●● ●● ●● ●● ●● ●●

[دينا]

تسلم عليكم اليزابث توها مكلمتني
تعزمن على عرس ويليام وكيت عاد تقول اني كزيت الدعوه وعليها ختمي بس قلت لازم بعد اعزمتس بنفسي
أنتي غير واحسن شي بالعالم كله حتى ساركوزي ماعزمته عشانتس خابرتس ماتواطنينوه
وش تبون انتم هي تقوله

عاد قلت له مدري أشوف عرسهم الجمعه
بينقلونه ع قناة دبي 1 وLbc من 10 ل4 العصر لكم بس أنا مدري عن روحي مو أكيد بحضر خبركم مافيه وقت ماجهزت لحفلتهم
عاد يقولون ان ويليام مثل ابوه يحبون الحريم المتسلطه <-- اوص حريم بدن يحشن
ايه هماه ابوه سحب على ديانا عشان كاميلا الي معروفه بشخصيتها القويه وببشاعتها
مير يابنات لاتضيق صدوركن وتحسبونه واقفه ع الشهبان الي حولكم شوفن كيت ماضرها بتاخذ ويليام وهي اكبر منه ولابعد قبل ابوه عامل فحم وامه مضيفة طيران
عاد المسكين ويليام اللي حوله متسلطين عليه وبس يتطنزون بوه يقولون ماتحتاج خدم كل عمره خدامه عشان تسذا ولا اخذ بحتسيهم
وهي الله يصلحه به كبر موب لم سالفه بمقابلة سألها المذيع صدز ان صوره بغرفتك من يوم انتس بزر قالت لااصلن ويليام مش طموحي انا طموحي واحد يشبه عارضين الازياء
بس صديقته فضحته قالت أن كيت تخطط هي وامه ع الولد من يوم انه بزر
ولابعد يقولون <-- ياذولا الي يقولون
ايه انه أول ماتعرف عليه وهي شسمه ياخزياه بس كانت بعرض ازياء بفستان اسود مثل قلته الله يستر علينا وعليه ومن عقبه وهم يطلعون مع بعض
<-- افوله وينتس اولاه هنا ماتذكرتي جوسيب قيرل نصلح نسولف بهم
وش بعد كنت بقول كلف زواجهم 715 مليون يورو مدري وشوله الخساير
يعني لو هم حاطينه بالرصافه طبعاً ان لقوا حجز (فيس تعقد) ايه تسان القاعه مع العشاء والضيافه والزفه وو ماكلف 100 الف ريال مير مابهم خير مدري شلون ربي بيوفقهم
وحتى شهر العسل حجزوا لهم بيت مع شاطئ خاص في كورفو باليونان
لو هم حاجزين لماليزيا
قايلتن لكم يحبون الخساير وكيت داخلتن على طمع بنت فقر

وه تعبت بس قضيت قايلتن اللي عندي
<--- مشكله الي فرحن بالنت عقب انقطاع ودي ابتل احتسي