بنت عمي ياسمين ....!!!

[" TWIX "]

أماآاليا...

اقتباس: جبتهاآا عالجرح ......... في مجتمعي غالبيتهـــــــم معهم هذه الأجهزه من صغيرهم الى كبيرهــــــــم وأعــــــرف بيتـــاً وصل عدد الاجهزه فيهـ الى اثنى عشر.... وأصبح وكأنه من أهم الضرورياات ولاا يكتفى بوااحــــد فلاابد من تذوق جميع الأنواع لكي ينعموا بمااا يسمى بِـ الدعدعه

12 جهاز .. !!
خلاص من بكرا بروح اشتري اسهم شركة الاتصالات ..
شكلهم يتواصلون بالبيت عن طريق الهوز هير ..

اقتباس: لكن بعض العواائل لاا تقدر على سد الكماالياات كماا قلت فـيتحسرون وتتقطع قلوبهم إذاا رأووا أبنائهم هم الوحيدين لاا يملكون مثل غيرهم لكن لو كل أم منعت أبناائهاا من الخروج بهذه الاجهزه خارج البيت لــــــكاان أفضل .... ووقتهاا ترمي عصفورين بحجر تريحهم وتريح غيرهم

يا زين مجتمع المدارس ..
زي واحد " مريول " .. وبس
ما فيه .. بنت فلان وعلَّان .. كلهم سيم .. سيم ..

اقتباس: وايضاا على الأبوين زرع القنااعهـ والاقتنااع والثقهـ لأبناائهم وأنهم تميزوا عن غيرهم بـِ (ويذكر مااتميزوا به )......

صحيح المفروض يزرعون الثقة والقناعة في داخلهم
ولكن لا صار اللي قبالك بزر .. والا عقلية بنت ...؟!!!

اقتباس: والله يرزق أبو نوال من واسع فضلهـ لكي تنعم نوال بـــ آيباد تجخ فيهـ :d

يارب أرزق نوال وأخوتها وأخواتها .. واجعلهم يجخون ..

[كلوز]

*
مآهو آلحل آلأنسب إذاَ ؟

هل يخضع آم يرفض !

[" TWIX "]

كلوز ...

اقتباس: * مآهو آلحل آلأنسب إذاَ ؟ هل يخضع آم يرفض !

الرفض بيده .. لكن الخضوع بعيدا عنه
فالخيار بين يديه ...!!!
إذا رفض ارتاح وتعب غيره .. والعكس بالعكــس

[عزف الحقيقة]

اقتباس: نتحدث عن الطبقية في المجتمع .. وعدم مراعاة العائلة الفقيرة داخل الاسرة الممتدة ..!!

أخي تويكس العائلة الفقيرة للأسف قي مجتمعنا

تحاول أن تخفي فقرها بتحميل نفسها فوق طاقتها

لكي لا يظهر ذلك عليها وكانها لاتعلم أن الفقر ليس عيبا !

[" TWIX "]

عزف الحقيقة...

اقتباس: أخي تويكس العائلة الفقيرة للأسف قي مجتمعنا تحاول أن تخفي فقرها بتحميل نفسها فوق طاقتها لكي لا يظهر ذلك عليها وكانها لاتعلم أن الفقر ليس عيبا !

ليست المشكلة في الرجال .. لأنهم يعرفون ذلك ولديهم قناعة تامة
وايمان بالطبقية داخل أي مجتمع ..!!
لكن المشكلة في وزارة الداخلية في البيت هي اللي تحط رأسها برأس
اللي متوسدين صرافات ..!!

[عذبـــــة]

اقتباس:  المشاركة الأصلية كتبت بواسطة " twix "     لكن المشكلة في وزارة الداخلية في البيت هي اللي تحط رأسها برأس اللي متوسدين صرافات ..!!

