!_§=½‰ـدررر§®½‰±«BadeR»±‰®§البـ‰=½§

[البـــBADERـــدر B.D.Q]

المهبول الي عند مدرسه البنات

سبحان الله بعض الناس يعرف من وين ياخذ منك الي يبيه
قبل تقريبا اربع ايام وانا عند مدرسه البنات انتظر اخيتي الله يحفظه تطلع من مدرسته
لمهم كنت فاتح الدريشه على اساس اقول للفراش يصوت بالاسم علشان تطلع بنت عبد الله

المهم مادريت الا ذاك الي ناقزن بخشتي من عند الدريشه
وشوشه وضروس متكسره وحالته حاله ..
المهم سميت بالرحمن قلت هلا وش عندك
قال ابي خمسين
هههه قلت طيب رح لابوك يعطيك الي تبي
قال لا ابي منك انت .. علشان اخذ الفلوس وادعي لك

قلت طيب ابشوف الدعوه اذا تستاهل اول ولا ماراح اعطيك شي زين
<< ايقالوه بيلعب عليه
المهم اتفقنا على هالشي قلت له يالله سمعن وش تبي تدعي لي ..
رفع ادينه لسماء وقال الله يرزقك الولد الصالح الي يبر بك ويشيلك عن الارض

ضحكت انا وقلت ماراح اعطيك شي ... طير عيونه وقال وراه
قلت لاني اصلا ماتزوجت والولد مايجي من الباب للطاقه

قال اجل عسى الله يوفقك البنت المزيونه الي ماتناظر غيره

انا .. عقب هالعدوه ذي بصراحه عجزت اقاوم ههه
قلت مادام الدعوه به بنت مزيونه ومنب مناظر غيره اجل تعال خذ الي تبي

مانلام والله الزين مايجدع