بدايه تقبل الله منك الصيام والقيام وصالح الاعمال واعانك على ذلك
ضيفنا في رمضان
_يوم الجمعه تلقينا خبر دخول رمضان ليكون يوم السبت اول ايامه!!اول شي خطر في بالك تعمله لرمضان وش كان!!ومين الشخص الي كان قريب منك؟بداية أشكرك جدا على الاستضافة كما اشكر لك النشاط الذي تقدمينه مع زميلاتك وزملائك في المنتدى حيث انتم وقود المنتدى ..أما عن اول ما فكرت فيه في بداية هذا الشهر الكريم فهو أني كنت من ضمن اللجان الاعلامية لحفل تدشين الزاد الخيري وذلك على شرف امير المنطقة وكنت منشغلا لدرجة فوق الخيال ذهنيا وجسديا ... حيث كان الحفل في الثاني من رمضان ودائما اشد العمل قبل الحفل ..ثم انطلقت مع ليالي موفنبيك الرمضانيه في المركز الاعلامي وكان ختامها في الخامس عشر من رمضان وبصراحه كنت في ضغوط كبيره في هذه الفتره ولم أتهنى في رمضان فكان أول حاجه تخطر في بالي عمله هو أن ننجز ونتم ليالي موفنبيك على خير
_كم كان عمرك اول صيام!!تذكر شعورك كيف كان!!اذكره لنا؟
والله يانا أبذكر لكن نقول كان بداية في السنه السادسة حيث كانت بداياتنا في الدراسه وتعرفين لابد يكون صيامنا إلى اذان العصر وقتها يعني نجي من المدرسه ونجلس نتابع بابا فرحان وبرنامج المسابقات حروف اما الصوم الفعلي فكان في التاسعه
_طاعه تحرص على فعلها في رمضان؟
لاشك بأني مقصر في الايام الماضيه نظرا لضغط العمل ولكن قراءة القرآن هو ما أحاول ان احرص عليه
_بختصار يومك في رمضان كيف تقضيه؟
اقضي يومي من التاسعه وحتى الثالثة >>بالدوام وبعد صلاة العصر غفوه على الخفيف بس ساعتين وبعدها الافطار وبعد التراويح اسير على مكتب المنتدى اشوف العيال وش عندهم وغالبا بصدق في البيت
_مكان تحب تزوره في رمضان؟
مــكة المكرمه مع اني في هذا العام لم يكتب لي السفر حتى الآن >>يجيب الله العطله
- برنامج رمضانى تحرص على متابعتة خلال شهر رمضان؟
انا من الناس إللي مهب راعي متابع للقنوات >>مع اني إذا تابعت تابعت
_ليالي رمضان مع مين تحب تقضيها؟
والله احب اقضيها مع الاسره كنا أيام العزوبيه قبل سنوات نقضيها مع الاصدقاء >>لعب طائرة وفله ولكن بعد الزواج طوينا صفحة الشله
_وين وصلت في ختم القران؟
للأسف كما ذكرت لك كنت في الايام الماضيه مشغولا وفي ضغط عمل رهيب ولكن مع منتصف الشهر زالت هذه الضغوط اما عن السورة التي وصلتها ((التوبه)) الجزء العاشر وعازم بقوه على الختم بإذن الله
_طبق رمضاني تحرص على تواجده في سفرتك؟
غير التمر وماء فيمتو ثلج والسمبوسه والشوربه بس تكون باللحم
-موقفين حصلو لك في رمضان او شاهدتهم واحد حزين مبكي والاخر محرج مضحك!!اذكرهم لنا؟
من المواقف المضحكه التي حصلت لي في رمضان وانا طالع قبل كم يوم للدوام الصباح لقيت كيس فصفص باجة في السيارة وبديت أنقم وناسي الصوم ويوم وصلت للدوام بجنبي واحد من الزملاء يقول ريحة فصفص >>بصراحه اوجع بطني وقتها ورحت أتمضمض بسرعه
اما عن موقف محزن في هذا الشهر هو مرض زوج اختي ولكن الحمد لله زال المرض وقام بالسلامه
ضيفنا في سطور
_عرفنا بنفسك؟
بندر محمد الحمر
_اصاحبك المقربين كم عددهم؟
اصدقائي كثر ولكن انا من الناس إللي ما أحب ارتبط مباشره بأصدقاء فأصدقائي بالجوال إذا لقيت فلان فاضي اذهب إليه وازوره ونسولف >>ونحرص على الحش بس بمزح
_متى تجتمع فيهم!!اكثر اجتماعك معهم وين يكون؟
والله مالي شله انا ولكن دايم نتواعد أنا وبعض الاصدقاء في cofee أو جلسه او استراحه
_مواقف تحضرك حصلت لك معهم؟
موقف لن انساه قبل خمسة عشر عاما ذهبنا إلى مكه انا واحد اصدقائي على النقل الجماعي فتعرفنا على شابين في النقل وكنا معا من الاص وحتى مكه فأخذنا شقه مع بعض من معرفة فقط في الباص
_اي الهوايات تحب تكثر منها الايام هذي؟
لعبة كرة الطائرة
_اكثر انسان قريب لك_اذكره لنا_وجه له رساله؟
الوالده والوالد ..والاهل عموما
رغم تقصيري في زيارتكم والحضور لكم فأنتم في القلب والعقل والروح ولكن اعذروني فأنا انسان مشغول وساحاول اجتياز هذه المرحلة وقريبا تبي تملون من
