حافز زوجي ..!

[أبوبسام]

اقتباس:  المشاركة الأصلية كتبت بواسطة تَـرفْ ♪     - استغرب من كتابة الخبر وكأنه شيء غريب ! آغلب اللي اعرفهم يسون كذا لزوجاتهم إذا كانوا مو موظفات كل من سواها يرتاح من زوجته كل شهر تستلم راتبها , وماتطالب بغيره

وليش حتى نقول ( يرتاح ) ..؟
كأن الواجب ( الآن ) أصبح همّ وثقل وشيء مذمومٌ ذِكره ..!

أما عن الاستغراب عن كتابة الخبر؛ فالعيار اللي مايصيب يدوش، أو حتى العيار الكاذب قد يُوقظ الشخص الصادق، يعني الخبر لو كذب؛ ربما يكون تلميحات لمن كان له قلب، وبعدين تقولين غالبيتهم يسوون كذا مع زوجاتهم الغير موظفات؛ لعلمك أخيتي أطلعت على عشرات التقارير الشرعية بحكم تواجدي الدائم في مُحاماةٍ أمام القضاء، والله العظيم الكثير منهن تأخذ ــ من عيون وقلب زوجها ــ مصروف شهري ثابت وهي تتقاضي إلى 11.000 ريال شهري، وولي أمرها كتب أمامنا، يلزمك مصروف كذا وكذا، وعدم كذا كذا من راتبها أو عملها ..!
مرورك جميل، وإضافتك أجمل ... سترك الله دين ودٌنيا ..!

[أبوبسام]

اقتباس:  المشاركة الأصلية كتبت بواسطة بسومة بريده     المفروض جميع الازواج يسوونها سواء كانت الزوجة ربة بيت او موظفه فهذا مصروفهاالواجب عليه...

الواجب، يظل واجب، وليس شرطاً بتحديد قيمة معينة بزمنٍ معين، فإلى من تلجأ تلك المرأة ..؟
لها احتياجاتها، كما للزوج الاحتياجات الضرورية والترفيهية والترفية كذلك .. ولها رغباتها كما للزوج رغباته ..!

من فوق الرصيف :
لي طلب أُخيتي بسومة، وهو أطلب إرسال مقطع صوتي للأنشودة التي في التوقيع، لو ما عليك كلافة، وربي يزيل همك، ويكفيك ما أَهمَّكِ ..!

[أبوبسام]

اقتباس:  المشاركة الأصلية كتبت بواسطة نبراس القصيم     هذه راح تستلم حافز مدى الحياة لكن المسكينات اللواتي بعد سنة وينقطع حافز

أسأل الله بمنه وكرمه، أن يكرمهن من عنده ..
أشكرك نبراسنا من القلب ..

[أبوبسام]

اقتباس:  المشاركة الأصلية كتبت بواسطة فانتازيا إعلامي     سؤال يفتح أفاق كبيرة .. لكن خلنا بسطحيته ( تصرف فيه من التقدير والاحترام والود الشيء الكثير ) عربون ضمان لنوع من الاستقرار .. الف شكر .

كثير من الأزواج اللي ( هابطين )، يكرهون مسألة عطني وأعطيك أو حقي وحقك، وماشية أمورهم من 30 سنة لله الحمد على اتمَّ مايُرام، وعلى قولتك ( عربون ضمان )، قد تكون عادة حسنة دائمة ( ورمزية ) تزيد العلاقة بين الطرفين، وبعض الحريم الطيبات والله يرضيهن أية شيء، يعني بعضهم ينوع بحياته أسبوعياً طلعات وكشتات خفيفة أو زيارة مطاعم عائلية من باب التجديد، وهذه التجديدات والتغييرات تغنيها العُمر كله عن مقابل مادي أو عيني ..!

[أبوبسام]

اقتباس:  المشاركة الأصلية كتبت بواسطة روح لايسعهآ جسـد     ههه هذا يبي يوفر على روحه لان الزوجه اصلا تصرف اكثر من الفين ريال بالشهر

ياحبي لهن، والله يابعضهن لو تجمع مصاريفها النقدية بالشهر ماجت 150 ريال، أي شي يرضيها، دام العلوم الغانمة موجودة وبين يديها متى مابغتهن ..!
شكراً أخي روح ...

