خـــــطّــــابــــة خـــــطّــــابــــة ,,, جـــيــنــاكـــم خـــــطّــــابــــة

[رغــــيد]

~

اقتباس: تراها ملغت !

اقتباس: ^^ بالصميم اي والله ملغت ودايم ينادون بالحريه بهالقسم اثاري هذي الحريه اللي هم يبون ؟؟ قرق نسوان وعلاك فاضي

ظننت أني وحدي .,~ [ : ) ]





.,.

[هلاوين]

هههههههه


طيب ممكن نجرب لفترة ان صلح ولا رجعنها وخذ نص القيمه هههههههه



يقولون تعبر بام شوشه الين تجي المنقوشه ههههه



شكرا لك عجوز سمنسي

[مشتاقة لضناها]

حسبي الله ونعم الوكيل،،،،،،،،
سبحانة يعلم نواي العبد،،،،،،،،،انتم تدمررررون بيوت ،،،،،وش الكلام الي تقولونه من جدكم،،،،،،،انتم زواج متعة ومسيار وسخفات ،،،،،،،،،،،،تتجارون ببنات جنسكم،،،،،،،اللهم من اراد شرا بأعراض المسلمين امتهن مهنة خطبات لمسيار وزواج متعة اللهم ارقده مرقدا لاتغادره الا الى قبرها،قبره

[كااااجو]

بعض صاحبات المشاغل عشن تجربة المسيار...بس يشتغلن خطابات؟؟؟
يعني المسألة جشع وتحصيل دخل زيادة على دخل المشغل ؟؟؟
وش تفرق عن زواج المتعة واخذينها طنازه بالشيعه والبلا هنااا

[ذات]

طبعا انا بحكي من واقع تجربه شفتها بعيني .. وعشتها تماما ..
بما انه جاء طاري الخطابات ولي خلفيه عنهم كبيره بكل انواعهم ...
بس بكتب لكم قصة وحده منهن وربي يشهد على كلامي ...

طبعا هذي خطابه .. قبل ما تمتهن هالمهنه ...سعوديه ..
كنت دايم كلما رحت المشغل احصلها تكنس وتخم وتنظف لزباين ..!
طبعا بالبدايه استغربت شلون ترضى على نفسها هالشيء قلت يمكن دافع الحاجه والله يعلم بحالها ..
شوي الا تجي عندي قلت يمكن تبي شيء او حاجه ..
طبعا كلامنا كان جانبي جدا يعني انت مين وكيت وكيت من هالكلام ...
طبعا انا وخواتي بالمشغل .. وشوي قامت تعرض خدماتها ..
طبعا فينا من تنطبق عليها المواصفات بدون راتب طبعا ..
لكن شوي وتسدح عندنا وبتحب رجولنا نوافق ..
طبعا من ضمن الاغراءات المهر على تسعين وفله ومن هالكلام ...
بس بالمقابل صرفنا نظر ولا ناقشنا لان كثير اشكال ماره علينا من هالنوع با اي مكان نروحه واي مناسبه ...
لكن السالفه ما انتهت لين هنا بعد حوالي ثلاث سنوات ولاحظوا الفتره الزمنيه ..
دخلت مشغل فخم بالرياض .. لقيت صاحبته هي !!!
وعند الباب سياره فخمه عجيبه جدا .. والحرمه تامر وتنهى ..
طبعا اول مادخلت ...هالمره لوحدي ...هب عليها ما نستنا ...
قامت ترحب وتهلل .. قلت ماشاء الله .. وش هالتحول السريع ..
قالت ابد من روس هالحريم .. وقدام عيني ذاك اليوم اربع من الطبقه المخمليه من عائلات معروفه جدا على مستوى الرياض ..
وافقوا على العرض وفتحت لهم ملف فيه اسماء المماليح بعروض مغريه ...
وعلى الوحده عشره الالف ريال سعي لها يعني تخيلوا بساعه اربعين ..!!

انا بصراحه انصدمت وما تكلمت لان للاسف فيه بنات كذا وبعضهم تبي زوج بس عشان تحلل فيه وترجع لطليقها ...

اما الخطابات الثقه .. فلا .. عكس هالنوعيه تماما ..
وهدفها فعلا توفيق راسين باالحلال واعرف خاطبات ترفض اصلا المسيار او تزوج فيه احد لانها تعد البنات بناتها ...

المساله تبقى نسبيه بحته .. لكن نصيحه يابنات والكلام لكم ..
خطابات المشاغل مهما قدمت من عروض مغريه لااااااااااا ...
واذا صح لكم بالجزمه على وجهها .. لانهن والله اتجار بالاجساد عيني عينك ولهم سوقهم ... حتى الفلبينيات .. عندهم لهم سوق ....




