السلام عليكم ورحمة الله وبركــآته ....
.........
عقبال يا مـــآخذ فؤآدي مية عــام ......
........ ضيعتني منــك وأنا ما أهتديتـــك ......
,,,,, قصيدة جميله و رائعـــه من روائـــع الشعــــر
للشاعر القطـــري : محمد بن فطيس المـــري ...
تجعلك تبحر و تغوص في كلمــاتهـــا ...
تأخذكـ بعيداً عن مكـــانكـ ألى مكـــآن محبــوبـكـ ...
تجعلك تتقلب بين الذكريات و الأحــلام الجميله ....
أترككم لـ تتذوقوهــــا بـ أنفسكم ,,,,,
.........................
عقبال ياماخذ فؤادي مية عام ..
.. ضيعتني منك وانا ما اهتديتك
لا ..ما نسيتك كيف بانساك ما دام ..
.. ذكرى الفراق تهزني لو نسيتك
حبك قدر وانا على دين الاسلام ..
.. مكتوب في وجه الجبين ورضيتك
لك في الضمير الود والحشمه اتوام ..
.. ولي في ضميرك مثل ما انا بغيتك
ولك منزل في نايف القلب وخيام ..
.. وذود الغلا ترعاه ولا شكيتك
يفطر عليك القلب وان فارقك صام ..
.. والله لونك شوك سدره كليتك
القلب طير لادعي للهوى حام ..
.. والا انت وكره من كثر ماهويتك
كن العيون من النظر عقبك ايتام ..
.. وكني ماريت الا انت من يوم ريتك
وكنك معي وانا فقدتك من اعوام ..
.. مع الخيال القاك كني لقيتك
من صعب وصلك ما تهنيتك احلام ..
.. وان جابتك فزيت شوق ومحيتك
يعني وصالك صعب واهدافي اوهام ..
.. يعني زرعتك للقدر ماجنيتك
صبرك يقولون العرب كل الايام ..
.. يوم عليك ويوم لاجاك جيتك
ويا قلب ياللي ورثك اجروح وآلام ..
.. بليتني ماهو بانا اللي بليتك
ولعتني من عادني في الهوى خام ..
.. واسرفت بي وانا خطامك عطيتك
طعتك وزبدة طاعتك هم وهيام ..
.. مالله كتب لي واستخرت وعصيتك
لوللقلوب اسواق بايع وسوام ..
.. لابدلك وان جيتني ماشريتك
والا انت ياللي جيش عينيك مقدام ..
.. لا اقنعت منك والرجا مارجيتك
كني سجين بين..افراج ..واعدام ..
.. وكنك سجن وانا بنفسي بنيتك
تنبيك عن حالي محاصيل الالهام ..
.. وتخبرك نظراتي نهار التقيتك
عقب الوصال اللي على عين من لام ..
.. قدهو يكفيني عن الوصل صيتك
وقدني الى مريت بالشارع العام ..
.. لديت من ما في الضمير ودعيتك
ادري ان صوتي ماقطع عشرة اقدام ..
.. وادري بي اعود الى من نصيتك
ياشينها يامحني راس الابهام ..
.. ماقدر على شوفك وانا عند بيتك
..............
أتـــمنــــى أن تحــــوز على رضـــأكم وأستحســـانكم ...
شكراً لكــــــم ...
....
..
.
مائة عــام ...
العرض الشجري