بمناسبه الامتحانات , مواقف مضحكه ... للكل

[خـــــــــــــــالـــــــــد]

لايخفى عليكم الشد النفسي الذي يكون محاصرا للطالب في فترة الامتحانات

مما ينتج عنه مواقف مضحكة

ولان الوقت وقت امتحانات نبغى نتذكر ونذكر هالمواقف

__________

سابدا انا

في احد امتحانات الكليه كانت الماده صعبه جداااا

اتعبتني في حفظها و بسبب الشد النفسي كانت المعلومات تنفلت مني او هكذا يخيل لي :3:

وقبل الدخول للقاعه بربع ساعه اخرجت ورقه فيها اذكار خاصه بالامتحانات واخذت ارددها وفي الخمس دقائق الاخيره ذهبت الى دوره المياه ( ولم انسى عند الدخول قول == اللهم اني اعوذ بك من الخبث والخبائث الرجس النجس الشيطان الرجيم == وبعدها خرجت مباشره الى القاعه وانا اردد الاذكار تلقائيا جلست على كرسيي وانا احاول ان اضيع توتري واهدء اعصابي بترديد الاذكار بصوت اعلى من الهمس قليلا

بعد ذلك غرق الذين بالقرب مني بالضحك وانا ما ادري وش السالفه


تدرون وش السالفه اللي اضحكتهم


=
==
=
=
=
=
كنت اردد بصوت عالي نسبيا احد الاوراد واقول
=
=
=
اعوذ بالله من الخبث والخبائث الرجس النجس...... نسيت نفسي
واكررها مما لفت انتباه من حولي فغرقوا بالضحك

:

---------------------------

موقف اخر حدث لاختي

ارويه على لسانها تقول

كانت فتره امتحانات اعمال السنه
في المنزل عند الخروج للكليه كنت اذاكر الماده وانا نازله الدرج ولم ارفع راسي عن الكتاب وتوجهت تلقائيا الى المكان الذي وضعت فيه جزمتي ليله امس وادخلت قدماي فيهن وبسرعه توجهت للسياره


وعندما وصلنا الي الكليه اغلقت الكتاب وكانت شنطتي تحت قدمي ووضعت الكتاب في الشنطه
ورايت ما جعلني اصرخ هلعا موجهة الكلام الى اخي........


ارجع للبيت
ارجع للبيت

بسررررررررعه


اخوي: خير وش صار لك ؟؟

تدرون وش صار لي ليش صرخت؟؟؟


=
=
=
=
كنت لابسه شحاطات من النوع القديم التي دائما تكون بيضاء قليله الارتفاع .....منخفضه جدا والربله اللي فوق الاصبع يا اما ازرق او اخضر>>>>>>>>>>>>>>>>>> عرفتوهن ؟؟ تراهن قديمات مرررررره

لا ومن زين الكشخه وحده اخضر وحده ازرق

وعلشان تكمل كان الامتحان على وشك ان يبدا باقي 5 دقائق فقط


قال اخوي: عادي وش فيها انزلي بس بسرعه لايفوتك الامتحان

رديت: بلا امتحان بلاخرابيط ولا انزل للكليه بهالشكل



وطياره للبيت اللي يبيعد 10 د عن الكليه
وعوده ايضا طياره للكليه

وستر الله كنت شاطره عند دكتورة الماده لذلك توسطت لي عند المراقبه على القاعه ودخلتني مع ان الامتحان بادي له تقريبا ثلث ساعه


=============

تذكروا الامتحانات ومواقفكم فيها


وعلمونا

عشان نضحك عليكم

[البكيراوي]

[c]انــا هنا

يعني الابــداع هنا

يعني الافكـــار الجديدة هنا

يعني المشــاركات الرائعــــه هنا

يعني النشـــاط والتفاعل السريع هنا

تحية كبيرة لك يا أنـــاهنا

واقولك انا ايضا هنا

وأعضاء منتدى بريدة سيكونون كلهم هنا

لأجلك يا أنـــا هنا

[/c]

ايه جبت طاري الاختبارات ...

انواع المواقف المضحكة والمقلقة والمدهشة كله تحدث في الامتحانات ..!