ياطعم الشي اذا جاء بعد عناء وزن وهوشات وزعل وترضي تحس بقيمته وتحافظ عليه وتتطعم فيه طول عمرك ولا تنساه لين تموت
وزارة الداخليه اللي تزن وتاخذ بطريقتها اياً كانت .. مبسوطة اكثر من اللي اذا كحت طاح من شنطتها سبعمية ..
ماتحس بقيمة الحاجة اللي معها .. والزوج عندها مثل الصرافه تنغزة ويكب لها من هالخمسمياات .. وكأنه كابن عليها قراطيس
وش سالفة القراطيس اليوم ؟؟

[" TWIX "]

عذبـــــة...

اقتباس: ياطعم الشي اذا جاء بعد عناء وزن وهوشات وزعل وترضي تحس بقيمته وتحافظ عليه وتتطعم فيه طول عمرك ولا تنساه لين تموت وزارة الداخليه اللي تزن وتاخذ بطريقتها اياً كانت .. مبسوطة اكثر من اللي اذا كحت طاح من شنطتها سبعمية .. ماتحس بقيمة الحاجة اللي معها .. والزوج عندها مثل الصرافه تنغزة ويكب لها من هالخمسمياات .. وكأنه كابن عليها قراطيس وش سالفة القراطيس اليوم ؟؟

ماعليك زود .. وصح ألسانك .. وفالك قرطاسة أم خمسمية ..
ماجاء بالسهل يروح بالسهل .. دائما ابناء الفقراء ومتوسطي الدخل هم أسعد الناس
لأنهم يصرفون سعادتهم بقدر مابين أيديهم .. فالله خلقهم فقراء وأعطاهم القناعة
والرضى .
وزيرة الداخلية ..
تصرف بالهبل لأنها ما قامت الصبح للساعة 2 ونص .. وزيرات الدخلية الثانيات
اللي يعملن يصرفن على عيالهن بطريقة المغذي .. عملية التنقيط ..

[باسل سديم]

(يعني كل ماصاح بزر عطيناه مطلبه هووووو وكوني
اجل وش خلينا للتربية

مامثل قولت : الله كريم يا بنيتي مامعناش قروشهن )

طبعا كذا نربي اولادنا على عدم الدلع وان الحياة مو بهالبساطه.
وبكذا حلينا المشكلة وطلعوا عيالنا سنعين وصاملين


احم كح القهوة يا هيش

[" TWIX "]

باسل سديم

اقتباس: (يعني كل ماصاح بزر عطيناه مطلبه هووووو وكوني اجل وش خلينا للتربية مامثل قولت : الله كريم يا بنيتي مامعناش قروشهن )

( إن ما طاعك الزمن وإلا طعه )
هذا وقت المثل .. يجب على كل أحد أن يستلف لين يدخل أقرب زنزانة ..
المسالة .. خاربة .. خاربة ..!!

اقتباس: طبعا كذا نربي اولادنا على عدم الدلع وان الحياة مو بهالبساطه. وبكذا حلينا المشكلة وطلعوا عيالنا سنعين وصاملين احم كح القهوة يا هيش

اللي قبالك .. بنت وبزر .. وين الأذن اللي تسمع والقلب اللي يعي ...؟!!!

[كاردكس]

هين الايبود مقدور عليه لو تسلف الواحد الحسى اخوى يبى سياره مثل ولد عمى fj وهناكياه يرغى رغيان ولايبى يكمل دراسته ولاينفع به تسكيت ولاتدليه وهرر كبر الجدار لاينقوى الله يخارجنا

[" TWIX "]

كاردكس...