[البراق999]

احترم هذا الزوج واقدر له مافعله

ولكن بنظري ان الكثير من الازواج ينفقون على ازواجهم اكثر بكثير مما يعطيه حافز وانا اقول ان تحديد مبلغ معين للزوجة كما فعله الزوج مدى الحياة فارى انه تصرف خاطي فهل هذا الوعد سيبقى حتى بعد تقاعد الزوج ؟؟
وهل الزوجة سوف تعذر زوجها في حال تأخر الزوج عن اعطاء الزوجة مصروفها الشهري لظرف قد يطراء ؟؟
في الغالب ان المرأة تصرف على نفسها وعلى اولادها وخاصة في الملابس والكماليات مبالغ اكثر بكثير من هذا المبلغ ويكفى بس حضور مناسبة زواج واحد فقط وكم سيكلف ؟؟

اللي اراه ان هذا الزوج وضع نفسه في موضع محرج .

تحيتي وتقديري للجميع

[أبوبسام]

اقتباس:  المشاركة الأصلية كتبت بواسطة تحدوها البشر     صدق مافيكم يا مجتمعنا السعودي شكر .... مهب كلهم بوركتِ من سيدة .. وكأنك تشوفني ابو بسام بنزل موضوع مقطع عن الوليد وتواضعه.. والناس واضعه المقطع تفسر تواضعه للناس اهانة لهم..!! الناس لها أفهامها التي اعتادوا عليها .. فيوجد من الناس من تعوَّد على مسميات ومفاهيم توارثها أباً عن جدّ عن صديق، فلا ملامة عليهم، فهم ضحية فكر وتفكير ..! عموما جزاه الله عن المسلمه كل خير ...2000 ريال عن نفسي اول مرة ومتأكدة ان الكثير مثلي اول مرة اشوف زوج يعطي زوجته مصروف شهري بهالمبلغ ألفين ريال... بعضهم ينفق 5000 شهري وهو ما يدري، ولاحسّ؛ لأن الزوجة تستأهل، أو إن الـ 5000 ريال عنده كأنه 350 ريال عندي وعند البعض .. اكبر مبلغ مصروف للزوجات من ازواجهن هو الف ريال فقط .. اما البقيه اتحدى يتعدى 500 ريال فأقل .شهريا .. حتى لو معاش الزوج 20 الف .. مصروفها 300 ...250 ريال فقط .. ليُنفق ذو سعةٍ من سعته ..! كلن على قدهـ عن قولة مالها مصروف فقط ... لكن بالطبع هو اللي يدفع مصاريف جوالها ومسلتزماتها جميعا من ملابس وغيرها.. هالمصروف ما تحتاجه بشي ابدا ..

عسى الله يديم المعروف، أما القروش فهي سبب ووسيلة ..
ألف شكر لك أخيتي تحدوها ..!

[أبوبسام]

اقتباس:  المشاركة الأصلية كتبت بواسطة طقاقة بدون مايك     يممه وش هالعيآرة ! ! !...‘‘..‘‘!!~

لابد من العيارة، وش حنا بلياهـ ..
ساعة وساعة، وشوفة عينك هُجرت غالبية المنتديات المليئة بـ ( القرق ) الفكري والحواري، الناس بلشتن بأرواحه تبي من يوسع صدورهم، ويفل حجاجهم ..!
شكراً طقاقة .. مقدر إضافتك تلكـ ..

[جلوي العتيبي]

اقتباس:  المشاركة الأصلية كتبت بواسطة أبوبسام     وليش مانقول ( واجبه ) بدال مايضنها البعض ( جدعت هم ) ..؟ بتله البعض بلسانه كلمة ( ودي أفتك ) من منهم ..! وكثير ولله الحمد لهم عادة متخذينها من الأساس عبادة، وهي النفقة المُخصصة بمبلغ معين بوزمن معين ... أشكرك أستاذي جلوي، وجيتك هنا على عيني ورأسي ..

لاشك أنه واجب وحق من حقوق الزوجة وكل رجل عاقل وشهم يدفعه بكل سرور وكما قال المصطفى صلى الله عليه وسلم (خيركم خيركم لأهله)

لكنني ربطت الأمر بحافز فبدلاً من أن تفكر وتردد هذه الزوجه : حافز ..حافز..حافز ريح راسه وثبت لها حافز شخصي .

أنت ماتعرف الحريم يابوبسام اللي قبل 10 سنين ماتنساه ماشاء الله وراك ماسويت لي ووراك لكن مع ذلك هن الغاليات والكريمات (الخوف زين)

[أبوبسام]

اقتباس:  المشاركة الأصلية كتبت بواسطة مستقل     الحقيقه ان الزوجه ام الاولاد تستحق اكثر من الفين لان دورها في البيت والمنزل دور لايقوم به عشرين خادمه وعشرين مربيه فهو حمل ثقيل لان الامومه اخطر وظيفه في المجتمعات البشريه كما قرر ذلك علم الاجتماع الأصل أن يُحضر للزوجة خادمة ..