من المواقف اللي صارت لي بالكلية بأحد الاختبارات الفصلية

كان مره اختباري يوم السبت الساعه 8 صباحا

ودوامي يوم السبت الساعه 10

فقلت للوالده تراي بكرة عندي اختبار قومون قبل الساعه 8

الوالده ( الله يخليه ) لقطت انه بكرة عندي اختبار بس الساعه نسته ما تدري متى

جت وقومتن الساعه 9.30 والاختبار يعني رااااااااااح في اماااان الله

وقمت طاااااااااير للكيلة طبعا هي حلة عصا جنب بيتنا 30 كلم بس


والمشكلة ان الاختبار كان موحد على جميع الشعب ..!

في ما فيه حل الا رئيس القسم

ودخلت عليه انا وعذري الوجيه جدا ... امي ما قومتن

لكن الحمد لله الامورة مشت سليمة


مشتوقون لسماع بقية المواقف من الاعضاء.....

[البكيراوي]

اقولكم هذه سالفة صايرة مبطي


ايام الاختبارات بالثانوي ..

كنت بثاني ثانوي


وكان عندنا اختبار رياضيات الفترة الاولى والثانية حديث ..


واختبرنا رياضيات وكان الاختبار سهل
ويوم طلعنا بين الفترتين


كلن راح يذاكر حديث ..


عاد البكيراوي راح ونصى السيارة وجلس به


وكتاب الحديث بحجرة والفلافل بيمينه والسفن اب فوق الطبلون ...


وما غير مذاكرة ...وطبببببع ... قولوا ما شاء الله

ولا خويي ابو مسلط ...

وهو من الاعراب يعني بدوي ..

ما غير يدوووووووور بالكابريس ...

وكل ما مر ضرب لي بوووووووري

طبعا ايده مجبصة مسكورة ما يقدر يسوق العراوي ( الددسن )...


ويوم جت الساعه 10 فترة الاختبار الثــاني ..بدا الوكيل كل شوي يصك باب المدرسة ..

حتى يخوفنا وندخل على طوووووول ..

ويوم دخلت القاعه ويجي ابو مسلط ورايي ويجلس ..

ويقول حياك الله يا راعـي البقر .. ما اردي وش عرفه بمعيارة البكيرية

قلت هلا بك ..يا ...

قال تراي ما ذاكرت وابيك تغششن شوي ...

قلت له اقلب وجهك لو تطييييييير وتوقع ... انا راعي اصول ومبادئ


قال لا تخاف انا مزبن عمري ..وداري انه ما وراك خير يا راعـي البقر

وانا ايده المجبصة ولاه ملياااااااااانه براشيم داعسهن تحت الجبس

قلت الله يعافينا ولا يبلاك كلن ينااااااام على الجنب اللي يريحه انا الغش ما ابيه


وبدا الاختبار وابو مسلط بدا يدهر ..

وحبل الكذب والغش قصييييييير ..

شوي والمراقب يجي بجنبه ويقووله كيف حالك ؟

ثمن يسحب الشماغ اللي مغطي بهم ما طلع من البراشيم ..ويكشفه

وطلع البرااااااشيم اللي معه وحطهن على الطاولة ونادي مدرس ثاني ونزل هو للمدير علشان يجب محضر غش


وهو يطلع مع الباب الا ويقوم ابو مسلط ويبلع البراشيم بلع ..

ويوم جاء المدير ولا البراشيم مهب فيه ...

ابو مسلط بدا يكذب المدرس ..

وبدت الاصوات تعلى بالقاعة قال المدير اختبر وبعدييين يصير خير ( حكيم )

يوم خلص اختباره ابو مسلط ونزل للمدير قال المدير له

لا يكثر ولا تقعد تحلف

طلع لسانك وانثبر ...

وطلع لسانه ابو مسلط ولاه أزرق

ورسب ابو مسلط ..

ســادة هذا قلعه اللي يغش ...



ونحتري موافقكم يا حبايبنا ...

يعني بالعربي الفصيح ردوا شاركوا ...

