يقولون م/ أحمد السلطان في الباي باي قريباً!!!

[اليوكن]

سمعت والعهده على الراوي ( وهو ثقة ) أن احمد السلطان سيغادر منصبه اميناً للمنطقة
ويقولون بعد أنه يمكن يصير امين المدينة المنورة

والمرشح لخلافته المهندس عبد الكريم الفوزان مدير المياه

هل هذا الكلام صحيح

أفتونا

والله ضايقة صدورنا على السلطان وخايفين من هالفوزان ياللي اول ضحاياه يبي يصير المهندس الاحمد وكيل الامين
يقولووووون طبعاً

[خازوق]

ياليت .........من بؤك لباب السماء

[سنعوس1]

سمعنا هالكلام ان السلطان يبي يروح للمدينة المنورة

لكن الفوزان يبي يجي مكانه ؟ هذي مستحيله لآننا سمعنا ان الفوزان تبي تكف يده عن العمل

وان وزير المياه سانده حيثه من ديرته شقرا لكن الشكاوي كثرة عليه وفاحت ريحته

ولا نقول الا اللهم ولي علينا خيارنا ومن يسعون لصالح مدينتنا

[الظـــامي]

السلطان والنعم فيه ..
وإن ذهب فالخلف سيكون من جنسه ..
لكن أجزم أن الفوزان لن يولى منصباً كهذا ..
ومع إحترامنا وتقديرنا له .... لايصلح لهذا المنصب ..
وشكل سنعوس عنده أخبار ما نعرفها ...
وعلى العموم .. أنا لا أثق بكلمة يقولون ...
نسأل الله أن يوفق الجميع لكل خير ...
تحياتي ..

[ابوسليمان22]

يروح واحد ويجي واحد ثاني ولا نشوف الا برسوبس.
او حفريات. مطبات. شوارعن مايله. شوارع ما يمديهم يزفلتونه الا حاطين حفريات .
الا على طاري البلديه ما لقوا الكنز الى الحين.

[الظـــامي]

اقتباس:  المشاركة الأصلية كتبت بواسطة ابوسليمان22     يروح واحد ويجي واحد ثاني ولا نشوف الا برسوبس. او حفريات. مطبات. شوارعن مايله. شوارع ما يمديهم يزفلتونه الا حاطين حفريات . الا على طاري البلديه ما لقوا الكنز الى الحين.

[align=center]
هذه لا أوافقك عليها ..
يبدو أنك لاترى ما يحدث ..
البرسوبس في حكم المنتهي ..
الجهود والتغير واضح جدا منذو مغادرة البليهي جزاه الله خيراً ..
المطبات صحيح .. لكنها ضرورية في ظل هذه الغشامة الشبابية ..
أم الكنز الذي تسأل عنه ... ياليت تدوره عنهم ..
تحياتي لكل واقعي ..

[/align]

[الذئب]

السلطان حسب مصادري التي لاتصل لقوة مصادرك أن السلطان سيذهب للأحسن وليس كما ذكرت في كلمات العنوان التي تحمل سما زعافا

السلطان سيكون معالي في المدينة المنورة

عزيزي ذهب السلطان أو جاء الفوزان او أقيل الأحمد ل هذا مايهمنا

يهمنا الذي يعمل

الفوزان يذكر بخير في المصلحة فلقد جاء بمشاريع كثيرة للمنطقة ولم نعمل عنه إلا خيرا

ومن يخدم جماعته فيما لايضر الآخرين هذه صلة وبر

حتى الآن لم نسمع رأي المتحدث الرسمي للمنتدى عن هذا الموضوع

[سالم الحمد]

السلطان لجهوده آثار ملموسه .....فمن من رؤساء البلديات السابقين او المدراء العامين شكل فريق عمل من الاقسام الخدميه وجاب المنطقه وزار البلديات واجتمع بمسؤليها ووجه بانجاز ما يتم طرحه في الاجتماع وتابع بنفسه القصور في الخدمات وتنفيذ المشاريع انه رجل بكل ما تحمل الكلمه من معنى .

[خبوبي تعاوني]

فعلا على قولة الشيبان عندنا بلدية بريده ما وفتست برئيس زين وصدق كلامهم أول ماجاء السلطان وشفنا جهوده على أرض الواقع بدينا نسمع عن خبر نقله ياناس المدينه المنوره غالية علينا لكن منطقتنا أولى بأبنائها والمدينه يلقون له من أبنائه ممن هم على حماس وقوة السلطان

[ابوقش]

اللهم امين الله يجعل هالخبر يصير صح

[the tiger]

اقتباس:  المشاركة الأصلية كتبت بواسطة الذئب     السلطان حسب مصادري التي لاتصل لقوة مصادرك أن السلطان سيذهب للأحسن وليس كما ذكرت في كلمات العنوان التي تحمل سما زعافا السلطان سيكون معالي في المدينة المنورة عزيزي ذهب السلطان أو جاء الفوزان او أقيل الأحمد ل هذا مايهمنا يهمنا الذي يعمل الفوزان يذكر بخير في المصلحة فلقد جاء بمشاريع كثيرة للمنطقة ولم نعمل عنه إلا خيرا ومن يخدم جماعته فيما لايضر الآخرين هذه صلة وبر حتى الآن لم نسمع رأي المتحدث الرسمي للمنتدى عن هذا الموضوع

كلاااااااااااااام سليم ياذيــــــــــــــب .. وانا اضيف صوتي معك ..

فعلا السلطان ترقى لمنصب معالي .. ونريد له كل خير ..

اما ابو بدر الفوزان .. فهو ماقصر وكثر الله خيره .. اللي قدر انه ياقف ضد من هم يريدون غلغلة المنطقة .. بأساليبهم الملتويه ..

وفعلا (لكل بارز اعداء) ..

[قروي فاهم]

ونعم بالسلطان

وياليت اللي في الباي باي يكون مدير الاراضي في البلديه (ابو عمر ) الهبدان .

على شان المساكين يستلمون المنح ويطلعون الاستمارات اللي مقفلين عليها ويعيشون مثل خلق الله .

والله انه مضيق على المسلمين هو وشلة معه .

رغم انه تمت مسائلتة اكثر من مره وتم التحقيق معه عن طريق لجنه خاصه من الرياض .

الله يجيب اليوم اللي نسمع فيه فصله وليس نقله.

[العضو]

بالنسبة للسلطان ..... اللهم امين الله يجعل هالخبر يصير صح

وللفائدة يوجد بين الفوزان والأحمد سواء تفاهم ( يعني الفوزان لا يريد الأحمد ) من قديم من يوم الاحمد نائباً له في المصلحه .... والاحمد ايام المصلحه فقط يوقع حضور وانصراف ليس لديه اي صلاحيات
وهذا الكلام من احد مدراء الاقسام بالمصلحه !!!

[ابوسليمان22]

الظامي .البرسوبس ملين بريده وش يبي شيله لو يواجرون افغان كان بيومين وهم قاضين عليهن .المطابات تقول حاطينهن للشباب طيب وش رايك بالحفر الي بكل مكان والا الزفلت كله مفلقع .
وبالنسبه للكنز ترى المقوله ماهي من انا من قديم والشيبان يقولونه .وبعدين ابروح انا ادور الكنز بدون ما اشغل خلق الله.

[بريدتي]

الا على طاري الهبدان ماخبرتولي واسطة يكلمه لي عن منحتي .