اقتباس:  المشاركة الأصلية كتبت بواسطة مستقل     فواجبات البيت اليوم التربويه والمتابعه تحتاج الى جهد مضاعف ولذا كان حق الام اكثر من حق الاب بثلاثة اضعاف وخصوصا واجب المذاكره للابناء حيث ان الاحصائيات في كل دول العالم تؤكد على ان الام هي المدرسه الاولي للطفل

جواباً للجزء الأخير من مشاركتك يا أخي الكريم مستقل ..
كتبت موضوع بعنوان :

وما أكثرهن ...

ولد صغير سأل أبوهـ : يبه ~ وش يعني رجال ..؟
قال له أبوه :
الرجال ياوليدي هو الشخص القوي بين عياله، والمسؤول عنهم ويؤدبهم عند الغلط،
ويهتم بدراستهم .. ويشوف احتياجاتهم ويصرف عليهم، ويلبي طلباتهم ...
ويسهر على راحتهم، ويهتم بشؤونهم مع المدرسة والمعلمين ..!
قال الولد :
يبه .. ودي أصير رجال مثل أمي ..!

[أبوعبدالله ـ]

أحسنت أخي أبو بسام،
عسى أن تفرح به النساء،

إلا أني قد أذكرك يوماً من الأيام،
بأنه سوف يلتف عليها ساعة من ليل أو نهار،

وينتزع ما بيدها،
بل ربما كسرها كما تكسر الحصالة!
وأخذه عنوة،


لكن إن شاء الله أنه مخصص لها،
ليكون ملكية خاصة،
لها حرية التصرف فيه،

شكراً لك أخي،

[مستقل]

اقتباس:  المشاركة الأصلية كتبت بواسطة أبوبسام     جواباً للجزء الأخير من مشاركتك يا أخي الكريم مستقل .. كتبت موضوع بعنوان : وما أكثرهن ... ولد صغير سأل أبوهـ : يبه ~ وش يعني رجال ..؟ قال له أبوه : الرجال ياوليدي هو الشخص القوي بين عياله، والمسؤول عنهم ويؤدبهم عند الغلط، ويهتم بدراستهم .. ويشوف احتياجاتهم ويصرف عليهم، ويلبي طلباتهم ... ويسهر على راحتهم، ويهتم بشؤونهم مع المدرسة والمعلمين ..! قال الولد : يبه .. ودي أصير رجال مثل أمي ..!

ههههه

صدقت ولكن السؤال الذي يسدح نفسه


هل الام اليوم تقوم بهذه الوظيفه ام لا تقوم بها ؟؟؟

[أبوبسام]

اقتباس:  المشاركة الأصلية كتبت بواسطة قلب صدام     اخاف تقول هذولي عن حافز مالك دخل فيهن عطني المصروف

ياساتر ..
هذي ودك توظفه عندك بالبيت ( عطه بقدر ماتعطيك ) وكلشن بحقه ..!
الله لايجيب هالشيء .. شكرا عزيزي قلب صدام ..

[أبوبسام]

اقتباس:  المشاركة الأصلية كتبت بواسطة مستقل     صدقت ولكن السؤال الذي يسدح نفسه هل الام اليوم تقوم بهذه الوظيفه ام لا تقوم بها ؟؟؟

نعم تقوم ..

بواسطة التحكم عن بُعد ( بالآيفون ) ..

[أبوبسام]

اقتباس:  المشاركة الأصلية كتبت بواسطة جلوي الشقير     لاشك أنه واجب وحق من حقوق الزوجة وكل رجل عاقل وشهم يدفعه بكل سرور وكما قال المصطفى صلى الله عليه وسلم (خيركم خيركم لأهله) لكنني ربطت الأمر بحافز فبدلاً من أن تفكر وتردد هذه الزوجه : حافز ..حافز..حافز ريح راسه وثبت لها حافز شخصي . أنت ماتعرف الحريم يابوبسام اللي قبل 10 سنين ماتنساه ماشاء الله وراك ماسويت لي ووراك لكن مع ذلك هن الغاليات والكريمات (الخوف زين)

قال إيه .. قال ينسن ..

والله إن تجيب نكبتك لها عام 1417هـ يوم تسافرون لمكة، يوم تروح عنه تمدي الصلاة بالحرم، وتتركه بالشقة لحاله مدة ساعة، وهي نيمة ماله خلق وتعبانه من جيته أمس من العمرة ..!

والخوف ترى مو لازم وبس؛ إلا والله واجب بحالات كثيرة، لازم المُدارة والتورية وناخوك .. ومن خاف سلم ( إقرب من الخوف تأمن ) ..

عموماً قلَّ من يعمل بـ ( خيركم لأهله ) .. تجده يالاسم مع ( سلق الاستراحة ــ أعزكم الله ) .. ومع عشيرته وحليلته رسمي وموي عم عليهم ..!