السلام عليكم ورحمه الله وبركاته
مرثيه كتبتها بعد وفاة زوجي (رحمه الله)
الشيخ:حمد اليعيش
وراك ياعيني ادموعك تهلي
عقب الغلا والعز قمتي تنوحي
قالت غدالي يملا عزوتن لي
انوح وانادي الناس ينوحون
امس الظهر قفوبجثمان خلي
قفوبه احبابه على المتن يمشون
حطوه في مثواه واكبر غلي
هدو اترابه ثم قامويصلون
ودعتك الله يابعد كل ملي
واناعلى فرقاك ماني بممنون
وعسى النفل ينبت على قبر خلي
ويسقيه ربي وابل المزن بلهون
ضبوبي الجيران والناس واهلي
جوني على فرقى عشيري يعزون
ضاقت بي الدنياء وضيق مجالي
اعيالي الي كل ابوهم يصيحون
صبيت صوتن يسمعه كل والي
وصببت الاصوات والقلب محزون
قامن بناتي يصفقن بلايادي
ويرمن الاسلاب ويقولن ابووووووي
قلت اه ياويليه ياشن جرالي
انا اليتيمه كل ابوكم تسجون
وصلاة ربي عد رمل السهالي
على النبي الي من العيب معصوم
وسلااااااامتكم
العرض العادي
