رساله إلى الشيعه في الخليج

[عبدالعزيز عبيد العدواني]

بسم الله ابدا واستهل السيره

عسى قصيدي يا عرب به خيره

صلى الله وبارك على احمد وآله

في محكم التنزيل ما به حيره

باسمي وباسم السنه وقايدها

وباسم الخليج وباسم من به غيره

نهدي سلام(ن) خالص(ن) للشيعه

لا خوف لا رجوى ولا به طيره

الرب واحد والرسول محمد

وصحابته مثل النجوم منيره

صالو وجالو والمعارك تشهد

بسيوف لارقاب العدو شطيره

وماتو وكل علومهم عند الله

الله هو اللي يعلم السريره

يا اخواننا الشيعه نصيحه مني

والقول ما يحلى بلا تمريره

خلو هقاوي شيخكم في صدره

والحق واضح مثل ضو النيره

ان كان ملتكم صحيحه فانتم

تقياكم اصلح من خراب الديره

وان كانكم بالباطل وكابرتو

يوم القيامه ما بها تشميره

المسأله ماهي دعاية تايد

لامن طلع منتوج له تسعيره

المسأله دين وهدى مع تقوى

والا الحلى يسمج بزود الشيره

إيران ماهي سيدة موقفكم

ولا عندها لكسوركم تجبيره

حنا عرب وانتم عرب تجمعنا

عاداتنا لهجاتنا والجيره

حنا عرب وانتم عرب تجمعنا

أرض الخليج وقبله وتكبيره

حنا عرب وانتم عرب والمعنى

واضح ولا يحتاج له تشفيره

هدو عليكم بارضكم وارتاحو

أمن وأمان وراحه وتصفيره

ما عاش من خرب على وحدتنا

ولا عاش من خلى البلد تعميره

يشهق هواها ويا شبع يزفرها

ويصير للعالم علينا عيره

تكفون يا ابناء البلد يالشيعه

عيشو بامان وحسن سير وسيره