تفرق القوم بقضاء الوقت مساء ايام العطله وهي كلها اوقات الهدف منها تمضية الوقتت ببلاش
واليك اصنافهم ..
1- قسم ياخذ الفرشه ويفرشها على مسطح سياحي وسط الناس ومعه المعاميل وياما حط المركى يمينه وياما حطه يساره وهات همق ويمكن قزززز للغزلان هنا وهناك .
2- قسم من مول لمول ومن دكان لدكان ومن زنقه لزنقه ويختمونها بوجبه متروسه زيت محروق او حلا كله بلاوي مع مشروب من يد فلبيني غير مسلم وبمبلغ خبطه على الخشه وعاشت امجاد امة ترضى بالاستغلال والضحك على الذقون
3- قسم يستاجرون شاليه بـــــ 400 ريال ويجلسون يتناطرون ووجه سعيد هو سعيد الفرق بي في فارق السنع والشطاره والمجذعه .
4- قسم يتجمعون بالاستراحه وهات نزيف للحسنات من ظهر غافل الى ظهر غافل مع صب شاهي ونبي عشاء ترانا جوعانين .
المضحك ان كل واحد عشائ امه فوق القز لكن الدبره ماهناش دبره .
5- قسم دوران بكل شارع مع فحطه مع كل لفه اوووووووووووووو يااااااولد وهذولاء اكثرهم من المبزره والمراهقين .
6- قسم يطلعون فوق نفود على طريق منور ويشوون ويناظرون بالطبيعه وظلمة الليل الساحره
وهات همق قال فلان وقال علان والمفروض والمفروض ويارجال قرارات عشوائية ههههه وكلها هروج تروح مراح نبح الكلاب وسط ظلام الليل .
7- قسم يسون زيارات للاقارب اصلا اقلوبهم صافيه ومتربين على الود والصلاح وكل يوم في بيت او استراحه وعلى طريقة القطيه وهذولاء
كسببانين اجر وطولة عمر وسعة رزق لكن هذه نسبة لا تتعدى 10 % .
8- قسم لا يطلعون ولا شيء مريحين انفسهم متابعين القنوات ويسون طبخات .
9- قسم عند النت يكتب ويتابع ويرد ويراسل ربعه
ويمر على الصحف الاكترونيه .
10- قسم ترهق وجوههم وعثاء السفر في ا لداخل او الخارج فهم وسط الزحمات والطرق الطوال وكل شوي وقف عند محطه عب بانزين ..
11- قسم ينام بدري ويقوم الساعة 2 يصلي ويناجي ربه ويدعو لنفسه ووالديه والمسلمين .
12- قسم مريض وماغير يقول يارب العافيه يارب العافيه وعسى الله يشفي كل مريض .
في نظره سريعه نجد ان كل الطرق مرادها تضييع الوقت والبحث عن وناسه .
عزيزي العضو اختر البند المتوافق مع مشوارك الليلي .
العرض العادي
