شباب آخر زمن ...! شباب همهم تمريق النطفه وكفى ...!

[غلا قلبي]

[align=center]فور يو..
خلصت من البنات والحين تتكلم بالشباب الظاهر ان السالفة بالدور..
والله يا اخوي بعض الشباب..
تلقى امه ولا ابوه مدلعه قال ايش خايفين عليه رجال وش كبره يخافون عليه ..
لدرجة ان البقالة وهي بجنب بيتهم مايخلونه يروح لحاله..وين تبونه يعتمد على نفسه..
وبعض الاباء مهملين ولده كبر ما ياخذه معه للمجلس ولا عند الرجال او للسوق يتعلم سلوم الرجال..
وممكن يكونون الاهل قاسين على الولد وهذا ينعكس على شخصيته..
طيب الولد الحين كبر...بعضهم خلص الثانوي ولا قدر يكمل الجامعه..
اياً كانت ظروفه مالقى له وظيفه حتى الجامعي مسكين مالقى له وظيفه..
..وان لقوا وظيفه راتبها مو شي
والحين الدنيا غلت وتقول لي ماتبي العيال يضيعون ..
وشلون يلقون شي يشغلهم..
حتى النوادي الرياضيه مافيه..نوادي ثقافيه..مافيه
حتى وان تواجدوا قليله مو متاحه
بس من رايي الشخصي ان مايشغل الرجال الا وظيفته واذا على البلوت والسهر والاستراحات..خلهم يغيرون جو يوم بالاسبوع يومين..
بس مو كل يوم هذا ادمان..
اخي فور يو طرح موفق..
لك مني كل الاحترام والتقدير[/align]