحي بيت اهلـــــكـ > امحق عزيمه اللي كلها لعب بلوت



هـ / هيه .. انتي >>>>> طبعا هذا اسمها في الاماكن العامة


و / ورى ماتسمنين .. وان سمنت قال .. ورى ماتنحفين ( خير هي لعبة ان رعصت زرار سمنت والا نحفت )
ي / ياااااااااازين هالمذيعة ( ياخي استح على وجهك ,, اللي جنبك قوطي ماتعبره)


وعليكم باللي يرفع الضغط خصوصا هيه انتي >>> لوووول



********



صور اخذته قبل يومين لأعمال مؤسستي


عاد قلت بحط للمؤسسة شعار حصري مثل اللي يحطونه بالدعايات..


مثل >>> استمتعت بالمنظر واترك الباقي لنا


مؤسسة برق مش حتئدر تفرك غمصك !!


والحمدلله الشغل ماشي على خير مايرام وبالحجز بعد ..










نعطيك الاستشارة وعليك الاستخاره..





نعزف سمفونية من الالوان



هنا الغرفة يتم تقسيم الحائط الى عدة الوان


هذه الجهة تسمى الكورنيش






ومن الجهة الاخرى الفل فيت










وان شاء الله بالقريب العاجل بنزل كتلوج بكل الاعمال اللي نشتغلها وبسوي خصم خاص لجميع االاعضاء



^^^^^^^^^




على طاري الدهانات ....يوم طلعت بصلي الظهر واقف عند مسجد بحي البصيريه


ولاه وش اشوف


مسجد صاير لوحة اعلانات >>>






فكرت اجيب العمال واصبغه مادامني طااااافنبهم ..بس وش يضمن لي ان هالمهبل ما يكتبون عليه مرتن ثانية


والله ما لوم اليهود لا هدموا الاقصى ... هنا يتم العبث ببيوت الله ولا نحرك ساكنا >>ما دري وش دخله ..بس احس انه لا بقه على الموضوع ..



ودي ادري وش يحسون فيه اللي جالسين يكتبون >>> يعني انكم مشهورين صديق ابو قلب وح م ن >>>مانقول الا الله يفتح على قلوبكم ..


















عاد انا ما فتشت المصاحف خايف القابهن شين وبعده يجين سكتة قلبيه



^^^^^^^



ألا ياعين لاتبكين عيشي نعمة النسيان
خساره دمعتك تنزل على من لايراعيها..


*******









كل آلأمآكن " فارغه" ما بهآ شيَ
وشلون تملىّ !
لآ فقدنآ " وجوده " ؟!

[برق الوسم]

http://www.islam4m.com/anasheed_show-949.html



طول غيابك
طول غيابك يا نظر عين مغليك
الجرح زاد وصار فوق احتمالي




أسهر وروحي بالليالي تناديك
غالي على قلب شقـــــا فــــــــيك غالــــــي ..



@@@@@@@@@@@

اقتباس: فطييييييييييييييييم قومي ارفعي غداللسلمي مابعد جا من الدوام

ههههههههههههههه ايه والله شغلتها شغله هالفطمي .. لاوالسلمي ..!! عز اللللللله كملت الدعواههههههههه

اقتباس: قومي اغسلي الزوليه حقت غرفة خواتك بنت اختك النوري مزغلتن على المفرش وساح على الزوليه مافضيت اغسلها

ههههههههههههههههههه انواع المعانااااااااااااة .. شي مفروغ منه دائما تحصل مثل هالمشاكل.

اقتباس: فطيم قومي ولمي قهوه والمعاميل لرجل اختك سوير هذاهم بالطريق ولاتنسين تسبحين فصولي تراه يابس من الدوجه بالشمس

اومايااااكثر البنات الي يشيلن هم خواتهن وازواجهن ...



ولمي لهم القهوه ولمي لهم العشاء .. وهي وشششششششش دخلها بهم ..؟

اقتباس: وهذي ماان تحط راسها علا المخده الا وهي باحلام الفارس المنتظر جايها بكرسيدا زرقا و بيده اليمين فواكه واليد الثانيه لحمه ومولوخيه منين ياحسره ذي تحلم

ههههههههههههههههههههههههههههههههههههههههههههههههههههه


ههههههههههههههههههههههههههههههههههههه




يااويلك من السفاره المصريه بالقصيم

اقتباس: لين تقضي المبارات ولا اذن العشى ترسل اخوها لبوفيهيجيب لها شورما وتلطها وتدخل وتنبطح علا سريرها وتفكر باحمد مناور على امل انهاتحلم فيه وبسط الحلم ينط لها رضى تكر وتقوم مفجوعه وتكره الكوره واهل الكوره وهذيحالها كل يوم طايحه بصرعه

هههههههههههههههههههههههههههههههههههههههههههههههههههههههههههههههههههههههههههههههههههههههه




ياحضضضضضضك ياحمد مناور فيه احد يفكر بك ... ومسكين يارضى تكر صرت طنازه عند العالم ههههههههههه

اقتباس: وهي البنت الي ماهنا مناسبه الاحاضرتها ورازه وجهها بكل سالفه وماهنا استراحه ولا رقم محل حلويات الاتعرفه وعبايتها ماتنزل من على راسها مهما تطورو الناس دولابها مليان بنجابيات لانها محرومه من البنطلون تحط حيلها فيهن ولا جا العصر تلاقيها متواعده مع بنات خالتها هيله بملاهي الاسره المتنفس الوحيد لها وهذه حاله اغلب بنات بريده

هههههههههههههههههههههههههههههههههههههههههههههه




ههههههههههههههههههههههههههههههههههههههههههههههههههه




لا وتطنزين على بنات بريده بعد ..عسااااااك تطحين بيدين وحدتن من بريده ...





والله تربطك مع شوشتك بالمروحه وتشغلها على اربعه ... وماتطفي المروحه لين يغدي راسك اصصصصصلع ..





.............................




++++++++++

وش صاير هالدنيا




كنـا نقول للضيف ....حياكـ اللـه أقلـط




صرنـا نقـول..اتصـل قبل ماتجي..!!




@@@@@@@@@@@




كنا نقول حياكم اللـه..الصغير قبل الكبير




صرنا نقول..جنـة الأطفـال منازلهـم..!!




@@@@@@@@@@@@




كنا نطمـح نتخرج..ونصبح أطباء ومهندسـين




صرنا ....نرضى بأي شغلة توكل عيش..!!




@@@@@@@@@@@




كنا نقول .. الأجانب يتغربون عن بلادهـم عشان اللقمـــة




صرنا ....حنا اللي نتغـرب.. وهـم أهل الدار..!!




@@@@@@@@@@@




كنا نقول..الجار قبل الـدار




صرنا نقول..خليك في حالك وأنا في حالي..!!




@@@@@@@@@@@




كنا نقول..الأقارب عـزوة




صرنا نقول..الأقارب عقارب..!!




@@@@@@@@@@@





كنا نجتمع يوميا"..ونسأل عن الغايب




صرنا نجتمع..للتهنئـة أو التعزية فقـط..!!




@@@@@@@@@@@




كنا.... نبـدع ونفكـر ونكتب




صرنا نقول..منقوووووول..!!




