النساء اطلق من محمد نور !!

[عاشق ديرتي بريده]

المتعارف عليه علمياً

ان الشخص اللي يتمرن تزود لديه اللياقه البدنيه

وان الخمول يضعف اللياقه

ولكن النساء كسرت تلك القاعده

فبعض الرجال يهتم بالمشي ولو كان قليل ويعتبر المشي للصلاة اقل الرياضه لديهم

والنساء لا تعرف من اللياقه شي الا من رحم ربي

وعند خروج النساء مع ازواجهن للسوق تنكسر تلك القاعده

فالمرأه لديها استعداد ان تمشي عشرين كيلو بالاسواق بلا تعب

والرجل اللي معها من اول المشوار يتعب ويفرح اذا دخلت زوجته محل لكي يرتاح قليلاً

مالسر ومالقوه اللي تمتلكها النساء بلياقة المشي وهي معروف عنها الجلسه الطويله بالبيت !

احد الازواج مازحاً يقول زوجتي افضل من اللاعب محمد نور لياقياً بالاسواق !

[ămōяẻ]

ممكن هذه طاقة كامنة,,,,,,,

[مايا]

لا والله نتعب ونمل بعد
بس وش نسوي من يجيب لنا أغراضنا

وقل ماشاء الله لا تنحتنا

[شميساوي]

*,


الجيب لا دخلت به لـ البر ,,,

تلقاه يـ الله يـ الله يمشي ...

بس عطه الـ 4h

اللي هو عشق دبله على الخفيف ,,,

يبدأ يتندح على كيف كيفك ...

هذي المرأه ...

لا شافت السوق تشبك الدبل الخفيف ...

و تلقاه تحوف شـــآرع الصناعه و شارع الملك عبدالعزيز و شارع الملك فيصل

و بدربه و هي رآجعه تمر الحسون سنتر ...

و كأنه قـــآعده ..!!

بدون تعب و لا ملل ...

و أزيدك من الشعر بيت ...

بعضهن الديفلوك (( الدفلك ))

دآيم يشتغل ,,,


*,

[eivl girl]

من سار على الدرب وصل<<تلايطي اولاه
..
لأن له هدف يامس عاشق لكن لو تروح به لااسواق رجاليه ماتكمل خطوتين الا تقولك تعبت

[زين نجد]

أحمد ربك ياعاشق إننا نأخذ طاقة ثياب كاملة ونروح نفصلها للسنة كلها.

ونمرعلى المحل ونأخذ كم شماغ ودرازن ملابس داخليه

وعليها للسنة كلها ما نمر السوق.

والله بعض المرات ترحمهن لأنهن يدورن وبالنهاية ما يحصلن اللي يبن إلا بعد كم روحة أو ينتهي المطاف للرياض بعد.

بصراحة الله يعينهن بس.

[فديكا التميمي]

صادز بالنسبه لي مااتعب لحد ما اركب السياره راجعه
بس لو اروح مع احد وانا مالي حاجه انهبل من اول محل
يعني المهتوي يقطع المستوي ,,,


والله يعيننا على هالسوق اللي كل ماطق عود بعود اشغلتونا عنده
تحلفون مستانسين وحنا نموطه لا وليتنا نطلع بشي ,,,

[Я ę l â ҳ ê]

وش رايك عاشق بالدعاية هذي :
" بايسون كلك حركات "

[ماهي من البشر]

السوق بيوت الشياطين والشياطين مستعده انهم يسوقونبه لتبقى اكثر مما تريد لعل ان يقع في قلبها شئ من الزله
لكن شف عند الطواف صارن العربيات اكثر من اللي يمشون على رجليهم من الكسل حيث انه طاعه

[JησÖ̤̇ση4E̳̐√ΈЯ̤̈̇]

السبب لانه مختبه تمشي بلا عقل وبلا فكر !

كحال اغلب الحريم خبلات فلذا ماتحس بالتعب الا اذا رجعت له بصيرته ههههه


ام الدباشه ياشيخ

الله يشفيهن هذا الي اقوله وياحظ راعين الاسواق رزقهم على هالمجانين تلقاه يغمته بسعر ولا تدري وين الله حاطه

الموضوع يتشعب الله يشفيهم لووول

[مايا]

اقتباس:  المشاركة الأصلية كتبت بواسطة jησö̤̇ση4e̳̐√ΈЯ̤̈̇     السبب لانه مختبه تمشي بلا عقل وبلا فكر ! كحال اغلب الحريم خبلات فلذا ماتحس بالتعب الا اذا رجعت له بصيرته ههههه ام الدباشه ياشيخ الله يشفيهن هذا الي اقوله وياحظ راعين الاسواق رزقهم على هالمجانين تلقاه يغمته بسعر ولا تدري وين الله حاطه الموضوع يتشعب الله يشفيهم لووول

خبلات ودباشة ومجانين خير إن شاء الله
صار اللي يتسوق دبشة و مجنون ؟؟؟
المجنون يقعد ببيتهم
الله يشفيك يااارب

[عاشق الخير]

يقولون المهتوي يقطع المستوي

[تذكار العمر]

ياعمري يا ها الحريم..لا واذا قلت للرجل امش خل عندك لياقه صاير مثلالحرمه يالله يمشي ..اقول بس الله يخلف على .............؟؟؟؟؟؟؟؟

[تركـي]

المفروض يسون كشف للمنشطات للحريم عند كل باب سوق أو مول ..

[Qassimy]

بصراحة
شيء عجيب تجد المرأة مع السوق لا يتسرب إليها الملل لو تجلس تحوس 24 ساعة بعكس الرجل الذي لا يتجاوز الساعة فقط
ثم يدخل إليه الملل والطفش والتأفف من زوجته وتجد الزوجة تقابله (بسم الله تونا داخلين )
المرأة عندها جلد في السوق وتربية الأطفال جلد عجيب يحسدن عليه