عجوز سمنس هذي حقيقه اللي تكتبه وانا شفته بعيني ... يعني واقع وكلامك صحيح ...
اعتذر عن الاطاله ...

مودتي ...

[نجداوي]

اقتباس: والبشرة صافية لكن الوجه لك عليه

ههههههههههههههههههههههه

لو ماكتبته كنت بقوله [ لك عليه ]

اقتباس: المهنة : صاحبات مشاغل نسائية وذات اسلوب منمق في القدرة على الولوج الى عالم المرأة بكل اطيافها واجناسها

يسمعن بالتجاره

والا طقه للعلك اكثر من كلامه بخصوص التطوير التجاري او الافكار للمشاريع

اقتباس: .. يترززن بمناسبات الحضاري الصباحية والمسائية

قصدك اللي يبيعن ببسطات !!

او على نظام كروت الدعوه بخصوص محافل هدايا المدارس

اقتباس: استطاعت تلك الفئة ان تتغلغل في عمق المجتمع فتوثق علاقاتها بمجموعات حكم عليها القدر بظروف معينة

بالمعنى العامي [ علل / مفرد عله ] وغالبا العله منفي خارج الحدود

اقتباس: اما مطلقة او ارملة متوهجة لازالت في اوج انوثتها

المطلقات والغير متزوجات حاله واحده

الشبهه فقط بتغيير الروتين بين شهور السنه

اقتباس: فاصبحت تلك النسوة المخمليات واسطة في زواجات المسيار الذي شاع بطريقة غريبة

شائع على فئه محدده ومقنننه او ممكن يكون قبولهم للرجل بحالات خاصه من جهه المراءه ونظره اهلها ونظرتها

لانه اولأ واخيرآ البنت محكومه من اهلها وماتفعل الامر الا بعد موافقتهم

اقتباس: زواجات هفّافية ابطالها رجال موسورين بالحال فيعمقوا علاقاتهم بتلك الخطّابات لتجلب لهم بطريقة شرعية زواجات مؤقتة لتغيير الاجواء والفراش . والسعي عليهن مابين 5000 الى 7000 حسب نوعية الاستخدام وعمر السلعه

صحيح مثل ماتفضلت على حسب السلعه

لان بعض البنات اخذه الوضع تجاره و احساسها متبلد تجاه هالزواج

ولاتعتبره زواج اساسا لان الكتاب باين من عنوانه

ولاتنسى ان المهر مقارب للزواج العادي فهو مطمع اذا كان الوضع ممارسه تجاريه بشكل مستمر واكثر من زيجه

لانه احيانا يجمع بين خصوصيه وجمال وايضا طلب الستر من صاحب المال المتزوج بالاساس والمنهمك بالاساس بالامور الاجتماعيه

اقتباس: غالبا ذوات الرواتب هن فرائس تلك المخمليات .. وعود بزوج رشيق القدّ وباهي الخدّ وشهر عسل بجزر القمر وبالاخير يطلع اشهب الهب بس انه مريش,, تصدق تلك الوعود او تكذب ماعلينا

اساسا الموظفات المتزوجات

سوا رسمي او مسيار

غالبا الرجل اخذها علشان الراتب

وتحصله متزوجها ولاكنه متزوج

رغم ان بينهم اطفال وغيره

لاكن مابني على باطل فهو باطل

اقتباس: هل انتم قريبون من الحدث مثلما رأيته؟

قريب لجمال موضوعك

احترامي وتقديري

[مين أصدق]

يــــادار عبلة في الجواء تكلمي

........

تراكمت السحب وأختفاء ضياءُ القمرِ

وأختفى رنين الخلخال في كف مقدمها

زادت البضاعةُ وكثرة سكاكين التجارُ

وماصاب قوماً عند قوم فوائدُ

[تركـي]

والله فكرة مش بطاله .......

انا بنتظار العروض من مكتب السمنسي ومكتب عذبة

والبخشيش مغري ..