@@@@@@@@@@@




كنا ... نرسل بدون ما نستقبل


صرنا ما نرسل إلا للي يرسل




@@@@@@@@@@@




اهدي باقات الورود لكل من يعتز بذاته ويفتخربإنجازاته

والله يهدي العااااطليناللي ينظرون لتميز الاخرين ويمجدونهم بإهداءات وردية






^^^^^^^^^^^^^^



مشكور دخلت السعاده بدنياي ..
وأخذتني من بحر يأسِ عميقي
مديت لي يدك وأنا أمد يمناي ..
ونسيت لجلك كل حزني وضيقي


^^^^^^^^^


الله يتقبل


يوم كان الوفا تحت الخديعة يداس
........................... والغرام آخر حلول الوسط للعشير

كنت غالي وكان الناس حولك نحاس
........................... كنت صادق وكان الكل حولي يغير

ليت الأيام ثلجه ذابت بوسط كاس
........................... كان عودت مع برد العلاقة صغير

[برق الوسم]

ليت آلتعب فيــــني / ولآ فيگ

وليت المَرض غلطآن سآهي ,, ولاجاگ يابرفسور

+++++++

البدر اتحداك تعرف هالبنت اللي بالصوره اذا تعرفت عليه بزوجك اياه ...

هاه عرفته ؟! ,, ترى مامن بعايد انتم تطلعون خواااااااااااااله ..

7
7
7

@@@@@@@@

ااااااخر نصاايح المهتمات بالجمال
\
/
\
/

دعي زوجك يدوس في بطنك ولاحظي النتائج

كيف تتبعي الخطوات التالية :

~*¤ô§ô¤*~عزيزتي حــواء~*¤ô§ô¤*~

زوجك ذوو فوائد متعددة سواءكان زعلان ولا راضى فلاتغضبى من زوجك اذا ضربك وكفخك ,,,

فانتى الرابحة أولا واخيراا

أولا

أثبتت الدراسات الخرطيه فى جامعة سامهابثون الغربيه ان الزوج حين يغضب ويريد كفخك طراقات على خديك قد منحك جمالا طبيعيا ,,, حيث اثبتت الدراسات ان الطرااق (( الكــف )) يجرى الدورة الدموية فى خديك ويورمهن قليلا مما يزيد

جمالهن بدون جراحات تجميل ويعطيهن لون رائع بدون مساحيق فحاولي ان تغضبي زوجك قبل الذهاب الى مناسبة الى ان يفقد السيطرة على نفسه ويرقعك كف يمنحك الرووعه والجمال الطبيعي لخديك..

ولا تنسى عزيزتي حــواء ان تعطيه خدك الثاني لان مايصير خد وارم وخد عادي

ثانيا

واذا اردتى الرشاقة لوسطك ووتصغير كرشك اللى طالعه نص متر قدام..

فعليك تتبع التالي :
نرفزيه و لاتطبخى الغدا ولاتغسلى ملابسه وسوى شعرك منفووش بالبيت والبسي وحطي شباصات بشعرك والعبي مع عيال الجيران حتى تزيد عنده الشحنات ويقوم يدوس ببطنك ..

كرري العملية حسب الحاجه سترين النتايج مذههههله

ستصبحين رشيقة بدوون عملية شفط دهوون
ثالثا

وان رغبتي ان يطول شعرك بمده قصيرة اقعدي عنده بالغرفة وقت النووم لما يكون جاى تعبان واشتغلي عليه من هالسوالف والقرقرة والحنه حتى يتنرفز..

ويقوم يجررك مع شعرك وتطليعك من الغرفة

فانتى الرابحة أولا وأخيرا لأنه بذلك يكون قد شد الريزومات اللى فى شعرك

مما يجعل شعرك يطول 15 بوصه

كرري العملية وسترين الفرق ..

وأخيرا

~*¤ô§ô¤*~عزيزتي حــواء~*¤ô§ô¤*~

لاتخبرى عدوتك على الطريقة لان الكل سيندهش من التغيرات اللي حدثت لك وزوجك راح يرتااح وتخف الحالات النفسية اللي عند ه خاصتا اذا طلع حرته بتس ,,,,

^^^^^^^^^^^^^^^^^

كنّا العرب ، هالحين وين ( حنا )
كـل ٍ يقول : أهـم حاجه / حياتي

هم يحذفونا ( بالصواريخ ) وحنا
نستانس إليا من حذفنا ( جواتي ) !!
.......

**************************

تدري وش اللي حيّر الناس امره
والناس تتسال خفوقي علامـه ؟

اني اشيل بداخل القلـب جمـره
واعطي على كل الهموم ابتسامه !

ههههه وهذا اول دلفين صدناه بالدائري !!

[برق الوسم]

الصوت والاداء والكلمات روعه



حتى الشكل راكب




http://quietube.com/v.php/

^^^^^^^

الله يعينكم يالطلاب ...


من طلب العلا نام الليالي ***وسحب البطانيه وقال انا مالي


خذ الصفر فلا تبالي ***فإن الصفر من شيم الرجالي


دخلت الامتحان بلا تحضير ***فوجدت السؤال الاول عسير


والثاني بلا تفسير *** والثالث كاد عقلي يطير


اللهم قرب ورقة زميلي مني ***وابعد أعين المراقبين عني





























تذكرون ربعنا الخبلان اللي قبل




هذا العدد الثالث من خبالهم










الصور اكثر من العددين اللي قبل خوذوا قشحة هالصور


والباقي بعدين













ونبدأ القصة ....




























































































































































































































































































الباقي بالطريق مرسلينه بالفدكس ....








^^^^^^








قل لليدين اللي تبي لمس يمناك
يديك نامت في يديني وذابت


لا يحترون فراق قلبي وفرقاك
اللي هقى الفرقا هقاويه خابت



_______


الذين يشاهدون محتوى الموضوع الآن : 8 ( الأعضاء 2 والزوار 6) ‏برق الوسم , ‏مُشاكِسْ


المشاكس هنا

اموت بشي اسمه مشاكسه.. ليتك جبت عبقرينوا معك..

لو اعرف من هاللي مطفين النور


ع العموم شرفتوني يا بعد صعارير راسي

[برق الوسم]

لا اعرف ما يحدث لي اليوم؟! ..
ولكني ايقنت انه كلما ارتفع الإنسان تكاثفت حوله الغيوم والمحن ..


فأسألك يا الهى ان تسهل الامر وترفع الهم ..





*




*




*




8




هذولا يذكروني بالمثل اللي يقول لا تجادل الأحمق ، فقد يخطئ الناس في التفريق بينكما ..









باك









































































































































































































































































وبث

^^^^^^^^^^








آصـبر دقيقـهـ
ولآ تـقـآطـ ـع كــلآمـي
[ ارجـ ــوكـ ]
عنـدي كـلام بس خـآيـف
آلـرد حـســآس
..|| قـلـبــكـ ||..
هـو يهمـهـ غـرآمــي..!؟
ولـآ مـجــرد شـخــص .. مثل هـ ـآلـنــآس..!



^
^
^
^





الكثير منا لا يحبذ أن تكون عليه سلطه ويريد ان يتصرف على هواه ..
فعلم يا عزيزي أن تكون فرداً في جماعة الأسود خير لك من أن تكون قائداً للنعام






________________


اللي فيه خير يقط الرقم ..






Farewell friends

[برق الوسم]

عندما اقرأ للكثير من الاعضاء ومع ارتفاع وتيرة نقاشهم اجدهم مصنفين على ثلاث مستويات مع اني لست من المصنفين والمحكمين فالعقول الكبيرة تناقش الأفكار... والعقول المتوسطة تناقش الأشياء... أما العقول الصغيرة فهي التي تناقش الاشكال وهيئة الشخص ..


