اسهر وانا ادري ان السهر يتعب الحال
والعين تصيح من سهرها وجيعه
وامسي وانا ما بين حل وترحال
هذا جفا قلبي وهذا ربيعه
من واهج بالقلب صابه بولوال
وامسيت مثل اللي مضيع قطيعه
وارسلت لك يا راحه الروح مرسال
فوق (اف خمسه ) واقلعت به سريعه
في حسها يوم اقلعت شبه زلزال
متوجهه لدار زين الطبيعه
ابو جعود شوفته تشرح البال
محبوب قلبي دايماً في الطليعه
ياروح روح الروح اشوف العنا طال
واسقيتني من كاس سمك نقيعه
سم الفراق بداخل القلب نزال
ومن بعدكم ضاقت علينا الوسيعه
لا شك انا احبك على كل الاحوال
وباحط لك في الحق شرع وشريعه
على نظام اسسه قبلنا اجيال
ماصح صح وما خطا شلت ريعه
وحذرا حذاري تسمع القيل والقال
كم كلمه هدت حصون منيعه
هذا يدرجها وهذاك شيال
وتجعل علينا للمنافق دريعه
ويحلها ياناعس الطرف حلال
والعهد في شرع المحبين بيعه
العرض العادي