[شمس بلا سماء]

لأول وهله نرى أن الجميع هنا يسلك مسلك الحلال
فالرجل يبحث عن متعته الإضافيه بالحلال
والخاطبه تسعى لكسب رزقها وتحسين وضعها بالحلال
والمرأه كل بحسب ظروفها أيضاً بالحلال

ولكن بعيداً عن هذا وذاك
بعيداً عن المشكله وتفشيها بشكل ملحوظ
الضحيه أو الفريسه وأعني بذلك الزوجه المؤقته لأن غالباً هذا النوع من الزيجات عمره قصير ولا يدوم .
سؤالي لها ..
هل ترضى بأن تكون سلعة ؟
هل ترضى بالتنازل عن حقوقها لأجل المتعه؟
كيف هي صورتها في المرآة هل هي إمرأه كامله أم نصف إمرأه ؟

أنا هنا لا ألوم الرجل
ولا ألوم الخاطبه
إني أصب لومي وجل غضبي على الفريسه
فلو أنها عرفت قدر نفسها لما تجرأ أولائك على الإقتراب منها ..!!


شكرا لك

[عـــــســـــولــي]

لحم أحمر مبعثر ورخيص وكلاب جائعة فماذا ننتظر.
لا الرجل ولا المرأة جميعهم يعيشون حالة هيجان جنسي رهيب والنتيجة كما نرى ونسمع .
إغتصاب ومسيار ومسفار وبائعات الهوى بإزدياد . اللهم سلم سلم

[قـتـالـه]

اقتباس:  المشاركة الأصلية كتبت بواسطة عـــــســـــولــي     لحم أحمر مبعثر ورخيص وكلاب جائعة فماذا ننتظر. لا الرجل ولا المرأة جميعهم يعيشون حالة هيجان جنسي رهيب والنتيجة كما نرى ونسمع . إغتصاب ومسيار ومسفار وبائعات الهوى بإزدياد . اللهم سلم سلم

وراك خلطت المي بالزيت ؟
المسيار زواج حقيقي على شرع الله ليش حطيته مع الاغتصاب وبائعات الهوى !
المسيار فك زنقات كثير من الحريم .. يعني مطلقه او ارمله شاقيه ببيت وعيال وبنات وهي لسا راغبه بالرجال .. ليش ماتاخذ واحد بالمسيار يونسها ويكون جنبها وهو مو دايم ناشب في حلقها تقل زرار؟

[عجوز سمنسي]

اقتباس:  المشاركة الأصلية كتبت بواسطة قـتـالـه     وراك خلطت المي بالزيت ؟ المسيار زواج حقيقي على شرع الله ليش حطيته مع الاغتصاب وبائعات الهوى ! المسيار فك زنقات كثير من الحريم .. يعني مطلقه او ارمله شاقيه ببيت وعيال وبنات وهي لسا راغبه بالرجال .. ليش ماتاخذ واحد بالمسيار يونسها ويكون جنبها وهو مو دايم ناشب في حلقها تقل زرار؟

ايه هكي على العالم
الكلام اللي نقوله بعيد عن زواج المسيار المشروع

هذا زواج متعة

لكنهم مايدرجونه بالعقد

ولايتكلمون فيه

لكن بقناعة انفسهم عارفين ان حدهم شهر وينتهون

[قـتـالـه]

اقتباس:  المشاركة الأصلية كتبت بواسطة عجوز سمنسي     ايه هكي على العالم الكلام اللي نقوله بعيد عن زواج المسيار المشروع هذا زواج متعة لكنهم مايدرجونه بالعقد ولايتكلمون فيه لكن بقناعة انفسهم عارفين ان حدهم شهر وينتهون

اشوى انك علمتنا علشان مانتهقوابك .. مكتبنا ماعندوه هالكلام !
المسيار اللي نقصد شرعي ومستمر.. بس ظروف الطرفين تحتم
عدم التواجد المستمر مع بعض ,,

[زفرات سنين]

اقتباس: البضاعه الجيده تكتفي بالمشغل ماتجي تحرج على روحها كمان هنيآ هأأأأو يابضاعه

مقيوووله زمان

كلاً يرى الناس بعين طبعه

علشااان هدفك عرض روحك وتسويقها هنا

تحسبين البقيه مثلك

والبرهاان / صورتك الرمزيه

عيووون دامعة حزينة تخطف الباب الشباب الجائعه

إستهدي بالله ياحرمة والزمي حدك

انا ربي مغنيني بزوجي الدور عليك انتي تلاقي ظالتك بأي وسيله

حتى ماتسببي للمجتمع عاهه مستديمه

.

[تَمَرّدْ]

ماعليش احس زواج المسيار زواج متعه

والله يابو تركي لو الإتصال زين كان نزلت صورة كاركاتير يحكي عن المسيار

خلني اوصف لك كيف هو

الزوجه الهدره فاتحه له الباب بظلام الدامس

ورافع ثوبه يقول يالله بسرعه السياره تشتغل

خخخ قسم حتى مجرد التفكير فيه مهزله