فلن تستطيع أن تمنع طيورا أن تحلق فوق رأسك ولكنك تستطيع أن تمنعها من أن تعشش فيه


*****************




لا يبدو إنه من الفطنة إثارت مواضيع كهذه إنتفت الحكمة من وجود سبب لها مثل رضاعة الكبير حتى ولو سمح بها في وقت الحاجة أو الخاص او كان هناك ظروف خاصة بها على سبيل الرخص الخاصة وكان الاولى الإجتهاد في كل مايستجد في هذا العصر مثل تحرير الرق وإشكالية النقاب وتغطية الوجه وصناعة الحليب الذي يتشارك في شربه جميع أطفال العالم ومسائل جديدة مثل صناعة الخلية ونقل الاعضاء والدم والتحول الجنسي وعلم مافي الأرحام وإنزال المطر الصناعي والتناحر المذهبي والطائفي واثارت النعرات وأزمة الإقتصاد العالمي وحرية التعبير ..هذا مايجب مواجهته وإيجاد الأجوبة لتلك التساءلات الملحة!!




المعازف تحرم وتستثنى لام كلثوم والاغاني لا يجوز سماعها الا اذا كانت بصوت محمد عبده ..!!


تناقضات عجيبة والفتوى تصبح ذات ابعاد اخرى يصعب تفسيرها وكأن من افتى بها اطرب نفسه لدرجة انه لا يستطيع صرف مسامعه عنها ..


وبعدها اصدرت فتوى ان التمثيل والغناء بنية الترويح جائز « وان التحريم المطلق سواء في التمثيل أو الأغاني غير صحيح، والإجازة المطلقة كذلك غير صحيحة، و يجب أن يكون الأمر بالوسطية في كل شيء وتحليل العرضة النجدية والخبيتي والسامري والمزمار الحجازي ...




هل الشيوخ يقرأون الكتب ويقولون مافيها بدون نظر وبدون قراءة للواقع ومتطلبات العصر و الخلل في الحكم بعد قرأة حديث او اثارة مسألة دون النظرفي ابعادها ؟!




في زماننا فقه الواقع مغيب تماما في هذا الزمن الرديء


وهنا اتساءل ماذا لو امتدت الفتوى إلى الارث أي انه يرثها ما شعورك كرجل سعودي وزوجتك ترضع سائقها ؟!


لستم بحاجة ان اذكر صاحب االفتوى لان من قام باصدارها جعل له صيتا وشهرتا واسعة بعد ان تم مناقشتها في اغلب المنابر ..>>>> هذا ما توصلت اليه بعد طول تفكير وربما هو االسبب الخفي لأثارة مثل هذه المسائل ..



^^^^^^^^^^


هاجس الاختلاط لا يزال مستمراً

فتوى إرضاع المرأة للرجل الأجنبي الى الواجهة بعد ان أثارت غضب الرأي العام في مصر والدول الإسلامية خلال عام 2007. وجاءت الفتوى الجديدة من قبل رجل الدين السعودي عبدالمحسن العبيكان الذي أكد أن الأمر حلال...أعاد رجل الدين السعودي عبدالمحسن العبيكان فتوى أحدثت ضجة سابقاً حول إرضاع المرأة للرجل الأجنبي في محاولة للتغلب على تحريم الخلوة والاختلاط، وهو أمر رآه سعوديون أنه يندرج تحت استحلاب الكتب والفتاوى القديمة للتغلب على التسارع الكبير في نواحٍ مختلفة في المجتمع السعودي وخصوصاً النقاشات والجدل المتواصل حول الاختلاط. وأتى تأكيد العبيكان بشأن إرضاع المرأة للرجل الأجنبي أنه حلال ولا شيء فيه وأنه ليس أمراً خاصاً بأفراد معينين وردت قصصهم في كتب السيرة النبوية، جعله يتلقى العديد من التهم بأنه يحدث جدلا بين المسلمين بمثل هذه الفتاوى، فيما يرى باحثون شرعيون صحة فتواه استنادا إلى أحاديث نبوية وكذلك فتاوى ابن تيمية التي تؤكد صحة الأمر.وقال العبيكان في حديث لإحدى القنوات التلفزيونية إذا احتاج أهل بيت لرجل أجنبي يدخل عليهم بشكل متكرر وهو أيضا ليس له سوى أهل ذلك البيت ودخوله فيه صعوبة عليهم ويسبب لهم إحراجا وبالأخص إذا كان في ذلك البيت نساء أو زوجة فإن للزوجة حق إرضاعه


واستدل العبيكان بحديث عن سهلة بنت سهيل امرأة أبي حذيفة اللذين تبنيا سالما حين الصغر حيث قال ولما كبر نزلت آية تحريم التبني فذهبت إلى الرسول صلى الله عليه وسلم و قالت: يا رسول الله إن سالما يدخل علي وهو رجل وفي نفس أبي حذيفة منه شيء فقال رسول الله صلى الله عليه وسلم أرضعيه حتى يدخل عليك المعبي رأي الرسول لا يعمم عن هذا الأمر قال الشيخ أحمد المعبي إن تعميم فتوى إرضاع المرأة لرجل كبير هو مرفوض وأن الحديث الذي استند إليه العبيكان حالة استثنائية،

وأضاف الإرضاع لا يقع إلا في الحولين الأولين و في العامين الأولين من حياة الطفل وما دون ذلك لا يقع بإجماع الأمة حيث قال الله تعالى {وَالْوَالِدَاتُ يُرْضِعْنَ أَوْلادَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَةَ} ‏‏البقرة‏:233


وعن صحة الفتوى من عدمها شدد المعبي على أن ما أفتى به الرسول صلى الله عليه وسلم حالة استثنائية لا يجوز تعميمها على الجميع ولا يجوز الأخذ بها في كل زمان .



الفوزان شرب الرجل حليب المرأة أكثر عصرية من الرضاعة بدوره،

طالب الدكتور عبد الله الفوزان في حديثه بوجود أجهزة مبرمجة للرجوع للفتاوى القديمة وان كل شيخ حين يفتي لابد أن يفتي باجتهاد منه بما يواكب العصر وعلى من يريد فتوى قديمة أو ثابتة أن يعود لذلك الجهاز،

وتساءل الفوزان لماذا يتم الفتوى في رضاعة المرأة للرجل الكبير بهذا الشكل ولا يتم الحديث عنه بشكل أكثر عصرية وهو شرب الرجل لحليب المرأة..


الشيخ: مطلقو هذه الفتاوى مفلسون عقليا!

ورفضت الكاتبة السعودية حصة الشيخ هذه الفتوى جملة وتفصيلاً وشبهتها بالشيء المقزز البعيد عن الحلال والحرام وأرجعت السبب وراءها إلى تأزم العلاقة بين الرجل والمرأة في السعودية وتساءلت في حديثها كيف لامرأة عاقلة أن تقبل أن ترضع رجلا كبيرا في الوقت الذي لا تتقبلها النفس لا إنسانياً ولا عقلياً فهذا التصرف قد يكون له ما يبرره سابقاً هذا إن كان الحديث صحيحا ومنقولا عن الرسول وإن كنت أشك في ذلك.


وانتقدت الشيوخ المطلقين لهذه الفتاوى حيث قالت: إن كثرة الفتاوى تتم عن إفلاس فكري وعقلي للقيمة الإنسانية للرجل والمرأة بحيث يجتز تنظيم هذه العلاقة من تراث يفصلنا عنه ألف وأربع مائة وثلاثون عاماَ فرجال الدين لدينا يفتون ويؤججون ما لا يستحق وهم موجودون بيننا ويعيشون واقعنا الذي نعيش فيه، لكن المهم أنه من الخطأ أن نعود لتراث ولفتاوى قديمة لأخذ نص فتوى صريح لا يتناسب مع عصرنا ولا جدوى منه ولا يتناسب مع حياتنا الحالية من مشايخ يعيشون معنا لكن في زمان غير زماننا.


