في القمة

[الطيف]

قمة القهر هي اذا قعدت في حلاق هندي وتقعد تحلق بين الهنود وهم يحشون فيك ؟؟ وانت داري انهم يحشون فيك ؟ بس ماتدري وشيقولون ؟؟
..............................
قمة اللخبطة هي .. انك تحدد السكسوكة وانت تاكل علك
..............................
قمة القهر هي ... لما تغسل سيارتك وترزها وتعلق فيها ريحة السفينه (قديييم) وتلبقها عند باب بيتكم ويجي بزر من بزارين الشارع ويشخطها بسيم من الرفرف الى الرفرف ان خليته بتموت ماراحت حرتك وان جلدته قالوا ايا الهبيل تحط راسك براس بزر ؟؟
...............................
قمة الاستلكاع هي .. انك تدخل محل اتصالات .... وتقول : عندك سماعة بيجر ........"؟؟
.............................
قمة القهر هي .... لما تشوف برنامج افراح وتهاني وانت توك عزوبي .....؟
................................
قمة الغباء هي .. انك طفران وتشتري فديو بعد ما تبيع التلفزيون ...؟
.....................
قمة القهر هي .... لما تكون في تاسع نومه (كيفي بغير سابع) ومتلحف في اللحاف وتوها غافية عينك ويجيك واحد عله ويقومك من النوم ويقولك : انت نايم ؟؟؟؟
..............................
قمة الاستهبال هي ... يتصل على جوالك واحد .. ويقولك : هذا بيت فلان ؟؟؟
..............................
قمة القهر هي ... لما تكون كاشخ في موترك هو دين وعمى عين ويجيك شايب غشيم متعافي ويدعمك لا وتسامحه وهو المخطي وينشب في حلقك ويقول صلح موتري ؟ خصوصا عاد اذا كان موتره دتسن 84 ورفرفها الايمن مصبوغ بمعجون ؟؟
............................
قمة القهر : هي اذا حكك ظهرك في النص وانت يديك قصار تروح لحافة الباب وتحك ظهرك زي الدب البري
.............................
قمة القهر هي .. انك متحمس تقول نكته واللي يسمعون لك مانتبهوا ( تتلفت تحاول تصرف الموضوع )
...............................
قمة القرف هي.... انك تقوم في نص النوم وانت جايع وتروح المطبخ وتفتح الثلاجة وتلقى صارور نايم فيها
..................
قمة اللزقه هي ... انك تطلع الصبح من بيتكم ... وترجع في الليل وتكتشف ان اهلك مغيرين البيت .. وتروح تدورهم
.........................
قمة افرست هي ...... هي اعلى قمة في العالم