تعالوا نغير الموجة على اذاعة وشيب عيني .

[القلم الصريح]

الدنيا حظوط .. فمع انه خبيث طبع سماطي لو يحرج عليه بسوق الرخوم ماجاب ريال الا انه كل سنه تخطب بنت من بناته ومن عيال الحمايل بعد..

الدنيا حظوظ .. فمع ان مقالاته بمجلسهم
قصص تسذب بسذب الا ان الردود تتجاوز الـــــــــــــ 4545 "" رقم مميز صح ههههه

الدنيا حظوظ .. فمع انه خسيس وملعون صير وقليل دين الا انه يتربع ويمدد رجليه السيد الامر الناهي
وسط مجالسهم ...



الدنيا حظوظ .. فمع انه لا يهرج ولا حتى ينش او يهش الذبان عن وجهه الا انه يشري الارض الصباح والعصر واقف على بابه 3453 زبون وكأن الارض صارت من ذهب .


الدنيا حظوظ .. فنع انه شيفه وتسذوب والخشه مسوده من التتن الا انه لكل ساقطه لاقطة وسط المعجبات اللي يهذرن فيه بالقومه والقعده .

الدنيا حظوظ .. وقس على ذلك بواسطة ( هلم جرا)
خلوا بالكم من اخر كلمتين واللي بين القوسين تراي تعبت عليهم ههههه

يوم اسولف لكم هذي السواليف ابيكم تعرفون ان اللي تشوفونه بعيونكم يشوفه غيركم ..
اللهم اجعل حظوظنا بالدنيا برضاك عنا والستر وفي الاخرة بجنتك وان غدا لنفس المنتظره لقريب .
مع تحيات قلم مكسور قصدي صريع يووووووووووووه قصدي صريح .