وختمت حديثها الحجاب كاف فلماذا التعقيد وتحجيم الأمور والإكثار من الحديث فيما لا طائل منه

وكانت فتوى إرضاع المرأة للرجل الأجنبي أثارت الرأي العام في مصر والدول الإسلامية في عام 2007 عقب فتوى الدكتور عزت عطية رئيس قسم الحديث في كلية أصول الدين في جامعة الأزهر بجواز إرضاع المرأة لزميل العمل منعاً للخلوة غير الشرعية، والتي هاجمه بعدها الكثير من أهل الدين والاختصاص رغم تأكيده أن الرسول هو من رخص بذلك الأمر وأكدته كتب ابن تيمية وأوضح آنذاك أن الكثير من الأشخاص ينظرون إليه على أنها عملية جنسية وفيها تحريك الغرائز.




********





يا ذا الزمن وش عـاد باقـي بالأعمـاق !
أنطـق .. بس .. لا تخلي القلب مكسور
أتعبتني / و أرهقتني / و الصدر ضـاق !
و خليتني مـا بيـن ضايـق .. و مقهـور
أكبر قهر لا مـن شكيـت بـالأوراق . !
ارجع / يمديك/ لا تزيد بالجور . !
تدري .. وش اللي يجعل الكبد .. حراق!
لا صرت في / فكر / العاقلين مخذول..

[برق الوسم]

اقتباس : رزة مرتزة

اقتباس: مدووونة أحد الرووس الكبر هونـــآء لاشفته مرتفه بديت اتثــآوب

ههههههههه من تقصدين يالمرتزه يالله اعترفي احسن لك تحسبينن ما شفتس >>> اوما احد الروس الكبر والله لو اني من زعماء المافيا >>> وش به راسي بسم الله علي ؟!

مدونتي ليته ماتكون مرتفه ابد مادري وشي ذي ... هالوقت خلك بالطمااااااااان وعساك تسلم هع

اقتباس: صدز تجييب النوووم--<تقل مغصوووبه

هههههه بلاووووووه من الراحة النفسية والبرادات اللي به والامان اللي ما شفته باي مدونة اخرى >>>>وش عرفك انتي

اقتباس: بس الصراااحه ودي يقتبس اسمي ويرحب بي بس مابي شي ثاني

يؤؤؤؤ والله انكم ظلمتون >>> هذا وانا ما قلت شي وتارك المنتدى بخيره وشره ومالي الا هالمدونه اللي جالس اشخبط به وما سلمت والله اني يحووووول !!
الحق معك ..

كل ما بالموضوع اني ما بي احرج احد لا اكثر ولا اقل وربي ان هاذي كل السالفه



ياهي قويه هالبنت خفي علينا اشوي وطقتك بالراس توجع

اعتذر لكل من مر هنا >>تأدب الولد

مرتزه هلابك وغلا برجعتك يالقطوعه ...


والصدزه كم من المرات اتذكر اعضاء بالمنتدى واطريهم بالخير


حياك الله مرتن اخرى واخرى

وارجوا انك ما تزعلين علي وانا اخوك >>>هههه يله مناك اللحين تكل واثق انه هو



*******


اللذين يتنصتون على الموضوعالآن : 5 ( الأعضاء 3والزوار 4)

ملكة بعز الخوالد ‏برق الوسم , ‏X 7oor S3od X



وخروا اشوي بتشقلب معقوله حور سعود وملكة هونا.


هههههه
اقلطوا العشا فول ومكرونه يصلح للدوافير اللي عندهم امتحانات !!




حور وملكه مشكووووووووور على مروركم .. ويكفي وجودكم انتم وباقي االاعضاء.

[برق الوسم]

وان احد يعيرني طرش البحر ….تراي سعودي orignal .… عيروني الاطخم __ القشطه اي شي اي شي

عندما كنت صغيرا يافعا …. كنا رايحين جده … اول ماوصلنا البحر لبست لبس السباحه حقي وهو عباره عن بربتوز طويل … وجيت كافخ بين هالعالم امشي طبلوني … والبني يصايحون ويصفرون … مهوب مصدقين اني سعودي الي تقول والله انه امريكي والي تقول اتحدى والله انه ولد شوام … والحريم يتحسبون على ابوي يقولون حسبي الله عليه مايخاف عليه ينطل او يسرق … ما شاء الله عليه تسنه بنيه … … وما دريت الا البحر قدامي … وانا الي اصرخ وسع ياولد وسع ياولد ...

وانا الي اطمر واطب بين الي يسبحون … يوم شفت البحر هايج ضيعت اللي تعلمته بالبانيو

وانا ما اقدر اقف من الحصيان ….

وتشققت رجليني و قعدت اطافش ادور شي اتمسك به… وما دريت الا بذيك البنت الي تقول لنورمان اسعد يالعبده … طبت بالعابيه علشان تنقذني ….


وهي الي تتصني مع يدي وترصني بقوه معاد قويت اتنفس بغيت اموت !!

وهي ما صدقت خبر وقامت تسبح شوي شوي … يوم وصلت جال البحر وحطتني … قالت لازم اسوي لك تنفس صناعي جا ابوي…

وسحب البنيه مع شوشته … وقالها وش تسوين … وانا الي اطمر … وانا اصيح يبه اشونك جيت …والبنيه ياعمري بهدومها ماتدري وش تقول … وخذني وراح بي للسيارة… وانا شارب نص البحر…. وما امداني اقعد في على حيلي الا خفر السواحل جايين يدوروني وينه وينه …


قال ابوي خير .. قالوا ولدكم شرب نص البحر ولازم يرجعه الدعوى مهيب فوضه … قال ابوي وشلون نرجعه … قالو يطرشه والا يسوي به أي شي … وتجمعوا علي المقرد

حتى عيال خالتي يقولون طرشه … والتفتت ابوي علي وهو حمقان شارب نص بحرهم ياللي ماتستحي على وجهك…


طيب شغلك عندي … وجاب شنطة العده وانا انتفض وانتفض عارف اني رحت وطي … وفتح الشنطه … وانا ادعي يارب انه ماجاب الي في بالي …


يوم فتح الشنطه مالقى الا مسدس فرحت وانبسطت الحمدلله …


طلع المسدس وحطه على جنب .. وشفت قماش في قاع الشنطه ووخرته … … يوم فتحته وانا الي اصارخ التوبه التوبه خلاص خلاص والله ما اتعودها …

طلع علي النعلة النايلون مقاس 39 … وانا اصايح خلاص التوبه والله معاد اشرب بحرهم…يوم شافو حقين الساحل الدعوى وصلت للنعلة وشافو صياحي رحموني وتطلبو ابوي خلاص معاد نبي شي ….

ولكن ابوي مسكني بطرف بربتوزي ورفعني بها الين وقفت … والبربتوز وصل نص صدري … والبني قامو يصايحون واغمي على بعضهم …

وبدا ابوي يدور في ظهري مكان فاضي للأرقام الجديده …. وما لقى الا في العلبا … وبدت شغله العالم يعدون 39 … 3939 ….. 393939 … وابوي يصايح طرش بحرهم … طرش البحر طرش البحر … ومن عقبها عيروني بطرش البحر




ـــــــــــــــــ
ـــــــــــــــــ








صرخة عجوز .. يجاوبه .. دمع أيتام ....!
وحنا .. العرب .... فينا ... الرجولة .... ( قليلة ) .............!

جروحنا .. من كثرها .. مالها ... أرقام ..
يقطع .. حياة اليوم .... ياهي ... ذليــــــــلة .....................!

يـ المسلمين .. وأنا أدري .. العمر مادام ..
لو .. دام .. ماقفـّـا .. عن العزّ ...... خيــــــــــله ...............!

