يالاخوان هذي قصة واحد من الشباب صارت له في البر ... القصة متواترة من ثبوت عدول ( الثبت هو المتثبت أما العدول فهو المتأكد) الزبدة لا نطلع من الموضوع , قبل ما أبدأ بالقصة ودي اقولكم ان الشاب سمح للي قال لصديقي الي عملن بالقصة ان نذكر اسمه الاول بالكامل مع ذكر ثالث حرف على اليسار من اسم ابوه و أول حرف على اليمين من اسم جده و اخر شنق من اسم عايلته .. فا اخونا اسمه ( لؤي ع ر ون ) ايضا ودي تعرفون قبل ما نقول القصة إن رفيقنا اسمه مهوب على وجهه فلا يغركم الاسم.
في اجازة العيد طلب لؤي من ابوه انه يسمح له يكشت مع اخوياه بالنابقية ( النابتزية) الابو وافق لانه يعرف الامكانيات الي يتمتعبها ولده وهي الشيفه الزائدة يعني مافيه أمل يختطف .. المهم رفيقنا راح مع اخوياه للبر , أول ما وصلوا المكان اخينا في الله قال لخوياه ابروح أدور عراجين ( على باله طير بر) راح غليص يدور عراجين ....
بدى يمشي ويتلفت ولا شف مواطي معزا قال المنطقة ذي مابه عراجين " أكيد الغنم أكلاتهن" مرري ألاخ!
زود على شينه الشوف شجر كلما شاف عرجون من بعيد راح يركض لمه ثمن باخر شي يطلع قرطاسه تدرون وش قال ؟ قال حكمة مهيب بعيده عن وجهه " السراب يخيل للعطشان انه ماء مثل القرطاس يخيل للي يدور العراجين انه عرجون " ...
المهم اخينا في الله مثل الظبعة ما يلتفت ! ما دري انه أبعد عن اخوياه وغابت شمسهم ما غير مدهدرن هالدلميجة ويدور عراجين..
اخيرا شاف عرجون فرح الرجال وراح يركض لمه يوم قرب أثره ملعقة بلاستيك ! الأخ تحطم وقرر انه يرجع يوم اراد الله انه يلتفت واثره وش يشوف كل الي قدامة نفد ورمال ولا حس ولا رس ......
الاخ كره صيحه شوي ياويلي :3: أمشقن اخدوده من الدموع .. (ادموع مع هواء بارد على طول مشق ما يبيله مطوع ) .. سادته ( رأيي ).
المهم بدا لؤي يصوت وهو يمشي وينادي على اخوياه .. نوبتن يصوت ونوبه يصيح ونوبه يديعي بس ماش شكله ماشي كيلوات وهو مادري
الشمس قربت تغيب والرجال يجعر :3: تذكر انه ما صلى العصر قام تعفر وصلى العصر يوم خلص صلى المغرب مع العشاء جمع تقديم بعدين قعد يدعي الله انه يلقى اخوياه ...
وهو جالس يدعي شاف نور من بعيد الرجال فرح واستانس لكن النور كل ماله ويبعد . بدأ يصوت وينادي ههههي ههي هي هي هي لعل النور بدا يقرب له ويقرب له ويقرب له ويقرب له أثر النور نور !!!!!
أكمل لكم القصة ان شاء الله في وقت لاحق الحين جاء وقت صلاة الفجر عندنا في فينكس
مع السلامة
العرض العادي
