أسماء المحلات في بريدة .. من أين ؟! و إلى أين ؟!

[أبوفالح]

[align=center]


والله يا خوفي أنك تسوقين من ورانا

قرار .. أنت تحت المراقبة

يعني بالله عليك وشلون جمعت هذا الكم الهائل من الأسماء الغريبة

ماخليتي جخر ولا شارع ولا منطقة إلا جبتي أمنه شئ

عموماً .. أنا أرشحك توزعين جريدة الوسيلة



نرجع لسالفة الأسماء الغريبة

في نظري أن الأسماء المغرقة في غرابتها ذكاء تجاري لا عيب فيه

يعني بالله عليك .. تبين شاب أمسرح أشعيراته ومضيق ثوبه ومسوي مكياج لخشيشته وخاصه الشفايف .. لا ماهي واقفه على هاذي

الشريط اللي بالسيارة دسكو أجنبي .. والخصر يا عيني يهز على الرتم .. من يطول تطور وثقافة ولد شريفة .

يعني ها لشاب المسكين تفكرين يطيعه قلبه يتعشى عند ( مطعم جدودنا ) أو ( البحار ) .. عيب عليك مب هذا ذائقته ومقامه

يعني أنتي بعقلك تبينه يتعشى كبسه .. الله يحوم سبدك .

العشاء الراقي لا يكون إلاّ من سينيز أو فيشون .. و لا بأس في كودو

حتى أسم المطعم يجد لذه ومتعة في نطقة بطرف اللسان ( شو رايكم شباب نتعش في سينييييز )

لكن مطعم ( بيت المندي ) .. صراحة أيفشل نطقه .. عاد وشلون تبينه يتعشى فيه

( صدقوني حقائق )

وذا جينا للمعاريس واللي طافين بالرومانسية مع وجود بعض الكلفة وعدم الميانة ..

ضروري يعبر العريس عن ثقافته ورتياده المطاعم الهلامية والحديثة ولتي أحدها اسمه سينيييز .. طبعاً ينطقه بثقة متناهية

لكن خليها تروح الطفه .. تبي تصير السالفة بخاري ومطبق .. وذا لعب بالريال والطلعات زرق الطازج .

عموماً أنا أحبيت أقول : غرابة الأسماء أملاها تعلق الناس بهذه الغرابة .

ومن يبحث عن الربحية وكثرة المرتاد .. لن يجعل وضوح الاسم وعربيته حجر عثره في طريق ما يسعى إليه

حتى لو إيسمي ( مطعم كونديليزرايت ) .. ما يلام إذا كان يحقق ربح أكثر من اسم ( السماحة والرخاء )


تصبحون عل خير [/align]

[شامة]

السلام عليكم و رحمة الله و بركاته

و هل هناك محلات للحلويات

[الذاهبة]

و عليكم السالااااام ورحمة الله و بركاته


حياك الله أبو فالح

نعم أنا أسوق

بس أسوق بعير مو سيارة


وجهة نظرك قد تكون صحيحة لكن مو من زين اسم سيزيز و سيزى و الخرابيط الثانية

يعني بالعكس احسه بيتفشل مايدري كيف تنطق !!



أنا بقترح عليك اسم .. و اتمنى انه يعجبك

( زومبي ) للألعاب و الترفيه ؟!


شاكرة لك زيارتك واضافتك

تصبح على نوراااااات

[الذاهبة]

و عليكم السلام و رحمة الله و بركاته . .

حياك الله يا شامة ..




حلويات مادري و الله .. اتصلي على 905