لكن حسافة .. راحت أعوام .. وأعوام ..
وصرنا .. حكاية .. 1000 ليلة ..... وليلة ..................!



____________


الذين يشاهدون محتوى الموضوع الآن : 4 ( الأعضاء 3 والزوار 0) ‏برق الوسم , ‏الفلته 9 ‏آلـأنس ‏لـمـيـا

هلا والله وغلا يا الفلته
عطرت المدونة بطلتك لا عدمناك

ماشاء الله ...

اقتباس: الله يآخذ شركة الاتصالات الحراميه عيال الكلب ياعيال الكلب شكلي بلغي رقمي كله وأروح لموبايلي ولا زين ياحليلهم أو ع الأقل أستخدم بطاقات أضمن لي !

ههههههه والله يانت شايل على هالتسلابه !!



يارجال هذا صعروري اذا فكوك >>لي اربعة شهور وانا اقولهم فكو قيدي ما بيكم.. اكرهكم يالوعيييييين وما طلعت بنتيجه ..

وربي مهدوره حقوقنا بهالبلد وبازين بنا بحقوق الانسان..
رفعت شكوى كلمت واسطات بس الطمع اقشر وانا اخوك
مصمصونا وعرمشونا ولا حولك احد

اجل سعودين انسرقوا بسوريا وراحوا للسفارة قالوا لهم خوذوا 500 ريال ودبروا اعماركم يوم دروا عنهم السفارة الكويتيه ويسكنونهم بفندق على حسابهم..

والله العظيم افشل احيانا اني سعودي


الفلته لك فقده ووحشة يازعيم ..

الله يعطيك العافيه وتقبلي مروري المتواضع ..!! >>>يووه نسيت انه مدونتي ..

قصدي تشرفت بمرورك يالفلته تسلم لي ياابضاي

الماس
حياك
يا هلوات بالمرور

غدين اقفل المدونه>> الماس مرتن وحده


لميا

هلاومسهلا.. لميا طارق ماغيره !! وش جديدك برمضان الجاي؟!

ولا فجر السعيد بعز شبابه..

شرفتوا مير الله يعدي عنكم ويعافيكم

[برق الوسم]

مبروك للناجحين وهارد لك للي رسب

الف مبرووووووووك للعضو العزيز عبد الله الفقير بمناسبة زواجه وذلك يوم الاحد القادم بقصر الرصافة

اتمنى له حياة زوجيه ملؤها السعادة والرضا ..











عبود بارك الله لك وبارك عليك وجمع بينكما بكل بخير


^^^^^^^^^^^



بعطلة الاسبوع ومع ان عندي دوام جيت طيران لبريدة عشان حفلة الناجحين >>> ما اذكر ان به احد سقط من يوم توظفت

وتعرفوني لازم اطق صور واغطي الاحداث لكن نسيت الكاميرا بالرياض وقلت هالمناسبة ماتفوت والله وامسك جوالي وخذ تصوير ومقابلات..

الصراحه المشاركين مسوين مهرجان بريدة وناسة مصغر اشوي .... معارض واكلات والعاب !!

والشغالات يوم خلصنا من العشاء حلتن الصحون بالملعب الصابوني وقامن يغسلن ع بالهن طشت ..


نروح للصور والمشاركات..



يؤؤؤؤؤؤ وين راحن ؟!!


بروح احملهن وراجع



الذين يشاهدون محتوى الموضوع الآن : 5 ( الأعضاء 2 والزوار 3)

‏برق الوسم , ‏سبـيـعـية هـيــبــة





هههههههههههههههههههههههههههه



سبيعيه هيبة هلا ومسهلا




الحمد لله ع السلامة




صدق اللي سمعته .. سمعت انك فتحتي مشغل نسائي ؟!




وانه احترق الاستشوار بشعر قريبتك .. هالمسيكينه على بالها بتوفر ولادرت ان شعرها بيصير واقف تقل عسيب نخله ..



وانتي ماعندك مانع يقالك انك محترفه بترتيب الشوووش ..؟



مفروض يخلونك بالبدايه تتعلمين على رووس العجز .. جدايل وفرقات لين تطورين ههههههه





والله ان الشغل بالصيفيه زين خاصه الي ماوراهم لا سفريات ولا شي


اقل شي تستفيدين بس لا تتوقعين ان زباين المشاغل مثل قريبتك بيخلونك تتعلمين على روسهم هههههههه .



الله يعطيك العافيه على مرورك سبيعيه توه ماتولع المدونة واعذرونا على الغبرة واللمبات المتكسرة تراي من زمان عن المدونه !!..

لا تقطعون


اخليكم اشوي مع هالقصة لين ما نلقى مركز تحميل ..


******




طربق طربق طربق طربق طربق ...واخذ فرسان الجيش الجـرار بالتقدم متخطيآ الجبال والتلال والوديان آكلين الاخضر واليابس متجهين نحو الحصن لمهاجمته

من عصر اليوم الثاني من شهر اغطس وطس نوفمبر حزيران تشرين من عام 567هـ

وعندما توقفت الصفوف الاماميه على حدود اسوار الحصن العاليه بأنتظار اكتمال وصول باقي

صفوف الجيش الهائل بفرسانه واسلحته ألتفت قائد الجيش نحو كبار مساعديه وهو ممتطي صهوة جواده الاصيله بوجهه الشاحب و شفتاه اليابسات وبعدما ترجل وقام يخطط

لهم بالتراب مشيرآ لهم كعادته السنويه أيده الله ورعاه بخطة محكمه ذكييييه لأقتحام الحصن فلما لا يحكم الخطه وهو القائد المحنك سطل الدين متقرووش الملقب بـ( من جمبها )فهو أبن الفارس والقائد الفذ لمبة الدين اصطويسي من الرضاع ..
فحسب الخطه .. يلتف الجيش على الحصن و يتشعمط مقاريد الجيش سور الحصن و اما من يسمووون بالرماه فعليهم الرمي العشوائي استقصادآ لاي واحد يويييز عليهم

من نوافذ الحصن و نحاف الجيش( العصلاااان )ممسكين بشنطة البرشوت و يوضعون بالمنجانيق ويرمونهم لداخل الحصن محاوله لفتح ابواب الحصن لسماح للجيش بدخول

الحصن وبعد ثلاث ساعات اكتمل ألتفاف الجيش على الحصن و تأهب الفرسان لأشاره او حتى غمزه من الاسد قاهر الاشاوس سطل الدين قاهرهم وانتظر الجيش وهم

محاصري الحصن لثلاث ايام حيث ينتظر الاخ سطل الدين تحسس اااااي حركه من داخل الحصن حتى يأمر جيشه بالبداء بالهجووووم . وبعد ان أمضو اسبوعين وهم لم

يلاحظو اااااي رمسه او حركه بالحصن ..أدرك سطل الدين بحنكته و فطنته ودرايته وخبرته ان اهلا لحصن بركودهم وصمتهم انهم قد اعدو انفسهم بالاكل والشرب وانهم

سيستمرون بالصمود ..ولاحظ ان اكياس الارز والدجاج بدت تنفذ من جيشه !! وزادت اوزان افرادالجيش .!! ولم يبقا من قوت الجيش الا الشابوره والاندومي !! فقرر


الفارس سطل الدين بأن يخدع اهل الحصن و ينسحب ويعودو الى ديارهم ويزدادو بالمؤنه والغذاء ويعاودو الكره مره اخرى .


وبعد اسبوعين من الحصار الغير مجدي انسحب الجيش في يوم ستر داااي من شهر هلا فبراير من عام 896هـ .وعاد أدراجه مشتاقآ لدياره ومن سكن الديار ..