اقتباس: هين الايبود مقدور عليه لو تسلف الواحد الحسى اخوى يبى سياره مثل ولد عمى fj وهناكياه يرغى رغيان ولايبى يكمل دراسته ولاينفع به تسكيت ولاتدليه وهرر كبر الجدار لاينقوى الله يخارجنا

جيران أختي لهم ولد مدللته أمه لنعلة
جلس يبكي يبي جيب ربع .. وقال : والله لو ما تشترون لي جيب
لا أروح أبيع كليتي واشتري جيب ..
وبعدها اجتماع طاريء لأفراد العائلة والعمومة والخوال .. وتقاطوا
وحفظوا الكلية من البيع وحقنوا الدم والدمع ...!!!
أعرضي على أخوك عليه يبيع كليته .. لكن خبروا للي يبي يشتري كليته أنه متوحم
في FJ ..

[جبل السكر]

تويكس
صباحك خير ورضا وسعاده
وكل سنه وإنت طيب

الحفاظ على ميزانية الأسره والتخطيط الجيد لها
وبطريقه علميه ناجحه مسؤلية الزوجين وليست وزارة الداخليه الملامه وحدها في التبذير
شوف الأب هنا كيف تصرف وايش كان رده ماقال (ماعندنا)
قال (خلصت) يعني في قادم الأيام تكون الفلوس
حاضره والراتب يادوب يكفي للمستلزمات الأساسيه
ليه مافهمها ضيق ذات اليد
وعلمها القناعه
ومش كل حاجه ترموها على عاتق المسكينه
والتعاون مطلب لكن مين يفهم

[" TWIX "]

جبل السكر...

اقتباس: تويكس صباحك خير ورضا وسعاده وكل سنه وإنت طيب

وأنت بخير وسلامة ..

اقتباس: الحفاظ على ميزانية الأسره والتخطيط الجيد لها وبطريقه علميه ناجحه مسؤلية الزوجين وليست وزارة الداخليه الملامه وحدها في التبذير شوف الأب هنا كيف تصرف وايش كان رده ماقال (ماعندنا) قال (خلصت) يعني في قادم الأيام تكون الفلوس حاضره والراتب يادوب يكفي للمستلزمات الأساسيه ليه مافهمها ضيق ذات اليد وعلمها القناعه ومش كل حاجه ترموها على عاتق المسكينه

اقتباس: والتعاون مطلب لكن مين يفهم

الزوجة تملك ( فم ) لا يعرف إلا هات وجب
الزوجات .. عندهن أسراف عجيب .. وكثرت طلبات ع الفاضي
مدري تخاف يتزوج عليها فارس الأحلام .. وإلا على شان ما يلاقي
فلوس ولا يسافر .. مايصرف على الاسرة خلال شهر أصرفه على مدينة
صومالية بالكامل .. شكل الآية مامرت عليهن ولا كد قرنها ( ولا تسرفوا إن الله لا يحب المسرفين )
يمكن يحسن إن الاسراف في ترك بزبوز الماء مفتوحا ..!!
جبل سكر / تدافعين لأنك من ضمن الطابور .. لو سكت الزوجة كان
الزوج يسلف الراجحي من غناه .. لكن عنده مزمزيل / هات وجب ..

[احمد النجم]

اقتباس: " TWIX "

هالحين متى تبي تسري!

طلعت الشمس!

<< أخاف مثل موضوع الامس قرأت اوله ..
ويوم شيكت الظهر عليه أثره صاف مع اللي أطلق النار بجده

[" TWIX "]

احمد النجم...

اقتباس: هالحين متى تبي تسري!

اليوم ورديتي ..

اقتباس: طلعت الشمس! << أخاف مثل موضوع الامس

تصلح شاعر .. أنت اجزم وأنا أتبناك .. حط شنب وميل العقال والسبحة وبطير بك
لشاعر المليون .. وبدعمك بطاقات سوا .. وبروح يوم الجمعة للخبيب ووزع على
كل بنقالي هناك بطاقة منها يرشحك ومنها يطمئن على أم بنقوله في كيرلا ..

اقتباس: قرأت اوله .. ويوم شيكت الظهر عليه أثره صاف مع اللي أطلق النار بجده

لكن ..
أبشرك مافيه أصابات بالغة أبدا .. بس زلغ بالركبة ..