بسبوسه طهر السماء ..../

[طهر السماء]

بسم الله الرحمن الرحيم



هلا بالطبااخين ../



هذا أول موضوع لي في هذا القسم >> انا اموت في الطبخ و الحلويات لكن احب اكون انا مسويتها مو نسخ لصق >>

حبيت اجيب لكم بسبوسه من عمل يدي ..../ >> اللي يشوفها يقول مسويه مفطح >> بس ترى عاتي شوي شوي بعدين اجيب لكم الطبخات الدسمه

نبدأ بالمقادير :

طبعي انا مرتبه و احب التنظيم >> لهذا اولم كل المقادير عندي بعدين اشتغل >> يا شين اللي يمدح نفسه


أول شيء يكون عندك ..

قشطة + بيضتين + باكنج بودر + زيت + سكر مطحون + سميد + شعيريه + شيرة تكون محضرة من قبل و هي تتكون من ( كاس ماء - كاسين سكر - ملعقه صغيرة ليمون ) تغليهم ع النار حتى يكون غليظ ...
شغلي الفرن حتى يحتمي

/

يالله نبلش بالعمل ......./

بالخلاط :

قشطة
بيضتين
ملعقه باكنج بودر كبيرة
ربع كأس زيت
ملا طاحونة الكأس سكر مطحون >> تحسون اني سنعه المقدار بطاحونه الكأس > ام السنع



عاتي اذا كنتـ/ ـي مستعجلـ/ـه أو ما لك خلق تسبعـ/ـي المواعين >> مو لازم خلاط تخلطيهم بزبديه حتى يتجانسوا .../ >> وش رايكم اعرف انا الحريم عجازات بعضهن >> و انا يمكن اول القائمة


:
:

بعد ما تطحنيهم / تطحنهم >> تحط عليهم السميد



السميد >> الصراحه انا ما لي مقياس محدد .. تحطـ/ـي حتى يكون مثل خليط الكيك ../





بعدها تكونين مجهزة صينيه زجاج ( بايركس ) افضل حتى تشوفي اذا تشقرت من تحت او لا >> تفكر

و تدهنيها بالزيت بعدين تحطـ/ـي عليها الشعيريه زي هذي الصورة ..../






و كبـ/ـي الخليط عليها .../



بعدين حطـ/ـي عليها شعيريه من فوق زي ما هو موضح بالصورة ../
أفضل يكون سمكها صغير >> فيه احد يفضلها عريضة لكن سر بسبوستي يكون سمكها صغير ..
بعدين للفرن >> يالله النجاة من النار ../



و اتركـ/ـيها ع النار حتى تشقر ....

عاد انتـ/ي سبعي المواعين ع ما تخلص .. و الا روحي تلبسي و لبسي عيالك اذا رجعتي بتلاقينه خلصت >> لا تنسينها بعدين تحرق >> لا تصدقين خلك عند النار > بعدين بكرى نشم حريق بسبب بسبوسة انا قلتها >>> الله يكافينا الشر و يحفظنا يا رب ..

و انت اذا تبغى تصغح الجريدة ع ما تنضج .../

بعد ما اطلعـ/ـينها من الفرن .. اتركـ/ـيها تبرد بعدين صبـ/ـي عليها الشيرة ..

الشكل النهائي



و قطعـ/ـيها معينات او مربعات صغيرة ..

و بالهناء و العافيه ع قلوبكم ../



ملاحظه / عاتي تحفظينها بالفريز لمدة ثلاثه ايام بس بدون ما تحطـ/ـي الشيرة ...

يالله عاد لا تنسوني من ردودكم و تقييمكم لبسبوستي .../

محبتي للجميع ..