فرح الناس واحتفلووو بعوده ابنائهم وهم بخيييييير ( عشانهم خابرين ان هالسطل مابراسه الاالدجه لابوه لابو جده )من بين الفرحيين بعودة الجيش شخص يدعى صويلح المخفه المكنىبـ (ابو راس )<< ماله دخل بالجيش ولا يعرف احد معهم بس مع الخيل ياشقراء !!





فصويلح شخصآ طويلآ مربعآ متينآ اذا قابلك كنك قدام كششك ذره بالثمامه



و اكبر مافيه يدينه و أذانه الي كنهن مضارب تنس ورجلينه كلهن شطوب و ذا راس كبير تقل صندوق بردقان و شعره يبدا من نصف راسه ووجهه مخوش و كويات



وشخاميط كنه بطاقه شحن ام عشر تريل ولا له شغل بالحياة ماغير يسرق و يبيع اااااي شي يطيح بيده


ماسبق ذكره بالعاميه فقط لأيضاح شكل صويلح ..




عندما خمل الجيش وتكاسل من كثر النوم و الظاهرجاز لطويل العمر سطل الزمان المواااصل ونوم النهار مثل بعض الناس



تحركت مطامع الاعداء بالنيل منه ومن أمبراطوريته الممتده من حدود بنقلادش الشرقيه الى طريق خريص



واحتار الاعداء بالوقت المناسب لمهاجمته واغتياله !! وتكمن المشكله ان الناس بالنهار صاااحين وهو نائم !! وبالليل العكس حيث يدير امور امبراطوريته وهم نائمون !!



وفي ليلة اليوم الثامن من نهاية صيفنا مع ربعنا احلى من سنه 453هـ .. أستعدت زمره من الارهابييين لقتل الامبراطور سطل الدين متقروووش



وخططو للوصول اليه بقصره الدبلكس ليلآ فكان لهم ماكان و تخطو كل الحواجز الامنيه والتفاتيش وكاميرات ساهر خلسسسسسه من غيرمايحس بهم احد حراس قصره..


يتبع

[برق الوسم]

الذين يشاهدون محتوى الموضوع الآن : 3 ( الأعضاء 2 والزوار 1) ‏برق الوسم , ‏ŋŌuƒ


لحظة بتهجى

صباح الخير يا اللي اسمك ممطوط عحزت لا اقراه
ودي اسمي يصير حركات مثل تسذا ..
آآآآآآه يالواسطة بس كان احط تحت معرفي احاسيس متبعثرة ووردتين بجنبهن

حياك الله ياللي للحين ماعرفت اسمك انت وباقي المتواجدين لا عدمناكم..


اخيرا خلصت .. ياكافي ما عمري دخلت مركز تحميل الا ويقفلونه..


نبدا الاحتفال من وين امممممممممممم



هاذي المشرفة على قسم الالعاب >>ياهي كسبت من هاك الليلة





الملعب الصابوني والبزارين فالينه وما غير يتاغرون من الصابون >>>حاطين لهم اغلى صابون بعد ..




بائعة متجولة في احد اركان المعرض >>مسؤلة العصيرات




الاكلات الشعبية كانت حاظرة>>>ياوسع صدورهن البنات




بائعات يعرضن بضايعهن >>> خلصن علينا الغاز ..






كرسبي وبليلا وعسكريم راحت فيها المعدة





قسم الهدايا والعطورات




ياحليله طاااااار وتشقلب ومد يده عندي يعني تراني ناجح .. يبين اعطيه من الدراهم
قلت بعطيك بس ابي وجهك اشوي ههههههههه




قسم الكوفي والكبتشينو >> راح فيها سبريسو




المسبح والالعاب المائية >>> توهقنا الا يبون دلافين ..



عجزت لا اصور الكتاكيت كل ماظغطت الزناد بصورهم سكروا عيونهم من الفلاش







لكن لقيت الحل اخيرا

8


8


8


8


8


8

يا حلاته .... وه فديت قلبه تروكي جالس اتعلم على وجهه ولا عمره قال شي








&&&&&&&&

باااااك بكمل القوووووصه





ومن عادة الفارس سطل الدين متقروووش كل ليله ان يفرش سفره فيها مالذ وطاب من المأكولات والمشروبات الروحيه الساخنه والصاتزعه


ويأتي بخمسين من الجاريات فأقات الجمال ليكحل عيناه ويستمتع وهن جلوسآ من حوله يهفوون عليه بريش النعام ويقشرون له الموز والتفاح ويوكلونه الاندومي ( بشوكه )
ويحضر المغنيين والراقصات يتغنجن ويرقصن امامه << والله لو انك راشد بسهرات وناسه

أنتظر المهاجمون بممرات القصر متراقصين طربآ ويطقون رقبه لحين ان يثمل سطل الدين والسهاااار ويسهل قتلهم
..
وهم كذالك حتى أقبل عليهم شخص طويل متين وهو يرركككض حافي القدمين ويحمل على راسه اسطوانه برتقاليه !!

فهرب الارهبييون بالاتجاه نفسه نحو احد الغرف المقابله !! ومالاهم الا ان اقفلووو على انفسهم الباب خوفآ من الذي فضح امرهم !!

سمع الحراس مايحدث واتجهو نحو الصوت !! الا و صاحب الطول والهامه يردح الباب برجليه ويديه !!


تجمع الحراس !! وأخبرو سطل الدين متقرووش بما حدث واحتشد الجميع عند هذا الرجل التففففخ !!


الا وهو صويلح ومعه اسطوانه غاز !! عندما شاهد الناس احتشدت من حوله طاح مغشيآ عليه من الخوف



حمل الحراس صويلح .. واقتحمو الغرفه وقبضو على من بداخلها
اعترف الارهابييوون بمخططهم وانهم هربو للغرفه خوفآ من من هاجمهم ..


افاق صويلح من غيبوبته وفتح عيناه على ابتسامه الامبراطور سطل الدين وقال له .. احسنت احسنت انك لرجل مامثلك


ورجال شهم وشجاع وانت انقذت حياتي وانقذت امبراطوريتي..


وأمر وزير الماليه بان يصرف له اربع صرر دراهم وان يعطيها ارض على ست شوارع وبيت بشمال الامبراطوريه

وان يتنقى مايشا من الجواري .. واعطاه وسام سطل الدين من الدرجه الاولى
وأدخله لخزينة ذهب الدوله وقاله اقحششش الي تبي من الذهب .. وعاد اخونا بالله ماكفاه الي جاه وقام يعبي مخابيته من هالغوايش والاساور و .... الخ



وعلى هذا .. قاله من شجاعتك سأنصبك الفارس الاول بالجيش
مافيه احد سوى سواتك ..؟؟


واذا انتصرنا سأزوجك ابنتي كرمبه صاحبه الدلال والمال والجمال ذات العيون الكحال (يقصد الحوال)


كرمبه سطل الدين .. عصصصصلاااااا عيونها متقدمات تقل انوار وايت وخشمها مفتر تقل عروة باب مصدي وحواجبها طاقاتن شعرها طالعاتن تقل مساحات جمس


ماذكر بالعاميه .... الخ << نفس ماذكرلصويلح

خرج صويلح من باب القصر وقد وهبه سطل الدين ثلاث جواري حسنوات وسيف بتار مسلول وفرس عربيه .

و معبي مخابيته من الذهب و معه اربع اكياس معبيهن مما يشتهي ( برنقز وجالكسي و كت كات وحمضيات )


حيث نسي هااااالمفهي انه قد دخل مطبخ قصر الوالي سطل الدين ليسرق اسطوانة الغاز البرتقاليه !!


