قصيده التتن للشاعر / مطلق بن ناصر الهاجري
التتن دامه في الدكاكيـن بشريـه
بريال ولا بألف ماهـو خسـاره
يامهبلك يامعذربـه عنـد راعيـه
من عذربه عندي بينقص وقـاره
لاجيت با خليـه محتلـت أخليـه
ما يطرد الهاجوس كود الزقـاره
لولاه بوسوس وباأمرض و اباتيـه
وتشوفني في كل شـارع وحـاره
مثل الهبيل اللي يضيع البصر فيه
ياكل من الضيقه حبوب الحـراره
انشهد انـه حلـو واللـي محليـه
راعيه ما تطفي مشاهيـب نـاره
وراعي الهوا غير التتن وش يسليه
خصٍ ليا منعـت عليـه الزيـاره
لاجيت جنب بيته وأنا كـان ناصيـه
وحطيت من بيني وبينـه زبـاره
خايف عليه وخايفٍٍ مـن دناويـه
ابطفي الشعلـه تمـوت الشـراره
وأمصاحبٍٍ جيرانه اللـي حواليـه
حيلة اضعيفٍٍ في طرفها صقـاره
وأحب ضيفة جاره اللـي يواليـه
القلب يمـه والوجـه يـم جـاره
البـر لا لا البـدو مانـي بدانيـه
لخضّر مخضر بقلبـي خضـاره
آليا خلا جال المريـر ومضاميـه
بعت البداوه واشتريت الحضـاره
لي صاحبٍ يغليني اٍغلاي واغليـه
مـن يـوم حبيتـه ودليـت داره
ومـادام منطوقـه فديتـك ولبيـه
مانيب أفكر في الفقـر والتجـاره
اسمر لعل البيض تفـدى مواطيـه
أموت في سكبة عضـاه وسمـاره
واليا ضحك قلبي يفاخت عراويـه
علي نذر ما عاد عنـدي عيـاره
تنشب عيوني في سنونه وأشافيـه
لبعد عن الوجه المليـح الستـاره
وعرقا على كبدي ولاقلت له ليـه
والبزر طامسـةٍٍ سمـاه البـزاره
واقول يا شاطر شف اللي تسويـه
منيب احسد الشاطرين الشطـاره
مابيه يزعل ودي انضّر و أرضيه
لو أحذف نفسي من أطول عماره
وامنول أهـذب كلامـي وأنقيـه
واليوم خاشرت الغجر في الغجاره
هاجوس قلبي مفردن به ومعميـه
عشاي كرز ومرقدي في الغمـاره
العرض الشجري