الفصل الأول
المشهد الأول
محمد: بكم الجح ؟
زيد: بلاش اليوم بعنا بتراب والمشكله سكر زيادة
محمد : أجل عطن هالموسطة او من ذوقك يا خلفهم
زيد : أبشر بسعدك واعتبره هدية بس بعشرين بس
محمد : بعشرين !! بس بت بط بع
زيد: لا تبربر يا عمي الشي مضمون
>>> محمد يشيل الجحة ويرفعه تقل رافع كاس العالم من الوناسة
المشهد الثاني
محمد : سلام عليكم
عبيد: هلا وغلا بالحبيب>> لاحظوا مارد السلام
محمد : الله لايهينك ابي قويصرة من القونص >>> طبعا موصفن له اللحم
عبيد : أبشر عندي لحمة حاشي جديدة قبل ساعة ذابحينه
تبي ربع او نص ؟
محمد : لا لا ابي خمسه كيلو وخلهن قويصره من الكتف الطيبة
وتقطيع ثلاجة وقافييه
عبيد : من عيوني >>> جزار ويقول من عيوني صعبه
محمد : كم حقهم؟
عبيد : يارجال اللحم طيب لاتنشد عن الدراهم
وحقهم خمسه من أربعين يعني ميتين و خمسين >> عيني عينك
محمد : تفضل
عبيد : كتر خيره وانتبه لا تزودون عليه بالطبخ تراه صغيره ماتنطح
الفصل الثاني/
المشهد الأول
بدرية: محمد وش هالجحه تقل قرعه من قساوته وشين طعمه
محمد : معقول هذي جحتي الي انا جايب
بدرية : أنت آدمي أو منظر من ابو عريش أقولك جحك ما عندنا غيره أصلا
محمد وقد نزلت حواجبه على عيونه من التكه: يعني غشنا راع الجح
الله لا يوفقه الله لا يبيحه الله لا يربحه
المشهد الثاني
محمد : بدرية عسى ماكثرتي الطبخ على اللحمه
بدرية : زي العاده نص ساعه بالكاتم
محمد : اوووو كثرتي المفروض ربع بس
بدرية : إيه ماتفرق خل نشوف الحين وش صار
بدرية وهي تشهق : دافور قلبي تعال شف لحمك
محمد : ورين هالزهمه >>> اووووو وش هالسواد والقساوة
معقول غشنا راع اللحم
بدرية : يا حلالي يا انا يحسدونن على هالدافور الي كلن يلعب عليه
محمد : الله لا يوفقه الله لا يعطيه عافيه الله لا ...... الله لا....
__________________________________________
سؤالي لكل غشاش يعني ماتخاف الله؟
ولا تخاف انهم يدعون عليك؟
وسؤالي للمغشوشين معقول بس تدعي ووبس ليه ماترجع عليه بضاعته ؟
لو كل شخص رجع للغشاش وفضحه عند الناس تاكدوا كذا بنقضي على الغش
إيش رايكم ؟؟؟
العرض الشجري