وسلامتكم

[خـــــــــــــــالـــــــــد]

الرائع البكيراوي قدها وقدود


هذا هو المراقب وهذا هو دوره الفعّال


دائما انت دافع لتحميس وتشجيع الاعضاء على التفاعل كفوا وماقصرت

==موقفك الاول بصراحه ماشاء الله عليك اللي تجرات وقلت الوالده ماقومتن بس اشوا اللي ماقالوا لك توكل على الله خاصة وان الوقت راح منه ساعه ونصف

==موقفك الثاني نكته بحد ذاته


===================

تذكرت موقف ايضا حصل في الكليه بس في امتحانات اعمال السنه

بغيت اروح فيها وطي بس اكيد اني كنت قاري وردي ذيك اليوم



الدكتور اللي يدرسنا ماده الشعر ((طبعا شعر انجليزي )) كان له عاده يحدد لنا 3 مواضيع من الماده ويجيب بنا سؤالين نختار واحد فقط للاجابه عليه يعني من الثلاث مواضيع نذاكر اثنين ونحذف واحد وقبل الامتحان باسبوعين ذكرنا بالثلاث مواضيع وبطريقه الامتحان...

كالعاده انا استعد للامتحانات قبلها بفتره وكنت ذاكرت موضوع واحد من الاثنين وتركت مذاكرة الثاني لليوم السابق للامتحان


وفي اليوم السابق للامتحان مباشره صدمنا الدكتور :7: وقال ........



ان الامتحان سؤال واحد اجباري : يعني نذاكر الــ3 مواضيع اجباري :3:


بس انا للاسف قفلت معي <<<<<<<<<<< مابي ملح اذا عاندت


وبالرغم من تحذير الزملاء واصرارهم علي ان اذاكر الـــ3 كلهن الا اني ركبت راسي واكتفيت بس باثنين


وفي يوم الامتحان كانت الطامه الكبرى والمصيبه العظمى التي كادت تودي بحياة الاصدقاء قبلي : :3: <<<<<< مقتبسه من مسرحية شكسبير



جاك الموت يا تارك الصلاه



اقلب الورقه يمين شمال افتحه واسكره يمكن يكون السؤال الثاني منا والا منااااااك :1: بس مافيه فايده ســــــــــؤال واحد فقط واجباري ومن زين الحظ كان على الموضوع اللي حذفت:12:










عاد ماباليد حيله اخترت واحد اخر وكتبته طبعا محفوظ ومذاكر صم


وفي يوم محاضرة هالدكتور جلست اخر القاعه وراء الاخوان اللي عرض وطول

واول ما بدا بذكر الدرجات سال عني والله واجيك انسلح على الكرسي الى ان رجليني طلعت على اللي قدام اللي قدامي عشان ماشوفن وغمزت للزملاء...............قولوا absent غايب

وفضحني ودرا اللي مادرا من الزملاء بعبقريتي


بس تدرون كم اخذت بالامتحــــــــــــــــان






وش تتوقعون




ما تصدقون





اخذت نصف الدرجه (((((((((( نعمة ونعمة كبيره بعد ))))))) لان السؤال بوااااااااااادي واجابتي بوااااااااااادي ثاني

[ياخلـ(بريدة)فهم]

بسم الله الرحمن الرحيم





السلام عليكم ورحة الله وبركاته ..........



اخباركم ان شالله طيبين ......



البكيراوي وانا هنا اجتمعوا خلاص الله لايضرهم لويقعد المنتدى من دون اعضاء ماضر المنتدى مع كثير احترامي للاعضاء ولايهونون ,هذا يرفع وذا يشووت على مايقولون ماشالله عليكم الله لايضركم قولوا امين .....



بصراحه مشكورين والف الف الف الف شكر على ماتقومون به من جهد جبار وعظيم و مفرح للنفس في الحقيقه ......


ماقول الا الله يسلمكم ويطول اعماركم لخدمة المنتدى واعضاؤه .....




تقبلوا فائق اعجابي وكامل احتراماتي واحر اشواقي وبالغ سلامي .....







والسلام عليكم ورحمة الله وبركاته ..........

[خـــــــــــــــالـــــــــد]

اخي الكريم ....... بريده ياخلفهم

تسلم اخوي وهذا من طيبك

بس يالاخو وين موقفك تذكر لنا لو موقف حصل لاحد الزملاء

[البكيراوي]

بريدة يا خلفهم ...!

هلا بك يا راعـي القصيعه ..

اقول يا ملحك انت وشاشة التلفزيون اللي حاطه بتوقيعك ..

بس وين الغيبات وانا اخووووووك ...

بعدين يا ملا الصــلاح قل امين ..

داخل تضحك عينا وتطلع