&^ رصيف الذاكرة ^&

[طاري الشوق]

بسم الله الرحمن الرحيم

اهلا وسهلا ومرحبا بالجميع لكم هالقصيدة من ديواني الخاص وان شاء الله تعجبكم وتنال استحسانكم تحياتي لكم جميعا


على حافة رصيف الذاكرة وقفت اناجيها
وهي في عالم النسيان تتمشى على سورة
تلاشت عن سما شوفي ظلام البعد كاسيها
يمرابها السحاب وتحتمي به خوف مذعورة
سرى بي هاجس الذكرى على انغام ماضيها
يذكرني اغاني شوقها بالحان مهجورة
اناديها ويرجع لي صدى صوتي واناديها
اخاف اتهزها ريح الجفا وطيح مكسورة
اخاف الي يضحكها يعود يوم يبكيها
وانا ما احبها تبكي دموع الوجد مقهورة
ابيها تلتفت يمي تحاكيني واحاكيها
عساها من ملامح نظرتي تسترجع الصورة
بذكرها زمان فات اخاف الوقت منسيها
ابيها تذكر عهود الغلا وتجدد عصوره
ابيها عن سنين التيه تتوقف خطاويها
ولاتطرد سراب احلامها وتصير مغرورة
ابيها ترجع لواقع غلاي الي يقديها
ولا ابيها تصير لغابة الاوهام مأسورة
الا وان كانها فاقت وخلتني امانيها
عهد مني لاخليها تعيش العمر مسرورة
والبس راسها تاج الغلا والحـب واهديها
ورود من بساتين الغرام العـذب وزهـوره


بقلمي
طاري الشوق

[رباب]

اقتباس: اخاف الي يضحكها يعود يوم يبكيها وانا ما احبها تبكي دموع الوجد مقهورة

المقصود من القصيدة اممممم مبهم
لكن اماني الشاعر أليمة الصرحة
تحس بمعاناة قديمة يحملها
أبياتك (طاري الشوق)
حميلة بشكل عام كما عودتنا
لكن هنا
الابيات لها نغم خاص



. موفق و ننتظر ابداعك

[طاري الشوق]

رباب
صح بدنك على التواجد الكريم وكل الشكر لك على المرور المشرف والحضور الجميل وتسلم على اعجابك واشادتك تحياتي لك

[كروومه]

شكرا لك على هالابداع👌🏻
سلمت اناملك واحساسك
في انتظار جديدك

[طاري الشوق]

كروومه
صح بدنك على التواجد الكريم وكل الشكر لك على المرور المشرف والحضور الجميل وتسلمين على اعجابك واشادتك تحياتي لك

[ميمي نايس]

ابيات جزله صح لسانك ملايين

[طاري الشوق]

ميمي نايس
صح بدنك على التواجد الكريم وكل الشكر لك على المرور المشرف والحضور الجميل وشكرالك على اعجابك واشادتك تحياتي لك