سلاااااااااااااااااااااااااااام لكل الاعضاء وخصوصا حبايبي المشرفين
هذه مذكرات ونصائح لطلاب العربجة المستجدين علشان اذا راحوا يعرجبون ما يتفشلون لان العرجبة كيان ولها عادات وتقاليد
طبعا انا اتكلم عن تجربة ومشاهدة وسماع وقراءة :
في البداية اذا بغيت تصير عربجي لازم يكون معك سيارة كشخه علشان لو خطمت على احد او صدمته ما يقولك شئ لان سيارتك تشفع لك ...
(طبعا لازم تصطدم في البداية لانه من مميزات العربجي الغشامة )
ولازم تكون سيارتك مضلله ويستحسن لو تكون التضليلة ( زيرو زيرو تو )
وبعدين اشتري اخر شريط اغاني نزل للسوق وشغله على اخر شئ علشان اذا مريت في اي مكان تهز الارض وكلن يناظرك ....
اوووووووووه نسيتاقولك وش لازم تلبس :
لازم تكون لابس جنز وفانيلة ( بدي ) ولابس كاب يكون لونه كحلي او على حسب ذوقك ...
ولا تنسى يكون معك قارورة ماء تكون ماسكها دايم ومهب لازم تشرب منه
//////////////////////
والان ننتقل للبرنامج الاسبوعي للعربجي في بريدة :
///////////////////
يوم السبت والاحد والاثنين والثلاثاء :
دوران بطريق الامير عبد الله من الساعة 11 الى الساعة 2 ليلا ...
طبعا فيه شرطة يفرقون اللي يدورون ولكن هذا لا يمنع الدوران:
يعني اذا جت الشرطة لطريق الامير عبد الله ينتقل الدوران الى شارع التخصصي
واذا جت الشرطة لشارع التخصصي ينتقل الدوران لطريق الشاحنات ....
وعلى العموم خلك مع الناس لا تبعد عنهم علشان اذا راحوا لمكان تروح معهم ولا تضيعهم
/////////////////////
اما ايام الاربعاء والخميس :
يكون الدوران والتطعيس بطريق الربيعية ويستحسن تجي بجيب علشان تطعس او على الاقل تدخل بالرمل وتقرب لم اللي يطعسون لان الدوريات يمنع الوقوف على طرف الطريق .....
واذا كان ما عندك جيب وقف سيارتك بعيد وتعال رجلية
لم التطعيس وخلك واقف مع الناس مثلك مثل غيرك ولا تستحي لانه كثير اللي مثلك ما عندهم جيوب ....
طبعا تجلس هنا حتى الفجر .....
وبعد صلاة الفجر تنطلق لم طريق الهلالية بسرعة لانه اول ما تطلع الشمس يبدأ التفحيط والا ترى يبي يفوتك الاستعراض القوي :
تجلس بطريق الهلالية الين يخلص التفحيط واذا جاك النوم لا تروح تنام لانه هذا من خوارم العربجة
ويستحسن بدال منتب جالس تناظر ..... انك تشغل السيارة وتلحق اللي يفحط وتسقط عليه وتشربك قدامه
عاد اذا خلص التفحيط وانتهى الاستعراض علطوووووول تروح لزهرة بريدة وتطلب كبدة ومقلقل وحمضيات وتاكلهن عنده ...
همن خلاص تروح لبيتكم وحاول تدخل بشويش علشان ما يدري بك احد من اهلك عاد اذا طاح بك ابوك وعطاك طراق عادي لا تاكل هم لانك منتب اول واحد يمسح بوجهه الارض
//////////////////
اما يوم الجمعة :
يبدأ البرنامج من بعد صلاة الجمعة ...
وذلك بعد ما تاخذ معك زمزمية شاهي تنطلق الى صعافيق وراح تشوف هناك التطعيس على اصوله .... طبعا نفوووووووود ام دبابه ما تشوف أخره ومع كذا فيه الجيوب المرهمه ترقى النفود بدون ما تاخذ عزم طبعا الله يخلي المراوح والكروسين اللي يحطونه بهمن ....
و جيب الربع (الجديد بس ) ولا يهون الشيروكي يرقى النفود بس لازم يركب كفرات عراض ومراوح وياخذعزم من بعييييييييييد .....
لازم تجلس هنا الين تغيب الشمس وبعدين تتكل لاهلك ....
تقريبا ما يمديك تاصل اهلك الا بعد العشاء طبعا هذا اذا ما مريت المقهى اللي على الطريق:
على فكرة احيانا ما يكون فيه صعافيق ولكن يكون به لغف احمد .....
علشان كذا لازم تكون متابع وتعرف مكان التطعيس ......
بعد كذا بكيفك تبي تروح تدور مع اللي يدورون بطريق الامير عبد الله او تروح للاستراحة او تروح لبيتكم لانه مثلك عارف يوم الجمعة اجازة
وبكذا اكملنا البرنامج الاسبوعي للعربجه .....
اووووووووووووووووووه نسيت اقول لك وش لازم يكون مظهرك :
المهم لازم تروح لم حلاق تركي وتقول له اضبط لي اخر قصة شعر نزلت للسوق :
وتخفف الشنب شوي هذا اذا كان لك شنب
وبعد كذا تطلع وتشووووووووووووووووووووف شغلك
تنبيه هام جدا :
المواعيد والاماكن قد تتغير بدون اشعار مسبق لذا لزم التنبيه ...
===============================
وختاماً :
العمل البشري لا يخلوا من الاخطاء ..... علشان كذا لا تواخذونن على الخطأ 
ونتقبل استفساراتكم وملاحظاتكم بصدر رحب .......
مع تحيات ///// فارسووووووووووووه
العرض العادي
