يازين كلمه هيك لاجت بك هيك/رايكم بالمشاري

[ناري نار نار]

هذا حظي

أعوذ بالله من فعولن مريبه ؛؛؛ هذا الزمن كثرت علينا بالأويه



ياصاحبي هلت دموعي صريبه ؛؛؛ معاد باقي دمع وشلون نبكيه



لا من تكلمنا علينا - - أمصيبه ؛؛؛ وذا سكتنا المر نشرب ونسقيه



اللي نباعيت أدروبه تجيبه ؛؛؛ واللي يحبنا نكره اليوم طاريه



النفس كشرا كافيتها أذنوبه ؛؛؛ والناس تبليني على شي ما فيه
________________________________________________
ياويل قلبي

ياويل قلبي كل ماجبت طرياك ؛؛ القاني أتعلق بك أكثر وأكثر



واللي خلقني ما أقدر البعد وأنساك ؛؛ لانامت عيوني لك القلب يسهر



وشلون أبنسى العيش والملح وياك ؛؛ أطلع رخيص الأصل ان قلت أقدر
__________________________________________________ ___
غنجك ماينفع

الدنيا هذي ما فيها حبايب
محدن يلبي وأنا أصفق بيديه

وانتي ياللي فيك العجايب
جمالك يسحرني يالادميه

وان كان جمالك هو السبايب
بس دلعك على اهلك ماهو عليه

غنجك ماينفع بليا هبايب
بدون احساس هالدلال ماعاد ليه

دلالك على اهلك ويا القرايب
ترى دلعك لهم هو أجمل هديه

أنا ماعاد وياي تفرق لهايب
ولا احس بدلعك يا أجمل بنيه

كنت أبي منك احساس الحبايب
وكنت متوقع معاك آنغامن شاعريه

مادام هالاحساس منك غايب
ترى أنا شامخ بدونك وحره ايديه

حلاة الدلع مع احساس السحايب
وزياده عليهم احساس الرومنسيه

أبي انصحك وما عندي طلايب
بلاش الغرور بضحكه لونها بنيه

حتى الورد لاشاف حوله خرايب
ما ينثمر لو كان بأحلى مزهريه

صح فيك جمال كله عجايب
بس دلعك ما عاد يأثر عليه

نصايحي ترى فيها كسايب
تدلعي على أهلك يالأدميه
________________
رديت هالقصيده ياخوي يمي
وأنا أحاول أبتعد لأجل ماأجي بأندفاع

أنت جبتها وتحمل أبشكي لك همي
الحال فيني منقطع من مدة طويله بأنقطاع

داريتها بقلبي وحفظت أسمها بأسمي
والقلب من بعدها أنشهد يابعد زولي ضاع

كانت بقربي وكنت أنا دوم ألمها لمي
وأنام بحضنها وأتدفا دفا النار للقاع

فديتها وفديت عشان خاطرها خالي وعمي
وحبها ساطع مثل نجم السما دوم لاماع

أحبها وأعشقها وأبوس رجلها أمي
وأطلب رضاها دايمن ولا يبي له أقتراع

آه يالغالي ودي أنا أفدي هالغاليه بدمي
وأقولها أنا صاحي حبها بقلبي هالأدميه شاع

عرفتها هذي بعد الناس كلهم - - أمي
أمي فديتها والله لأموت لأجلها بأندفاع
[_____________________________________
وين كنتي

الله جابك توه اللحين طاريك ؛؛؛ مر بخيالي والتفت الله جابك

وينك زرعت الهم في عين مغليك ؛؛؛ لين أثمر بدمعي وجفني بكابك

لا تنطق بكلمه على اللي مداريك ؛؛؛ مهما نهاك الوقت فيني بدابك

يازين كلمه هيك لاجت بك هيك ؛؛؛ وياشين كلمه لا لا صك بابك

دامه حضورك ينطفي فيه ماضيك ؛؛؛ بأشعل مراحب تحتفل في لقابك

هلا هلابك أحسب 2000 تكفيك ؛؛؛ أرحب مراحب ياهلا يا هلابك

تعال أسمع دايم القلب يطريك ؛؛؛ يشكي على أضلاعي حكايه عذابك

كل شي فيني خاف منك ويبكيك ؛؛؛ صار يتخيل شوفتك وأبتلا بك

مأنت مصدك قولة الصج يحكيك ؛؛؛ أنا سمعت النور يومه حكابك

( جنها قويه ) صح لكنها فيك ؛؛؛ ترسم ملامح صادقه في غيابك

مدري شسوي فيك والله يرضيك ؛؛؛ أرمي نظر عيني بداخل سرابك
____________________________________

عينها سهمن ضربني ولا قدر منه أعيش
عزتي للي صوابه من أطراف الرموش
عين حرن لا نظر بالسماء خفاق ريش
تل قلبي من مكانه وقفا به نحوش
____________________________________
آسف جدا آسف جدا

آسف في جيتي لك تسرعت ؛؛؛ ضنيت ألاقي فيك شي فقدته

كنت أحسبك مجروح مثلي تولعت ؛؛؛ ولقيت فيك احساس طفلن لمحته

يكفي قهر في جيتي لك تواضعت ؛؛؛ تركت غيرك لجل عينك وبعته

وأصبر على صدك وأشوفك تدلعت ؛؛؛ وأعطيك ( ود ) وما أضنك حسبته

أرجوك عن صدك تراني تشبعت ؛؛؛ خلك مع اللي عاجبك وانت عجبته

أنا شريت ( الود) والحين أنا بعت ؛؛؛ وأنا عطيتك قلبي اللي قهرته

ما ينحني راسي لو اني تقطعت ؛؛؛ ما في اللي لا رميته لقطته

من كلمات الشاعر عبدالمحسن محمد المشاري

[عناية بالبشرة]

[align=center][table1="width:85%;background-color:black;border:9px groove limegreen;"][cell="filter:;"][align=center]


قصائد في قمة الروعه والاحساس ..تمنيت
لو انها بمواضيع مستقله عن بعضها لتأخذ حقها من
العيش بداخلها وبتفاصيلها باحداثها بهدوء واندماج...
دون سرد القصيد واحده تلو الاخرى مما يشتت الذهن والبال فتفقد
جمال اسلوبها وبالتالي لاتتحق المصلحه من طرحك لها
هنا لتقييمها كما تمنيت اخي نار...

كل الود والحب لقلبك ..ننتظر الجديد والمميز والجميل
اخي ناري نار نار





[/align][/cell][/table1][/align]

[ناري نار نار]

مشكوره على المرور

مشكوره على الكلمات الأجمل من جميلة

مشكوره على رايك نورتي الصفحة

وبيض الله وجهك

[وشاح الذكريات]

.
.

قصآئــد جميـــــله وآكثــر من رآئعــــــه
صح لسآن الشاعــر وصح ذوووقك الرآقـــي
كل الشكر لك على الحضور الجميــــــــل
بانتظاااار جديــــدك وعسآك ع القــوووه
الله يعطيك العاااافيــــــــــه ..

[ناري نار نار]

اقتباس:  المشاركة الأصلية كتبت بواسطة وشاح الذكريات     . . قصآئــد جميـــــله وآكثــر من رآئعــــــه صح لسآن الشاعــر وصح ذوووقك الرآقـــي كل الشكر لك على الحضور الجميــــــــل بانتظاااار جديــــدك وعسآك ع القــوووه الله يعطيك العاااافيــــــــــه ..

مشكور على المرور

مشكور على الكلمات الجميلة

وبيض الله وجهك