وعندما سمع صوت ابريق التفويح هرررب مع ممرات القصر وصادف الارهابيين وحدث ماحدث

ادخل على امه الجواري والاغراض ولم تصدق ان هالدلخ يجيب لها شيولا .. حتى لو قوطي تونه !!

و اخذ الحصان وربطه ببرادة المسجد وقعد يفرررركه ويغسله حتىالفجر<< حركات مقضمين


وماغير دورااااان بشارع القراطيس و الاسود
بعد اسبوع اشار سطل الدين للجيش للاستعداد لمعاودة الكره والهجوم على الحصن

و امر الفارس الجديد صويلح بان يستعد وان يظهر شجاعته حتى ينال الزواج من كرمبه
زحف الجيش الذي اوله مايشوف اخره نحو الحصن يتقدمهم المفهي الخامس عشر
و المستشار الاول لسطل الدين .. الفارس المقدام صاحب النظره الثاقبه المخربها صويلح الدين<< والله لو يدري انتووجهك انك ناوي تسرق اسطوانة الغاز ان ينتف رموشك و حواجبك


تقدم الجيش نحو الحصن .. ومكث الجيش قرابة الثلاث ايام ولا جديد بالحصن !! لا داخل ولا طالع !!

وسطل الدين الملقب بـ ( من جمبهااا ) مخييم ومعه صويلح الدين
و بشق الحريم موجوده كرمبه سطل الدين وكل شوي توييييز على صويلح عشان تغرييه وتحمسسه عند ملاقاه الاعداء << سياسه حروب وش علمكم انتم ..؟


احس احد افراد الجيش بان احد ابواب الحصن قد فتحت ليلة البارحه بينما كان الجيش نيام !!
ومن بين مشكك و متأكد !!

وبعصر اليوم التالي سمع الجيش خترشه عند اكبر ابواب الحصن !!

وتجمع كبار الجيش واهمو بالاستعداد للمواجهه ..
رماة الرماح .. والفرسان كلآ و سيفه و درعه .. والمنجنيق .. والي ماسك سيفه والي ماسك حصاة والي ماسك نعلته الله يكرمكم


ويترقبون ..لحظات حتى فتح الباب بقووووه
وخرج باكستاني يشد حبل سرواله !!!


وطاااااح صويلح الدين زي العاده مغمي عليه من الخوف وانحااش الجيش اولهم الدمعه اااقصد الفارس سطل الدين متقروش !!


وخرجت سيارة دينا كبيره يسوقها سوداني تابع لاحد مؤسسات نقل العفش لنقل عفش اهل الحصن لحصن جديد..

وماكان الحصن الا مغبر وفاضي من ست طعش سنه

وصحى صويلح من شدة الحررر .. ويوم فتح عيونه الا وهو نايم واهله مطفين عليه المكييف حتى غصب يقوم
واخذ كتاب التاريخ يكمل مذاكرته لاختبار الدور الثاني .


ههههه يالله شدوا حيلكم بالدور الثاني


^^^^^^



لو شفـت حالي .. كيف عايــش بلياك ..
تبكي على حالي وتكـــره غيــابك ..
سولف لي عن غيبتك وشلون دنيـاك ..
عســاك تضحك والحزن مادرابــــــك ..
لامر طيفــك قلت اقلــط وحيـــــــاك ..
وســـط الفـــؤاد اللي هواك وشقى بك



I will be miss you

[برق الوسم]

حيا الله المعطلين ..


تبي تعرفون وشلون تخلون اجهزتكم سريعتن وطايرتن مره ولا كنه هايلكس ماسكتن شارع الثمانين:
اتبع التالي..
اذا كان اليوندوز بتاعك اكس بي <<< عاشو الحجز

من قائمة ابدا رح لتشغيل واكتب prefetch ثم ارعص موافق رعصتن قويه راح يطلعلك ملف احذف كل اللي فيه

والحركه الثانيه انك تروح ابدأ
ثم لتشغيل واكتب temp وارعص موافق واحذف كل اللي تلقاه بالملف<<< هذي الملفات المؤقته للأنترنت

وبعدين كثير من الاجهزه تشكي منكم يا مجرمين

اهم شي لاتحمل من هالبرامج بدون داعي

وحاول انت وياه انكم تحذفون الملفات المؤقته دايم


عشان تظل سياراتكم يؤ يؤ قصدي كمبيوتراتكم سريعتن ومزركشتن

وخفيفتن مره ,,,




********

اقتباس: ياطويلين العمر وانا توي بالنفاس كنت من المغضوب عليهم جالستن بغرفه لحالي انا وبنتي تقل سكن كلن يهج عنا تهيئ تهيئ تهيئ

هههههههههههههههههههههههههههههههههههههههههههههههههه ههه


ههههههههههههههههههههههههههههههههههههه

الله يكون بعونكم ..

عاد بعض الحريم بالنفاس انواع الفقشش والتمثيل ..

تتمشى ببيتهم واذا بيزورهم احد .. طاااااارت وتشقلبت على السرير .. يعني تراني مرررررره متدهوره اخر شي ..

وخذ من هالهدايا والقهاوي واللي يلفزون بمهاد المولود من الدراهم و .... الخ


اوما الحلبه و ريحه مدري وش هن ياكلن .. ... والظاهر المسيكينه تصير تقل بمختبر تجارب خاصه اذا صارت هي بكر امها ..


اوما النوم وثقل النوم .. اببببببببد فرصتهن مثل واحد من جماعه العربان . اذا نام ناااااااام ..


لو يجلس بالدرج والا فوق الجدار فوق الخزان .. نااااااايم نااااااايم

لا .. ويفتح يدينه تقل بيطير ويفترش بالارض عاادي تقل باكستاني طايحن من الدور العاشر..



صراحه من امس وانا جالس اكتب رد هذاااااا طوله ولا صك منازعة ورث ومن زين الحظ علق الجهاز...


يالله سيو


*********





غبت .. و ضاق العطر .. و أستاحش ( الورد )
و نادت عليك ( مرايتك ) .. لين ذابت !

و أنا ذبحني .. من بعد غيبتك ( البرد ) ,
أسأل عليك .. و كل ( الأحلام ) .. غابت !

^^^^^


الذين يشاهدون محتوى الموضوع الآن : 6 ( الأعضاء 3 والزوار 3) ‏برق الوسم , ‏•» شُمِّيـسآآوي «• , ‏الـست صبـيـبـه


شميسااااوي

مشاء الله مصبوغن اخضر خخخخ

مبروك الاشراف يالغالي >>>>يووووه ياخزياه ياكثر المشرفين اللي ما باركت لهم

يؤؤؤؤ مبروك للمشرفين والعذر والسموحه اذا ما كنت متواجد ذي الفترة ولا باركت لكم وها انا اهنيكم
موفقين والله يسهل مهامكم واموركم


الست صبيبه

ايه انا أذكر يوم يشقلونك مع الباب بالكليه ويودونك للمديرة بس نسيت وش مسويه وقالوا عنك انك تسذبين ..زين فضحتيهم بموضوعك ومارجمو مؤلفاتك ومواضيعك فوق راسك.. ناس من جد ماتقدر المواهب خخخخ ..


الله يعطيك العافيه ياصبيبه على التواجد الجميل الي اتحف مدري نور مدونتي..

حياكم الله والله يعطيكم العافيه على تواجدكم..


^^^^^^^

الذين يشاهدون محتوى الموضوع الآن : 5 ( الأعضاء 2 والزوار 3) ‏برق الوسم , ‏روح البراءه+


يؤؤؤؤؤؤؤؤؤؤؤؤؤؤؤؤؤ ... !!!!!!


