هي حفلات عروس ولا قلة دبره وسنع !!

[القلم الصريح]

مع انهم كبار والاحد عمره فوق الخمسين والستين الا نهم السنع بواد وهم بواد
مع انهم يلبسوم مشالح ولهم شنبات وكروش بعد الا انهم مع الخيل ياشقراء

شوفهم بالعروس مثل الحريم اللي تطلق رايح جاي وياهلا ويامرحبا معلنا حالة الطواري هو وعياله .. وذابح له رعية غنم مااطالع اقصاه وانعام تشبع شعب دولة وليس خمسين او ستين نفر اصلهم جايين شبعانين ماللحمه والرز مكان بوسط بطونهم طول يومم وهم شغلتهم هات المعلف رد المعلف

انشدكم ليش هذولاء كذا مع ان اعمارهم فوق الخمسين !!
وين العقل والقياس ؟ وين الدبره والسنع ؟ وين اكتمال العقل بعد ال40
هالحين وش المهم وراس المال ؟ هو انه يستر بنته وتروح مع زوجها تتونس !! ولا يجمع هالخلق بدايه من المراسيل وحجز القصور ونهاية بشراء الغنم واكياس الرز !!
هذا غير القهاوي والصبابين !! طيب وش عاد يوم جمعهم !!
ان كان قصده مايجي منهم من ( لفزه) يقيس كم خسر من ( كبات دراهم ) وبعد اللي مغليك بيلفز لك من دون هالخساير ( يدل بيتك) وان كان قصده مهايط مادريوا عنك راس مالهم يضقون اللي بصحونك ويغسلون ايدهم ويطلعون والواحد فاتح افمه كيلو بكيلو والمقاش بوسطه نصه دم ههههههه

طااااااااخ طيخ ططططططططططططططاخ طيخ
وانتهت الحفلة والنهاية فاتورة بقيمة ( 50 الف ) لو سدد فيها اقساط المعرس كان فطع من طريق سيهات 345 كيلو متر

كان بامكانه حفلة صغينونة في بيته ولا استراحه والاهم سعادة البنت والزوج لكن !!!!!
اللهم كملنا بعقولنا واجعل الحلم هو شعارنا

مع السلامة .