_لو كان عندك وقت فراغ وين تحب تقضيه_نت_تلفزيون؟
والله اني احيانا كلهن احط النت وبجنبي التلفزيون ولكن بعد ظهور بعض قنوات الاطفال اصبح التلفاز ملك لبناتي الله يصلحهن لينا وريما
_اكثر وقت تحب تسترخي فيه!!وكيف طريقة استرخائك؟
فيه ناس ما تحب نومة العصر وانا من اشد المعجبين في النوم في وقت العصر يعني قيلولتي العصرية
ضيفنا في بريده
_سجلت دخول في منتدى بريده خبرنا عن اول قسم تدخله!!وشو الشي الي يجذبك فيه؟
اول قسم تدخله!!وشو الشي الي يجذبك فيه؟
منتدى بريدة الخاص .. وذلك لمتابعة شئون مدينتنا الغالية
قسم الاستراحه نجدع فيه كلمتين ونهج ههه
_اقسام جديده تتمنى تكون موجوده في المنتدى!!واقسام تتمنى تنحذف من المنتدى؟
كل الاقسام اللي ودنا بها الحمد لله موجوده وعن اللي ودنا تنحذف الله ما عليها سوق
_اعضاء تتمنى تواجدهم يكون مستمر تفرح بإتصالهم اذكرهم لنا؟
عاشق ديرتي بريدة وقلب ضب
_موقف حصل لك مع احد الاعضاء؟
كثير شباب قابلتهم من المنتدى في المناسبات ويا حبيلهم
_شخصيات تتمنى زوالها من المنتدى وشو الاسباب الي تكرهك فيهم؟
ايفل قيرل ... ,sam لأنهن يكتبن مواضيع قوية ونفقدهم فجأة ومن ثم يعاودوا مرة أخرى فأتمنى ما يقطعون مثل هذه المواضيع
_رئيك بستايل المنتدى !! تقترح يتغير!!او يبقى كذا؟
ما اعجبني البلم اللي خلف الشعار بس وإلا ستايل جنان
_بدايت دخولك للمنتدى متى كان !! ومين الي دلك عليه_اعطينا رابط اول موضوع نزلته فيه؟
_نفتخر بإدارة المنتدى شخصيات راقيه_محنكه_لكن نبغى منك شخصيه اداريه تحسها قريبه منك او تحترمها وتعزها؟
فيه عبدالله الحلوه استشيره كثير كما أن بريداوي استمع لتوجيهاته وجلوي الشقير احترمه جدا
ضيفنا والموبايل
_جوالك شو نوعه!!من متى وهو معك!!فكرت تغيره؟
n95 المطور له ثلاث شهور ومستحيل اغيره
_كم رقم مخزن عندك؟
1361 رقم
_اخر صوره التقطتها فيه(اعرضها)؟
مريحه من التصوير لأن عندي كاميرا
_اخر رساله تلقيتها من مين (كمان اعرضها)؟
وصلتني قبل قليل رسالة من الاخوه في منتديات في احدى المحافظات بالمنطقة حيث يدعوني لحضور افطار في استراحة اماسي
_شو النك نيم حق البلوتوث؟
واو
_رساله ماتفكر تمسحها!ليه!ومن مين؟
من المرحوم ابوانس الحميدان الله يرحمه في نصيحه اجعلها نصب عيني دوما
ماسنجر ضيفنا
_شو توبيك ماسنجرك؟
بندر الحمر
_ماهي الرساله الشخصيه في الماسنجر؟
لا يوجد
_صورة توبيكك!!نزلها لنا؟
_مين اول من اضفته بالمسن عندك؟طلال العيدان
_تحب تكون اون لاين او وف لاين؟
اوف لاين لأني ما احب اسولف بالماسنجر تخيلوا أول ما ينادي احد بالماسنجر أدق جوال عليه واكمل مكالمه
_كم عدد المضافين عندك؟
73
_مين اعضاء المنتدى الي مستضيفهم؟
قرناس وابوحكيم وعبدالله الحلوه وهادي العنزي والسوبرمان و محمد الدبيب وسعيد عبدالغني وايدا الموسى ولدع والرحال الصغير و معاد بدري و مخرج تلفزيوني و فنتاستك والفلته 9 والخيال و الكبري و سيف التعاون و عمر العايد ووووو
_كم رساله بإيميلك لم تقرأ حتى الان؟
1 وما ادري وينها كسل ارجع ادورها
ختام
_وين كنت في لحظة حل الاسئله!!مين اقرب شخص لك (وده تقول وش قاعد يسوي)_اعطينا التوقيت؟
بالبيت عندي لينا بنتي مطيره عيونها على طيور الجنة
_كلمه اخيره وإذا حصل تكون مدح لي
؟
شكرا جزيلا لك ايفل قيرل على جهودك الكبيره في تفعيل اقسام المنتدى فكما كنتم سابقا مبدعين فها انتم تواصلون ابداعكم فأنتم كالنحل يطوف في ارجاء بستان منتدى بريدة ويبعث الرحيق للمتابعين فإلى الأمام
هذا ضيفنا الاول بين يديكم إلى غداً بهذا التوقيت
اي سؤال عندكم لضيفنا تفضول بطرحه
التصاميم جميعها للعضوه
SAM
الف الف شكر لك يالغاليه
----
كمان الف الف شكر للعضو
ămōяẻ
صاحب الموضوع اللذي كلفني بإكماله
-------
بنتظاركم
دمتم
لــــيــــالـــــي .....رمـــــضــان مع>>بندر الحمر<<
العرض الشجري