يالله ان تحيي روح البراااااءة ..سوري صار غلط مصبعي .. ونقزت وطلعت ولا رحبت بك لبى قلبك ..

لكن ولا يهمك طال عمرك ..


رجعت عشان ارحب بك تعرفين مرات من الحر احس ان مخي يتقلب براسي تقل كاتم بكبسه لحم حاشي ... الله ينجينا واياكم من عذاب جهنم .


واحيانا كني سطل كليجا هههههههههه .. غديها بالتوفي بس ..؟

حياك الله واسعدني تواجدك يارووووووووووح ولا حرمنا الله تشجيعك .

[برق الوسم]

مساكم الله بالخااار

اووووف لو اني مدرس كان ما خليت ديرة ما طبيته ..
مع ان اجازتي اربعة ايام ....لكني مخطط ومتكت له تكتكه

الثلاثاء والاربعاء والخميس بالطايف والجمعه اخذت للوالده عمره نسال الله القبول والسبت بجده مرورا بالمدينة ورجعت للدوام بنفس الليله..
وش نسوي يالله يالله عطوني يومين اجازة هالقعاطا

وصورت كم صورة ياعلها تحوز على رضاكم واستحسانكم مسوي فيها اياد الموسى .!!

من امام الكعبة المشرفة ادعو لكم بان الله ييسر اموركم
ويبارك لكم في شعبان ويبلغكم رمضان وانتم في اتم صحة وعافيه
وجمعني واياكم في جناته جنات النعيم ...آمين

جده

طريق الهدا من التلفريك ..

القريه المائية يا اني طافشت مطافش

حديقة الملك فهد يؤؤؤؤؤؤؤؤؤ وش مرقين فوق صدق اني مغامر !!

المسكينه متحمس بالصور ومادريت الا كله برشومي

شليهات الهدا تحس بالفخامه وكل ابو انواع البرادات

^
^
^
^

^
^

^

^

مقطع فديو روووووووووووووعه للتحميل ارعص هنيا ..

http://sub5.rofof.com/06lsutr28/Dow.html

خبرتو حدن يبكي على واحدن يبكيه ..
وخبرتو حدن مسجون مايبغي افراجه
أحبه ولا ابغضته على شي يسويه ..
ولا زالت أرقاب الرجا فيه منعاجه
عسى منزلن ضمه بروق الوسم تسقيه ..
وتضحك له الدنيا وهو يضحك أحجاجه

عن اذنكم باخذ لي غفوه الشبكه تحوووووم التسبد

[برق الوسم]

من غبار الهجير الى ظل الجزيرة ... دمت مبدعا ياعمر

http://www.4shared.com/audio/H0ooAcrH/__-____.html

قر قر ... قرنطس . قراقر .. قرنطيسو .. كل الطرق تؤدي الى قراطيس

امس جلست اقرا عن قصص الاقوام اللي قبلنا ..

وصلت لقوم عاد قريت عنهم انهم يعيشون مايقارب 400 سنه الى 500 سنه !!

وحنا اذا جاء 60

اقول وراهم يخلونك تقاعد بالستين عشان تنبسط انت وعيالك كم سنه وبعده تفطس ..
وراتب التقاعد يروح عليك !!

طبعا الفراعنه طلعوا ماعندهم سالفه ومهب هم اللي بنوا الأهرامات !!

وحسب اللي قريته ان اللي بنوها قوم عاد هي بمثابة بعض من الاشياء البسيطه التي تعادل طولهم فقط !!

كلنانعرف ان من بنى

الاهرامات هم الفراعنه

وهذاا الشائع بين العالم

ولكن صدر كتاب((تصحيحا للتاريخ المزور: عمالقة قوم عاد كانو مصريين وهم بناة الاهرام الحقيقيين منذ سبعين الف سنه)) للباحث محمد سمير عطا

تبين فعلا ان من بنى الاهرام ليس الفراعنه بل هم قوم عاد وهذه بعض النقاط التي استدل بها الباحث في كتابه :

اولاً: حجم الحجريبدأ من متر مكعب ويصل في بعض الأحيان إلى عشرات الأمتار المكعبة
!!

ووزنه يصل أحيانا إلى ألف طن ( مليون كيلوجرام
) !!

المسافات بين موقع تقطيع الحجارةوأماكن التشييد وصلت في بعض الأحيان إلى 650 كيلومتر

ارتفاع البناء وصل إلى 163 متر
!!

هذا الحجر المعجز بالنسبة لنا لم يكن إلا طوبة بالنسبة لقوم عاد فكانواعمالقة يصل طول الواحد منهم إلى 15 مترا،

وابوي يقول لي
تدري اخر من بقى من قوم عاد تراه حنا!!

ههههههههههههههههههههههههههههههههههههههههههه

اجل وش لو نصير بطولهم ..؟ شكل راسك ببيتكم وعصاقيلك عند جيرانكم

والا ..؟

^^^^^^^^

يا اعزائي الصائمين والصائمات الكرام . اقدم بين طيات ااا <<< ياشين الي يحاول يتفلسف ويتورط ..

الزبده انا هالمره احب احط لكم العااااااب ومقاطع .. وان شاء الله تعجبكم .

وهذي الدفعه الاولى من مقدم العقد ااقصد من الي عندي .....

http://quietube.com/v.php/+++++++

وفيه موقع تحمل اي صورة ويطلع شكلك بعد اربعين سنه بس مادري وين راح له !!

وهاذي لعبة الاخطاء الخمسه ...اقصروا على الصوت لا نتورط ..

...............
http://www.katgames.com/5spots/5spots.html

وبعدين انا وهالشبكة

[برق الوسم]

مرحبا بكم يا احلا اعضاء

^^^^^^^^^

للي عنده ضيوف ويبي شي يبيض الوجه

قبل كم يوم يعني مادري متى بالظبط جوا ضيوف من برا القصيم

عشان سوق التمور

وطبعا قرت اني استضيفهم بفندق السلام اللي بالخبيب

عندهم بوفيه مفتوح انما ايه ويشمل الفطور التمر السكري مو حيى الله تمر

مع دلة قهوه ومشروب فيمتو وليمون و شوربة دجاج وسمبوسه وانواع المعجنات ..

بعد ما صلينا لقينا العالم تضرب بالمخمس ... العشا فيه جميع السلطات

فتوش وتبوله ومحمره الخ .... ومتبل وحمص بيروتي وسعودي

والمشويات بانواعها لو تبي اوصال ضب جابوها لك ..

ولا انسى الايدامات والرز والمكرونه بالبشمل

وبعدها تضف أي حلا تبيه..

وبالاخير تاخذ لك براد شاهي بالنعناع و كل هذا بـــ 80 ريال فقط لاغير للشخص الواحد...

طبعا فيه قسم عزاب وعوائل والاطفال مجانا بعد..

تسلمون لي على هيك خدمة..

متطورين ناكل بملاعق وصحون

@@@@@

..

جبت لكم اناشيد وااااااااااجد ماعليك الا تضغط على m3 وتوح وش يقولون..

من هنا

أناشيد : أناشيد العيد

وكل عام والجميع بخير
والله يتقبل منا ومنكم صالح الأعمال ويبلغكم ليلة القدر قولو آميــــن

طبعا قد نزلت الموضوع في قسم الصوتيات وبعد العيد بشهر ..!!

كنت مشغول ابيع طعطعان وبازوكا..

*

*

*

*

لاتشتكي للناس لاضاق صدرك

الناس ماتملك مسره ولا يـــاس..

الناس مثلك حالهم مثل حالك

والكل من مر الليالي شرب كـــاس..

ولاتحسب انك بالتعاسه لحالك

اعرف ترا عايش معك بالشقا نـــاس
................................