صباحكم ومسائكم
معطر برائحة زهرة البنفسج
اللون البنفسجي هو عشقي وهيامي وخصوصاً في الأثاث بعد دمجه
مع
الأسود /
الرمادي /
الأبيض /
الزهري
يعتبر من الألوان الملكية سواء حبيتو هاللون او لأ
فهو موضة 2010 للتتصاميم الداخلية وسوف تبقى كذلك حتى في عام 2011
ولو تلاحظون ع الفضائيات ومن خلال ديكورات البرامج
بتشوفون ان اللون الملكي
وهو لون البنفسج هو المتربع
وهنا بحاول أجمع أكبر عدد ممكن من افكار هذا اللون عشان تستفيدون في حال رغبتكم فيه
عن نفسي قلبت بيتي وتعبت كثير لأنه ومع الأسف
الأثاث عندنا تقليدي ومافيه أحد ينفذ أفكارك الا بطلعت الروح
والخيارات محدوده وحتى لو لقيت أحد بيكون شغله مو بيرفكت
(
ماتلاحظون أني قاعده أقرقر عن معاناتي ونسيت الصور ! )
خلونا في الصور الحين ومعاناتي بكتبها قريباً وأضيف معها صور للأثاث الي نفذته بطلعت الروح
بس قبل ما نشوف الصور , لاحظت أني متأثره في اللون حتى في الكتابه في المنتدى
في الصورتين دمج للون البنفسجي مع اللون البني وقليل من الأبيض
ماحبيت كثير اللون البني , حسيته قتل بهجة اللون البنفسجي وضيق مساحة الغرفه
جرئهـ في اختيار درجات الألوان , ياحلو اللون الأبيض يكمل الغرفه ويفتحها ويعطيها أشراق اذا تم دمجه بطريقه ذوق مع الوان أخرى
وع طاري اللون الأبيض , ماتلاحظون ان اللون الأبيض او (اوف وايت = سكري ) أختفى من على جدران البيوت
صارت جدران الغرفه معتقه بشكل كامل وبلون غالباً من درجات البني
ليش أختفت الألوان الساده ؟ مع انها ذوق للي يعرف كيف ينسق وماشوف كثير ناس تدمج في الألوان
أو تجعل جدار معتق أو ورق حائط وخلافه وباقي الجدران تكون بلون ساده ابيض كان او سكري ؟
ماعلينا نرجع للصور
فكره غير مسيوقه في دمج البنفسجي مع الأخضر الفاتح , لكن الخامه موشش ولابد وضيعت فخامة الصوفى
اللون الأبيض هو السائد , لو تم أستبدال السجاده البيضاء والمخططه بأسود بسجاده تحمل درجات مختلفه من اللون الرمادي لأصبح المدخل
أجمل
أستخدام لدرجات مختلفه من اللون البنفسجي
حبيتها
أنتعاش , ماتحسون كذى مثلي !
الصوره هذي كنت متردده أحطها او لا ( مابي أحد يسرق الفكره )
بصراحه الدزاين هذا امعشش في نافوخي وناويهـ النيهـ عليه لكن الين الحين ماحصلت
نوعية الخامات الي ابيها
وعلى فكره تنفيذه سهل جداً
مادري ليش لما شفت الدزاين هذا ولون البنفسج الصخري مع الأبيض
شميت رائحة شلالات وحسيت أني ساكنه في منزل صخري
رووووووعه
بس مشكلته الأرضيات لونها غير عملي للمطبخ
الا اذا كان عندكم مطبخين واحد للطبخ والنفخ والثاني للكشخهـ , أتوقع تظبط
أسود مع بنفسجي
يقال بأن أصحاب هذا اللون مختلفين ولديهم حس أبداعي