البنت بتعرس .. وش اعلمه ؟؟؟؟

[الست مطفوووقة]

ماش عيا يجين نووم .. لما ادبر موضوع .. ودي اوريكم توقيعي ... جديد طافتن به ويمصع من الضحك ضحكت عليه لمين افتر ابو راسي الموووهيم .. نبدا موزوعنا ..

الفصل الاول (( المشهد الاول ))

نوره : يووووه ياحصه انا مره طفشانه
حصه : ياختي سلّي نفسك بأي شي
نوره : مأقدر خلاص طفشت من حياتي ومن اهلي ومن كلششش
حصه : هوهو تعوذي من ابليس
نوره : حصه خلاص انا قررت اني اعرس
حصه : هو شايفتن العرس حلا ؟ !

الفصل الاول (( المشهد الثاني)) << ياكثرتس بعد

نوره : اي اعرس وش فيها
حصه : بالله وش تبين بالعرس
نوره : ياختي الزواج شي رومانسي وفله يعني كذا اتخيل اني اطامر في الحوش مع زوجي
العب حبشه معه .. اقطع بصل معه بالله هذا شي مب رومانسي ؟
حصه : وش هالاحلام الورديه شكلتس متأثره بميرنا وخليل ..

الفصل الثاني (( المشهد الاخير ))

نوره : باركيييييييلي انخطبت
حصه : صدق مبروووووووك
ومرت الايام
نوره : حصصصصصصه بكرا عرسي وخايفه مره احس اني مو متهيأه نفسيا ولا عقليا وجسديا
حصه : احسن انا قايله لتس وش مطيرتس ع العرس ..

والمصيبه الكبرى تسرع البنت بأتخاذ قرارتها بدون مايكون عندها بُعد نظرر ونظره
مستقبليه بزواجها ولا حتى انها فكرت انا اقدر اكون زوجه بحق ولا لا ..

الخلاصه : مثل ماشفتوا هذا كان حوار من مخليتي بين حصه ونوره .. نوره تبي تعرس وحصه تقول وش تبي ذي ..
اللي بغيت اوصله لكم من هالحوار
اني اشوف الوقت تغير الحين الرجال يحشم المره والحموله يخدمونه عكس اول المره تحشم وتخدم (( راحت علينا الله يخلف )) يعني مايحتاج نعلمهن الكرف والطبخ ..
فهل ترون << متعوبن عليه بالحيل
أن بنت هالوقت تحتاج تأهيل لقيادة وادارة المنزل والطبخ .. ولا يكفى تأهل جسدياً ورومانسياً والباقي مايقصر ابو الشباب ..

اللي حاب يضيف يتفضل تسعدني مشاركتكم ولاتنسوون تويتزون على توقيعي ..