سلام ياطبابيخ
اولا اطبخ بيض مقلي ابرك من برقر كله دهون مشبعة وبلاوي زرقاء
اثنين عليك بالبر انت الي تصلحة من الدقيق الطحين الاسمر وهو بريال بفضل الله
ثلاثه الله الله بالحلب والماش ولحمة الحاشي والكوسة والقرع والخضار بوجه عام
اطبخها باكتم وخلها وجباتك ويبي يعافيك الله سبحانه لان جميع الامراض
هي نتيجة الاكل والاكل فقط التغذية هي الاساس
اما الكبسة والرز النثري
فالطريقة شائعة وكل المطاعم الكبيرة طايحين به لكن هم يضيفون
الماجي الابيض الصيني وهذا يقال انه مضر وهذا سر رزهم بهذا الشكل الغير صحي
والصحي هو التالي /
حط الرز في قدر بدون اي شي ماء وملح خشن وزيت كانولا او دوار الشمس والافضل زيت زيتون
وكثر الماء جداا وخله يغلي بقوة لين يطلع زبد فوق هذا الزبد هو مواد حافظة مضرة
بعد مايطبخ له دقائق شيك عليه باسنانك اولا بتشوف حبة الرز تكون طويلة
ثانيا لما تعض حبة الرز تحس اخر شي مازال فيه صلابه هنا خلاص اشخل الرز
من الماء الابيض الي طلع مع الغلي اشخله تماما
ثم كشن بصل وزبيب والي تبي جزر مبشور مثلا كشنه بزيت زيتون او دور شمس او
زيت الكانولا وهو مفيد جداااا كثر الزيت وهات تكشين وحط بهارات الكشنة
وهي ليمون اسود مطحون وكركم طبيعي وسكر وقليل فلفل اسود
وحط علب او علبين حبحر او اكثر كشنه معه
ثم رش الكشنة فوق الرز المشخول وغطه
وقصر عليه لين ,,,,, ينششش ,,,,, ي ن ش .. يعني يصير له حكاكة شقراء
تعطي نكهة رايقة
بعده شف كيف صارر النثري وادع لي
اذا صار مريس يعني لين بزيادة هذا لانك كثرت عليه الغلي قبل الشخل
وهذا راح تفهمه بالتطبيق مره ومرتين لين يطلع الي انت تبي
اماااا اللحم فنصيحة ابعد عن الدجاج نهائي لانها مليانه مضادات حيوية وغير صحية
واذا تبي دجاج رح لسوق الجمعة اشتر فراخ بلدي اذا مصمم وانت كيفك
واستبدل الدجاج بلحم حاشي لو الساكني من المولات الكبار رخيص
ولو بقيمة الدجاجة عشرة ريال تشتري عظام حاشي ابرك مليون مره
والحاشي يطبخ لحاله بعد مايحط عليه كل اغراضة بصل طماط ليمون وخضار مش مشكله
وملح وبهارات كمون ليمون اسود مسمار دارسين حسب المزاج
المهم انك اذا حطيت كل شي سكرت عليه الكاتم لاعاد تفتحه
لان الحاشي شروه لو تحط عليه ملح وهو يطبخ خلاص // يجزز//
لذاا حط الملح مع اغراضك قبل تقفيل الكاتم والافضل بدون ماء كثر البصل والطماط
واذا تسسسسس قصر عليه واتركه نص ساعة تحصل اللحمة ياعيني مايعة صح
وقيمة غذائية كبيرة
وادعووووو لي يااااا لاجواد تراي احتاج الدعاء
والسلام ختاااام
ورمضان مبارك ع الجميع //
سر الكبسة النثرية .....................ولحمة الحاشي ....
العرض العادي
