مارأيكم بالمتزوجين اللي يسولفون بالمنتديات؟؟؟

[نــف نــف]

آلي حـآفظ نفسه حـآفظ نفسه سوآء متزوجه ولا ماتزوجت .,!!
وعن نفسي لو تـزوجت عـآدي عندي رجلي يدخل آلنت

[الأرجوانه]

هه ياويلي وليش ماتبينهم يسولفون !
خليهم يسولفون ويوسعون صدورهم
واللي متزوج واللي ماتزوج كلن له حدوده بالسواليف مع الجنس الآخر
سواء تزوج او لآ ..
(:
,
تقبلي مروري

[كفاني عذاب]

مثلها مثل اي فتاة سوا متزوجه ام لا
لكن بحق ان تعطي حقوق زوجها كاملتاً

[مخملية روح]

اللي راعي سواليف يسولف بكل مكان ...

[أبوطــارق]

منتديات عن منتديات تختلف ، ولو كان بالأمكان اقنعها ما تشترك بالمنتديات يكون نور على نور .

[التنين الصيني]

" الإثم ما حاك في نفسك وكرهت ان يطلع عليه الناس "

والرقابة الذاتية للفرد سواء كان متزوجا او لا ..... مطلوبة

ويجب على الشخص معرفة حدودة .... ولا يتعداها ...

.......

ومثل ما قال بعض الأعضاء .... " راعي الكلام بيتكلم بالنت او غيره "

سي يو ...

[بريداويهـ]

نوعاً ما الموضوع يعطي فكره سيئه عن النت

النت وانا اختك اراه بحر معرفي واسع ليس له قرار

وفيه مشكله صغيره وهي ان كثير يستخدمون هالتقنيه استخدام سيئ

يعني
الاساس انه عادي كل شي عادي وهي عباره عن معرفه وتبادل خبرات (علميه - حياتيه - معرفيه اجتماعيه - ...)
دام ذلك يتم بالعلانيه

لكن الخفاء هو المعظله


عموما
اي شخص يقوم باتصالاته خفيه وليس علناً فذلك دليل وجود خطأ يجب تصحيحه

وبذلك لايمنع الزواج الازواج دخلو النت والنهل من بحوره المعرفيه .

[Miss Tala]

اللي يتزوج لايدخل المنتدى كله بكبره .............
ههههههههه



ادخلوا بس و وسعوا صدوركم ...وسولفوا عالعام ..يعني وشوله الخاص ماله داعي اصلا

[اميرة الابتسامه]

عالعاااااااااااااااام عادي ومابه شي تفيد وتستفيد
لكن عالخاص مال امه داااااااااااااعي بصراحه

[زمن الغرباء]

المتزوج والغير متزوج
كلهم ماله داعي يتجاوزون الحدود بالمزح ؟

استاذ هلاوين

اقتباس: بالنسبة للرجل ما اخذ موافقه من زوجته علشان يدخل والمرأة لو عندها رجل مادخلت

معليش
ودي أدري وش معنى هالاقتباس ؟


استاذ زين نجد

اقتباس: على المرأة ألا تخضع بالقول وتكثر النقاش..

هي كتابة ياأستاذ مو صوت ؟
وكثرة النقاش الغير هادف ماله داعي سواء من المرأة أو الرجل ..

موفقة عزيزتي
وااعتذر على التدخل ,,

[ابو ضــــرس]

اقتباس:  المشاركة الأصلية كتبت بواسطة هلاوين     والمرأة لو عندها رجل مادخلت شكرا لك مجودي

يعني بكلامك هذا سلمك ربي ان جميع المتزوجااات اللي يدخلن النت رجالهن ماهو رجال (( هذا حسب فهمي لكلامك ))

ارجو التوضيح اذا كنت مخطي

[ابو ضــــرس]

اقتباس:  المشاركة الأصلية كتبت بواسطة فوشيا     تختلف الاهداف والاسلوب في المنتديات هناك من عنده ثقه بنفسه ولا يهمه ااقرأ وش يكتب ويتعامل بحترام مافيه مشكلة نا شخصيا مستقبلا اذا انا واثقه فيه ماعندي مشكلة اما اذا خربط ياويله هههه بذكر لك مثال مثال اختي تدخل منتديات هي وزوجها واوقات يقرا وش تكتب وهي تقرا وش يكتب يعني فيه ثقه وعادي جدا الموضوع اما اللي بيخربط هذا بيكون عنده الف طريقه وطريقه حتى لو حاولت تمنعه بيدخل محد يقدر يمنع احد الا الانسان ذاته

طيب اليست الثقه المفرطه ربما تودي صاااحبها الى المهالك

والموضوع يخص على اللذين وثقوا فيهم ازواجهم وماصارواعلى قد الثقه
يعني خانوا ازواجهم بكثر الكلام مع الرجال وربما بالخضوع بالكلام وهذا مشاهد ماحد يقدر ينكره فكم من عضوه متزوجه ردوده فيها خضوح
والزوج ماهو صاااير عند زوجته 24 ساااعه

[مدرعمهـ]

اذا سوالف عامه فهو عادي مافيها شيئ
للمعلومية الحين اكثر من يدخل المنتديات المتزوحين
شكرآآ

[ابو ضــــرس]

اقتباس:  المشاركة الأصلية كتبت بواسطة دِيم     فعلاً خطأ كبير .. جـــداً .. + أكيد يبين المحترمة من غيرها .. تحية لطرحك الغيور .. ,

والله لم اطرح الموضوع الا عندما رايت خضوع بعض العضوااات في بعض الردود والممازحه مع بعض الاعضاء بل والضحك بل ومدح العضو بل تلقينه تدلله باسمه وتلقين هاذي العضوه متزوجه
والله قهر

[ابو ضــــرس]

اقتباس:  المشاركة الأصلية كتبت بواسطة جراحة قلب     من المفروض إنه لما يجلس الزوج أو الزوجه أمام النت يكون كل منهما بجانب الأخر ويشرف ع الردود ........

اذا كان كذا لازم الزوج يجلس بجنب زوجته صار مافيه ثقه بينهم وربما يزود الامر بينهم تعنت وعناااد خاصه اذا رات الزوجه عدم ثقة زوجها فيها

ليش ماتقولين المفروض الزوجه تحترم الامانه التي في عاتقها وتكون قد الامانه وهو عدم خيااانة زوجها بالسواليف والخضوع بالكلام مع الاعضاء